حمزة: ممم صافي فهمت
انا: مشينا
حمزة: نتي مزال مريضة ياله نوصلك للفيلا ترتاحي
انا: لا غادي نرتاح فاش غادي نكمل خدمتي
حمزة: عرفتي تصدمت وفرحت حيت خدامة فالمخابرات
انا: حتى انا تصدمت فاش عرفتكوم خدامين فالمخابرات
حمزة: مي علاش ماقلتيهالناش
عصام: هي مكانتش عوالة تقوليكم راها عميلة مي خصرليها ياسين البلان
ياسين: ههههه سمحولي
حمزة: عصام واش حتى نتا خدام معانا
عصام: وييي
حمزة ههههه اوكي
انا: ياله زيدو براكة من الضحك
الكل: اوكي.. ركبت مع عصام وياسين ركب مع حمزة مشينا وصلنا للمركز دخلنا وانا نشوف جاد وزياد وعادل وجيهان واقفين كيهدرو شافونا وهما يوقفو وجيهان بدات كضحك
جيهان: اوووه المجرمة ديالنا شرفات
حمزة: حتااارمي راسك اش هاد قلة الادب
جيهان: انا عارفاها بنت عمك مي كتبقا مجرمة
حمزة: كنعرفكم نور عميلة فالمخابرات الامريكية وانتاقلت للمخابرات المغربية وكانت مكلفة بقضية حسن
جاد: (مصدوم) كيفاااش
حمزة: حتى انا بحالك فاللول تصدمت وحتا من ياسين مقتلاتوش
ياسين: اه بالصح داك النهار
#فلاش_باك
انا: (جبدات شارة دالبوليس) حتا انا عميلة وياله انتقلت جديد كنت فامريكا
ياسين: (بفرحة) يعني مغاديش تقتليني
انا: نو مي ضروري من التمتيل.. فكيت يدو وعطيتو سترة واقية من الرصاص وفيها شي حاجات كتخرج بحال الدم... لبس هادي بالزربة
ياسين: وااو كيدرتي جبتيها
انا: هادي ديما كتكون عندي فالطموبيل فالحالات الطارئة
ياسين: تبارك الله عليك...
#الحاضر
ياسين: هادشي لي كاين مي كان خاصني نتخبع حتى تكمل مهمتها وجلست معاها فالمزرعة حتى جا حمزة هههه
جيهان: (مفقوصة) ممم مزيان
حمزة: مالكم شفتكم غير كتخممو وشفت الدنيا مقلوبة وكلشي خدام شنو واقع
زياد: جينا ولقينا حسن مضروب وفاش سولنا قالك تعرض البارح للتحقيق من طرف..
حمزة: مالك سكتي شكون دار معاه التحقيق
عادل: التنين الاسود
ياسين: كيفااااش
حمزة: كيفاش دبا هو هنا معانا فيناهو
جيهان: معرفت فين غبر نموت ونشوفو بغيت نتصور معاه
انا: اودي على ضابطة
جيهان: مالك زعما مفيكش الفضول تعرفي شكون هو التنين الاسود
عصام: ههههههههههه.. كلشي شاف فيه وانا حابسة الضحكة... احم سمحولي انا غادي للحمام
اجي نشرحليكوم من هو التنين الاسود.. هو او هي عميل فالمخابرات عطاوه لقب التنين الاسود نظرا للقوة ودقة الملاحظة لكتميز بها حتى واحد معارف شكلو ومعروووف gاع المافيات كيخلعهم لقب التنين الاسود.. gاع المهام لي تكلف بهم نجح فيهم والمخابرات كلهم كيتمناو يخدم عندهم نظرا للكفاءة ديالو ومعروف عليه الصرامة فالعمل ومكيرحم حتى واحد طاح بين يديه....
انا: نخليكوم نمشي نحقق مع حسن
جيهان: هههه نو حبيبة ميمكنش
انا: علاش بالسلامة
جيهان: حيت قاليك غير التنين الاسود لي يحقق معاه
انا: ااه اوى فاش تشوفيه قوليلو نور راه كتحقق معاه اوكي.. غمزتها ومشيت حتى شدني جاد
جاد: صبري انور
انا: وي شنو باغي
جاد: علاش مقلتيليش بلي نتي خدامة فالمخابرات
انا: مكنتش عارفة بلي نتا فالمخابرات
جاد: وي مي فاش عرفتي كان عليك تقوليهالي على الاقل نعاونك كون وقعاتليك شي حاجة
انا: نو متخافش قادا بشغلي
حمزة: تكلمو للرئيس داير اجتماع قاليك غادي يعرفنا على التنين الاسود
انا: علاش
حمزة: باش نعرفوه زعما نتي مفيكش الفضول تعرفي التنين الاسود
جيهان: متكبرة مع راسك
عصام: (رجع من الحمام وسمعها) من الاحسن تلتازمي حدودك معاها وعرفي راسك معامن كتهدري بكلمة منها طيري من هنا ياله انور... شدني من يدي ومشينا لقاعة الاجتماع
جيهان: علاش شكون هي بالسلامة.. خنزرو فيها الدراري ومشاو وهي تبعهوم..... دخلو لقاعة الاجتماع شدو بلايصهم وهو يدخل الرئيس
الرئيس: سلام جمعتكوم اليوم باش نعرفكم على العملاء الجداد.. كنقدمليكوم العقيد عصام الادريسي من افضل عملاء المخابرات الامريكية ولينا الشرف انه معانا هنا... وكنقدمليكوم الجنرال نور العلمي او الملقبة بالتنين الاسود كلشي طرطق عينيه.....
#يتبع
