جات ماما عندي هازا ولدي جود لابس جبادور شديتو كنبوس فيه
جاد: (مخنزر) زعما هاد النهار ديالي وخليتك 40يوم معاه او مناخد انا حتى نهار
انا: ههههه ناري على مغيار صافي احبيبي هاد النهار ديالك... عيطت لماما عطيتها جود وشديت فيد جاد.. الضحكة وصلاتلو للودنين..... بقيت كنبدل لبست 4لبسات واخيرا غادي نلبس الكسوة البيضة حمقاتني.. لبستها وطلقت شعري درتلو غير بابيليز مسحت داك المكياج درت مكياج خفيف جا حبيبي بالكوستيم وداير جيل لشعرو
جاد: (باسني ففمي) جيتي كتحمقي
انا: حتى نتا احبيبي... شدني من يدي نزلنا وهاد المرة خرجنا من الباب ديال الجردة... تصدمت من داك المنظر كانو دايرين طريق فوق الرملة وفاللخر ديال داك الممر كاينة قاعة صغيرة دائرية الشكل وفوسطها طبلة فوقها طارط كبيرة وفجناب كاين الشمع
انا: (شفت فيه) كيحمق هادشي
جاد: نتي كثر.. مشينا فداك الممر والناس كتشوف فينا بابتسامة... شدينا الموس بجوج قطعنا لطارط غير وكلني ووكلتو.. وهما يبداو يتفرقعو الشهب الاصطناعية فالسما جاو واعرين ومع البحر ضاف جمالية على الجو.... طلقات اغنية هادئة ورومانسية.. حيدو ديك الطبلة وبدينا حنا كنرقصو فالوسط من بعد تبعونا لي كوبل.... دازت ديك الليلة واعرة بزاف وبينلي جاد بلي كيبغيني... لحت الورد وهو يشدو حمزة مت بالضحك بالاخص فاش غمز رؤيا.... سالينا وتوادعنا معاهم كاملين وماما دات معاها جود.. طلعت لبيتي حيدت كسوتي ياله جيت نلبس بيجامتي وهو يدخل جاد
جاد: (باسني فعنقي) لبسي حوايج دالخروج حيت مسافرين
انا: فين
جاد: مفاجأة ياله سربي... لبست كسوة طويلة وفيها فتحة حتى للركبة مع صندالة خليت شعري مطلوق دخل جاد
جاد: (باسني) واجدة
انا: وي حبيبي... شدني من يدي ومشينا ركبنا الطموبيل... حبيبي فين غاديين
جاد: هههه ناري مكتصبريش راه مغنقوليكش
انا: واخة فيك... حطيت راسي على الزاج وانا نعس... وصل جاد وبدا كيفيق فيها.. فقت مدوخة شديت فيد جاد ومشينا وانا مقلوبة بالنعاس لي عاقلة عليه هو طلعنا للطيارة وتكيت عليه وانا نرجع نعس... شافها جاد ناعسة وهو يهزها نزلها ياله فاش بغاو يدوزو لي فيقها وهي مدوخة سلاو الاجراءات... شد طاكسي ومشاو وصلهم هزها دخلها ورجع هز الvاليز دخلهم... مشا دخل للحمام دوش لبس غير شورط وهو يجي يتلاح حدا حبيبتو ونعس......يتبع
