انا: شنو بغيتي
جاد: (شدني من دراعي) واش هادا هو لي كتبغي
انا: كيفاش شكون هادا
جاد: ولد خالك
انا: وعلاش كتسول اش دخلك فيا
جاد: جاوبيني ومتصعرينيش
انا: (نترت يدي) سمعني مزيااان نتا ماشي سوقك فيا ماشي بستيني مرة ولا جوج راه غادي تولي تحكم فيا دونك الله يخليك بقا بعيد عليا فهمتي.. جاد هز يديه وصرفقها
جاد: (بغضب) كنكرهك خرجي برااااا.. تصدمت وكلمة كنكرهك كتعاودلي فودني حدرت راسي وخرجت مشيت للبيرو ديالي بقيت غير جالسة مقديتش نخدم حتى وصلات وقيتة دالغدا وانا نخرج ركبت طموبيلتي مشيت للبحر بقيت جالسة تما شحال حتى بدات تغرب الشمس وانا نوض صيفطلي الياس ميساج فيه العنوان.. انا مشيت للاوطيل هزيت حوايجي خلصتهم ومشيت للدار
الياس: فين هاد التعطيلة وحتى المركز خرجتي مع 12
انا: (بغضب) الياس مافيا لي يهضر خليني عليك ويلا غتبقى دير هاكا نمشي نسكن بوحدي
الياس: بردي بردي مالك شاعلة زيدي نوريك بيتك.. طلعت للبيت ديالي قاديت الحوايج ودخلت ضربتها بتدويشة حيدت عليا العيا وانا نطيح نعس...
*في الفيلا*
دخلو الدراري مسخسخين كيتحركو غير بزز حيت تقطع فيهم اللحم
خ. سعاد: اويلي مالكم... مشاو تلاحو فوق الفوتوي
زياد: ناري اماما هاد النهار دوزنا الحرب
خ. حورية: شنو وقع هضرو
حمزة: نور هلكاتنا ونااري على تدريب عندها قاصح بزااف
عادل: عرفتو تشوفوها فالخدمة متعرفوهاش وقاصحة بلا قياس حنا الدراري وفينا الرحمة عليها.. بابا سمع هاد الهدرة بدا كيبتاسم مفتااخر ببنتو وفين واصلة وخا خايف عليها مي عارفها قوية
صفاء: هههههه دبا نور دارت فيكم هكا خاصني نمشي نشوفها فالخدمة
حمزة: نخاف عليك تنوضك معانا راه متعقلش عليك
صفاء: ههههه نو متخافش عفاك ديوني غدا معاكم
عادل: جلسي شدي الارض واش غاديين نتساراو
صفاء: ياااك واخة انا غادي نعيط لنور هي لي تديني.. طلعات صفاء لبيتها وهزات تيليفون بقات مترددة واش تعيط ولالا فلخر قررات تعيط وهي دوز نمرتها
نور: (بصوت ناعس) الو
صفاء: احم ياكما فيقتك من النعاس
نور: نو عادي ياكما كاين شي مشكل
صفاء: لا غير كنت بغيت نطلب منك طلب
نور: مرحبا
صفاء: احم تقدري تديني معاك للمركز بغيت نشوفو
نور: فين خدامة اناا ؟؟!
صفاء: ويي
نور: اش بغيتي بيه
صفاء: راه طلبت الدراري ومبغاوش عفاك
نور: اوكي مرحبا مي انا كنمشي مع ل5 دالصباح
صفاء: ماشي مشكل ل5 نكون واجدة
نور: اوكي انا ندوز لعندك
صفاء: واخة بونوي
نور: بونوي.. تلاحت صفاء فوق الناموسية ناعسة وكضحك متحمسة تشوف داك الجو...
اما عند جاد لي كان ندمان حيت صرفقها وعوال غدا يعتادر منها رجع لدارو مبقاش فالفيلا وكينعس فالبيت لي كان عطاها واخة معصب من داكشي مي عاود فكر بلي هي عمرها قاتلو شي حاجة يعني مخاصوش يتقلق على والو
*عند نور*
صبح الصباح فقت مع 4 لبست حوايجي وصونيت على صفاء لقيتها فاقت وانا نزل ركبت طموبيلتي مشيت لعندها لقيتها واقفة كتسناني ركبات وهي تعنقني
صفاء: (بفرحة) واااو دبا انا غنمشي لمركز المخابرات ممصدقاش
انا: مسطية راه عادي مافيهش شي حاااجة
صفاء: هههه نو باينة عليه زوين وبغيت نشوفك كيف كدربي راه الدراري البارح جاو سخفانين
انا: حتى انا سخفت غير بالفقصة هانتي غاتشوفي.. وصلنا للساحة لقيتهم كاملين واقفين والدراري طرطقو عينيهم فصفاء لي جالسة كتفقص فيهم جابتلي الضحكة وخا كبيرة عليا مي راها بلا عقل طبيبة المستقبل هههه
انا: صفاء اجي جلسي هنا خليني نهضر معاهم ونرجع لعندك
صفاء: اوكيي... مشيت وقفت عليهم باين عليهم العيا بفف مشفتش جيهة ديال جاد
انا: (بصوت صارم) كنت غادي نقوليكم 100 دورة ف30 دقيقة مي للاسف باين غادي تموتو قبل ماتكملوها داكشي علاش قررت انكم غادي ديرو غير 50 دورة راني نقصتليكم على البارح مي بغيتكم تكملوها ف20 دقيقة.. ياله بداو.... رجعت جلست حدا صفاء وشادا لكرونو
صفاء: ناري مساكن 50 دورة ف20 دقيقة
انا: بقاو فيك
صفاء: وي بالاخص الدراري راه البارح جاو كيموتو
انا: ممم اوكي.. سلاو وكيف العادة شي وحدين مزال صعرت عليهم بالمزيان ودخلتهم لقاعة الرياضة
صفاء: واااو اش هادشي
انا: غادي تسكتي ولا ندخلك معاهم
صفاء: اويلي هانا اختي ساكتة
انا: (كنشوف قدامي) جاد ختار شي واحد
جاد: (مقادا حتى تشوفي فيا واخة) ممم الضابط مراد
انا: رانيا تفضلي
رانيا: اويلي راه رجل هادا ماشي بنت
انا: فين كاين المشكل
رانيا: واش انا غنتقاتل مع راجل
انا: فاش تكوني فمهمة غادي تقلبي على بنت ضربيها وتخلي الرجال.. الكل كيضحك... (بالغوات) سكاااااااااات.. كلشي سكت.. ياله غادي تحركي ولا نجي نتقاتل معاك انا
رانيا: (بشوية) الى قديتي غير اجي
انا: (سمعتها) ممم واخة مرحبا.. مراد رجع لبلاصتك....
#يتبع
