خرج الرئيس مع خالي وبقيت مع الضباط وقفت بديت كنتمشى ودايرا يدي مور ضهري
انا: (بصوت صارم) غادي تفرقو على فريقين ونبغيكم غدا مع 5 كلكم تكونو فالساحة حيت كيفما كتعرفو وخا تشد حسن مي البوص مزال برا وخاصنا نطالقو ونكونو موجودين غدا غادي نختابر قوتكم نتمنى تكونو فالمستوى.. منبغيش نسمع كلمة "انا" كونكم فريق يعني خاصكم تخدمو كفريق.. كاين شي واحد عندو شي سؤال..... تفضل
الضابط: (نفسو ديال قبيلة) كيغادي ديري تدربينا ونتي معطوبة فيدك
انا: (مشيت لعندو) وقف... وقف قربتليه حتى بقا غير سنتمتر... كنظن عندك حس الدعابة ونتا فالمكان الغلط سير لشي بلاصة خرى.. عطيتو بالظهر حتى سمعتو
الضابط: (كيهضر بشوية) بقاتلينا غير برهوشة تحكم فينا.. محسيت حتى درت ضربتو حتى لصق مع الحيط شديتلو راسو وانا نضربو مع ركبتي طلقتو وهو يطيح والدم كيسيل من نيفو.. رجعت وقفت فين كنت لاخرين مصدومين
انا: كاين شي حد عندو سؤال.. كلشي ساكت وكيدورو فعنيهم.. دونك غدا نبغي كلشي يكون حاضر مع 5 دالصباح.. خرجت لقيت خالي كيتسناني ركبت معاه ومشينا
انا: (بحزن) خالي انا عرفت واحد الحاجة
خالي: شناهيا
انا: ماما حية
خالي: (تصدم) كيفااش
انا: قبل مايموت حسن اعتارفلي بلي ماما عايشة انا شكيت فخوه
خالي: الحمد لله ختي مزال عايشة.. نور خاصنا نلقاوها فاسرع وقت
انا: (تنهدت) غاندير جهدي كامل وخا يكلفني حياتي غادي نلقاها
خالي: انا تايق فيك.. غادي نعيط لالياس يجي عندك يعاونك
انا: واخة اخالي شكرا.. مشيت تعشيت انا وخالي مرجعني تال الليل ومشا بحالو دخلت لقيتهم كيتعشاو
انا: السلام
ع. احمد: دوزي ابنتي تعشاي
انا: شكرا اعمي راني تعشيت مع خالي.. تصبحو على خير
بابا: (بصوت صارم) تسنايني فبيتك بغيت نهضر معاك
انا: اوكي.. طلعت لبيتي لبست بيجامتي وجلست شوية جا بابا دخل جلس حدايا
بابا: نتي غادي تقدمي استقالتك غدا وانا غنمشي معاك
انا: لا ابابا منقدرش
بابا: (تعصب وكيهضر بالغوات) سمعيني مزيااان نتي غتجلسي فالدار و ويااااك نسمع خرجتي نقطعليك رجليك
انا: بلا متعيي راسك راه غادي نكمل خدمتي وانتقامي
بابا: كيفاش إنا انتقام
انا: من لي حرموني من ماما
بابا: (تصدم) لا نتي حماقيتي.. طلعت العائلة حيت كنهضرو بالغوات دخلو مي تاواحد مقدر يهضر.. انا حذرتك ديك العصابة نسااايها عليك صافي ماماك ماتت الله يرحمها
انا: ونتا نسيتها سحابليك مكنشوفكش كل ليلة كتشد تصاورها وتبكي.. وانا لي تحرمت منها 6سنين كون متاكد ابابا بلي غادي ننتاقم منهم واحد واحد
بابا: ختاري يا انا يا انتقامك.. تصدمت بقيت غير كنشوف مصدقتش بلي بابا يقدر ينطق بهاد الكلام كلشي ساكت كيتسناو جوابي
انا: (تنهدت) انتقامي ابابا انتقااامي.. تصدم وحتى من العائلة تصدمت حدر راسو وخرج وتبعوه البقية سديت الباب وانا نبدا فجميع حوايجي جمعت وبدلت هزيت باليزتي ونزلت كانو مجموعين لتحت شافوني ووقفو
ع. يوسف: بنتي فين غادة
انا: (بابتسامة) مبقاتش عندي بلاصة هنا خليتليكم الراحة.. خرجت قبل مايجاوبوني حطيت باليزتي جيت نركب وهو يشدني جاد
جاد: تهدني واجي هضري مع باباك
انا: متدخلش عفاك
جاد: اوكي سيري لداري جلسي فيها
انا: لا شكرا انا قادة براسي.. ركبت وخليتو مشيت نيشان للاوطيل خديت بيت وعيطت لعصام كلفتو يلقالي شي دار صغيرة قالي نجي نسكن معاه ماقبلتش.. نعست وانا كلي غضب وحقد
*في الفيلا*
ع. احمد: كنظن بلي قصحتي مع بنتك
بابا: (حادر راسو) نتوما معرفينش ديك المافيا راه قتلاتلي مرتي وصيفطاتها للدار مشوهة كلها.. لحد الان مزال معرفت شكون هاد العصابة حيت ليلى الله يرحمها مكانتش كتهضرلي على خدمتها بزاف.. محاسينش بيا الى مشات حتى وقعات لبنتي شي حاجة غنموت هي لي مصبراني.. كلشي تأثر وبقا فيهم
جاد: متخافش اعمي غادي نكونو بجنبها انا والدراري
عادل: اه اخالي متخافش عليها راها قوية حتى حنا تصدمنا بزااف فاش عرفناها هي التنين الاسود
زياد: وي بالصح كون هاني من جيهتها اعمي
بابا: (بحزن) شكرا اولادي...
#يتبع😊
