انا: حبيبي نوض تعشا
جاد: ممم
انا: (كنلعب فشعرو) جااد نوض احبيبي تاكل شوية ورجع تنعس... جبدها عندو بيد حشاها من تحتو وحط راسو فوسط عنقها
انا: جاادو تعشا ورجع نعس راك مكليتي والو
جاد: بغيت ناكلك نتي... طار على شفتيها كيلتاهم وهي مسايراه محسو براسهم حتى بقات هي بدوبياس وهو غير بالبوكسر.. فيقهم بكا ديال جود..
جاد: (حط راسو على راسها وكيهضر بصوت خافت) كنبغيك
انا: وانا كنموت فيك... ناض جاد وهي ناضت هكاك بدوبياس هزات ولدها وجلسات فوق الناموسية بدات كترضعو جا جاد كيبوس فعنقها... جود شافو وبدا كيضربو برجليه
جاد: اهيا شاركتيني فحبيبتي وسكت ماقلت والو مي باش متخلينيش نبوس حتى لهنا وسطوب راه نسا بلي نتا ولدي
انا: هههههه اناري باغي دابز مع ولدك
جاد: اوى هو لي بغا ياخدلي حبيبتي
انا: الله يخليك ليا.. ياله احبيبي راه البلاطو فيه العشا هزو تعشا ورجع نعس باش ترتاح
جاد: واخة.. ناض هزو وبدا كياكل وكيوكل نور حتى كملو داكشي كامل كان جود نعس.. ناضت حطاتو بلاصتو ومشات باش تحك سنانها لقات جاد حتى هو كيحكهم... كملو وخرجو
جاد: لبسي حوايجك ونتي كدوري عليا بدوبياس وانا شاد راسي غير بزز
انا: (تزنكت) واخة
جاد: (باس حناكها) وينو حبيبتي مزال كتحشم
انا: ههه بعد مني... هربات منو ولبسات بيجامة كتوصليها للركبة فالغوز بارد وهي تجي تحشات حداه... مد يديه وجبدها لعندو معنقها وحاشي وجهو فعنقها عاد نعس..... صبح الصباح فاقو العشاق لقاو راسهم محشيين فبعضياتهم
جاد: (بصوت ناعس) كيصبحات حبيبتي
انا: (كنتكسل) مزيان ونتا
جاد: اوسي.. باسها وناض للدوش قاد حالتو وخرج.. حبيبتي انا غادي للخدمة دبا
انا: اوكي الله يعاونك
جاد: اميين... خرج جاد وهي تنوض غسلات وجهها وتوضات.. صلات صلاتها ولبسات كيطمتها وهي تنزل بدات كطريني 3 دالسوايع عاد حبسات وهي طلع لبيتها لقات ماماها شادة ولدها
انا: ماما ياكما عدبك
ماما: لا ابنتي تبارك الله ولدك مهدن.. مي راك طرينتي بزاف ونتي مزال نافسة
انا: متخافيش اماما عليا مي هاد الكرش معجباتنيش
ماما: واخة هكاك متفورصيش على راسك
انا: اوكي هانا داخلة ندوش
ماما: واخة ابنتي... دخلت دوشت ومشيت هزيت ولدي.. نزلت لتحت شربت كاس دالعصير وخرجت للجردة مع ولدي... وصل الليل جا حبيبي وطلعنا لبيتنا
انا: حبيبي كون غير مشينا لدارنا
جاد: (توتر) علاش
انا: وبغيت نبقاو بوحدنا
جاد: ماشي الوقت المناسب حتى تبراي ونمشيو.. دخل للدوش قبل مانجاوبو استغربت من تصرفو... خرج لبس حوايجو وتلاح عطاني بالظهر ونعس.. يتبع في الحلقة الموالية ..
علاش فنظركم جاد توتر.....
