جاد: فهد باقي حي
حمزة: احم اه وللاسف هرب من الصبيطار.. مي علاش كتسول
جاد: هادي جوج مرات كيجي لعند نور مرة دخل عندها لبيت دالنعاس والمرة التانية البارح فالجردة
عادل: كيفاااش وكيدار دخل للدار<
جاد: معرفتش.. مي كيدار حتى عاش وانا شفتو محروق
حمزة: نتا كنتي ملهي فالتقلاب على نور وكان جا واحد من الاومبيلونس لقا مزال النبض وهزوه داوه وصيفطو اومبيلونس اخرى كتسنا نور.. تصاب بحروق ووجهو تشوه بقا شهرين فالصبيطار كيتعالج وفالاخير هرب ولد الحرام
جاد: المهم خاصنا فاسرع وقت نلقاوه قبل ما يأذي نور
زياد: متخافش غادي نديرو جهدنا باش نشدوه
جاد: اوكي... طلع عند نور لقاها متكية فوق الناموسية معنقة كرشها ودموعها فعينيها
جاد: (قرب لعندها وحط يدو على شعرها) متبقايش تبكي ومتخافيش انا معاك
انا: واخة... جاد بقا مدابز مع افكارو واش يقرب ولا لا فالاخير ناض تحشا حداها وجبدها عندو عنقها... زادت تحشات فيه بقات كتشم ريحتو حتى نعسات... طل عليها لقاها ناعسة ابتاسم.. وبقا كيدعي يلقاوه بالزربة قبل مايدير شي حاجة خايبة...... كيشوف فيها كيفاش ناعسة بحال الملاك وزادت غلاضت شوية وزيانت بدا كيدوز يديه على كرشها وفرحان حيت قريب يولي اب.... من بعد ساعة بدات كتفيق لقاتو مزال معنقها وكيشوف فيها حسات بواحد الراحة والفرحة
جاد: صباح الخير النعاسة
انا: صباح النور
جاد: ياله نوضي غسلي وجهك باش نهبطو تفطري
انا: شحال فالساعة
جاد: 10 هادي
انا: ناري عندي موعد مع الطبيب مع 11
جاد: (باستغراب) اينا طبيب
انا: طبيب نفساني البارح مشيت خديت موعد
جاد: اوكي لبسي وياله نمشيو نفطرو فشي كافي ونمشيو للطبيب
انا: اوكي... نضت بالزربة قضيت حاجتي وغسلت وجهي خرجت صليت صلاتي ولبست حوايجي لي عبارة عن سروال كحل تجين و تيشورت بيض فيه الكتابة بالكحل مع سبادرين بيضة حليت الباب وانا نلقا جاد مبوكص وريحتو وصلات تال عندي... مشيت كنجري عنقتو وحشيت وجهي فعنقو
جاد: (تأكد بلي كتوحم عليه وعجبو الحال) هههه نور اش كاديري تما
انا: (طلقت منو) احم سمحلي ياله نمشيو... بغات تمشي وهو يشدها باسها من فمها وعنقها وباسها فعنقها.. طلق منها لقاها مزنكة مي حس بيها فرحات
جاد: (دور يديه عليها) مشينا
انا: (فرحت) اه😍😍... هبطو ركبو الطموبيل وهوما يمشيو.. وقفو قدام كافي قريبة للطبيب باش ميتعطلوش... دخلو وهو يجي السرباي
جاد: شنو بغيتي
انا: ممم بغيت 2 كرواسون ديال الزبدة ويكونو سخانين مع كاس دالليمون
جاد: صافي غير هادشي
انا: وي حتا نخرجو ونعاود نجيو ناكلو دبا ميقدناش الوقت
جاد: (كيموت بالضحك) هههههه راك كتفكري ماعندي منتسالك😂😂
انا: (دليت شفايفي) متبقاش ضحك عليا
جاد: ههههه صافي صافي.. عفاك انا جيبلي قهوة كحلة.... مشا جابليهوم داكشي
انا: (كناكل فالكرواسون) مممم لذيييذة
جاد: (ساهي فيها وعجباتو حيت كتصرف بعفوية حداه) تزيدي شي وحدة
انا: لا بلاش بقات 5 دقايق ياله نمشيو
جاد: اوكي... ناض خلص ومشاو قطعو غير الشانطي وطلع معاها استقبلاتها الفرملية.. شوية دخلاتها وهو بقا كيتسناها... خرجات مشات نيشان لعندو عنقاتو.....
