مشيت للكوزينة بديت كنوجد فالفطور والسكات انا مبغيتهومش يدابزو حيت كولهم عزاز عليا شوية وهو يدخل عندي عصام
عصام: راني قاديتلك المسائل الى بغيتي فالعشية نمشيو باش نهضرو معاهم على حساب الخدمة
انا: (تنهدت) اوكيي العشية نمشيو
عصام: نتمنى اي خطوة درتيها نكون عارفها
انا: اوكي.. ياله اجي حط معايا هادشي
عصام: هي لي متعاودش... بدينا كنحطو انا وعصام وجاد كيخنزر فيا.. كندعي فخاطري ميوقع حتى مشكل
انا: ياله دوزو تفطرو
جاد: (كيهضر فودني) غير بلاتي عليك حتا نبقاو بوحدنا باش نوريك تجمعيلي مع هداك فالكوزينة.. انا سرطت لساني جلسنا كناكلو وكل واحد كيخنزر فلاخر
انا: (تنهدت) اوووف.. كلشي كيشوف فيا ومخنزر... مالكم عرفتو شنو خرجو من داري كاملين فقصتوني
الياس: علاش مالك اش درناليك
انا: مكنحملش نشوف الناس لي عزازين عليا مقلقين دونك يا غادي تصالحو دبا وتهدرو وضحكو عادي اولا نوضو سيرو
جاد: (حط يديه على فخدي) حبيبتي سمحيلي مي راه هوما لي بداو.. اخر حاجة نفكر فيها هي نآذيك ونتي عارفة هادشي
انا: (بابتسامة) عارفة احياتي مي هوما بحال خوتي وخافو عليا واخة زادو فيه شوية.. ياله بغيتكوم دبا تعانقو مع بعضياتكم.. ناضو تعانقو بالنفخة جلسو وبقيت كنهدرهم شحال عاد طلقو ورجعو كيضحكو مع بعضياتهم طلبنا بيتزا للغدا تغدينا فجو ديال الضحك والنشاط شوية ناضو الدراري مشاو وتافقت انا وعصام نتلقاو مع 6 دالعشية
الياس: هاحنا مشينا عنداكم ديرو البسالة
انا: (تزنكت) كون تحشم
جاد: ههههه بعد من حبيبتي.. مشاو وهو يسد الباب دار لعندي مخنزر تخلعت وانا نشدها بجرية مي قبطني
جاد: (هازني بيد وحدة وظهري لاصقة مع صدرو) سحابليك نسيت داكشي ديال الصباح
انا: (ياربي نتفك منو بخير وعلى خير) حياتي تهدن عصام بحال خويا
جاد: (نزلني وشدلي فيدي مزيرلي عليها) لا الالة ماشي خوك متحمقنيش
انا: (كنتمسكن) ايي ضريتيني
جاد: (حيد يديه) اخر مرة انور
انا: واخة
جاد: (عنقني) كنبغييك المشاكسة ديالي
انا: وانا كنحماق عليك العصبي ديالي
جاد: هههههه ياك المك انا عصبي
انا: وييي حبيبي.. بستو فعنقو
جاد: (حابس الضحكة) كيبانلي نخاف على راسي خاص الياس وعصام يجيو يتفاهمو معاك راه بانلي نتي لي مافيك تقة ماشي انا
انا: هههههه يااك منبقاش فيك انا الى مشاو ضربوني
جاد: لي قاسك نقتلو نتي ديالي بوحدي
انا: كنبغيك... ممم جاد بغيت نقوليك شي حاجة
جاد: (مركز معايا) وي شنو
انا: (جريتو جلسنا وشديتلو يديه) ممم هادا اخر نهار تقدر تجي فيه لعندي فالدار
جاد: (باستغراب) علاش
انا: احم حيت غدا انبدا خدمتي وممكن يراقبوني وانا مبغيت حتى واحد يشوفك
جاد: حبيبتي انا خايف عليك قوليلي شنو غاديري
انا: متخافش كلشي غيدوز مزيان واليوم فالعشية انخرج مع عصام
جاد: (خنزر) علاش
انا: حيت وصيتو يقادلي شي حاجات ودبا خاصني نمشي معاه نشوف
جاد: علاش مطلبتيش مني
انا: عفاك احبيبي واصلا غادي نتلقاو فالمركز غير الدار لي مايمكنش تجي عندي<
جاد: (تقلق) ديري لي بغيتي
انا: (قربتليه) عفااك احبيبي متقلقش مني.. بستو فحنكو وعنقتو.. كنبغيك وغنبقا كنبغيك وخا يوقع لي يوقع
جاد: (تنهد) وخا احياتي.. ياله انا غنمشي دبا نتلقاو غدا
انا: اوكي حياتي... مشا جاد وانا نضت جمعت الدار وغسلت الماعن رجعت الدار كتشعل عاد دخلت دوشت بالزربة خرجت لبست حوايجي عبارة عن سروال كحل مقطع مع تيشورت كحل من فوقها فيستة فالكحل نشفت شعري وطلقتو درت ميكاب خفيف هزيت صاكي ومشيت لديك لصال تلاقيت عصام دخلنا بجوج عند المديرة ديال لصال
المديرة: سلام نقدر نعاونكم فشي حاجة
انا: وي انا كنقلب على خدمة كمدربة رقص وبغيت نشوف الى كنتو محتاجين شي وحدة
المديرة: وي حنا محتاجين مي خاصني نشوف واش تستاحقي تخدمي معانا شنو سميتك بعدا
انا: سارا برادة عندي 22 سنة
المديرة: مدموزيل سارا كيفما قلت ليك حنا محتاجين وحدة المهم غدا اجي نجربوك ويلا عجبتيني انا والناس لي غادي دربي ديك الساعة نقادو الوراق وكولشي
انا: (بابتسامة) اوكي نتمنى نكون عند حسن الظن
المديرة: ان شاء الله غدا مع 7 دالعشية
انا: اوكي بسلامة.. خرجت انا وعصام تسالمنا ومشا بحالو وانا مشيت نيشان للفيلا ديال العائلة دخلت لقيتهم مجموعين وحتى بابا سلمت عليهم كاملين
انا: بابا نقدر نهدر معاك...
