صبح الصباح فقت شفت الساعة لقيتها 12
أنا:نااااري نعست بزاف...جااد فيق
جاد:ممممم
أنا:نوض أحياتي راه مشا عليك الحال
جاد:شحال الساعة
أنا:راه12هادي
جاد:(قفز)أويلي....شفتي لي يبقى متبعك
أنا:دبا أنا السباب
جاد:و علاش شكون مبغاش يطلق لاخر
أنا:شكرا أسيدي...دخلت لدوش معصبة دوشت و خرجت لقيتو حتا هو مدوش و كيلبس حوايجو مديتهاش فيه لبست حوايجي جيت نخرج و هو يشدني من يدي
جاد:سمحيلي مقصدتش
أنا:طلق مني عفاك
جاد(عنقني من اللور):وصافي أحبيبتي آخر مرة كنواعدك...تفكيت منو و خرجت...نزلت وجدت الغدا بالزربة و حطيتو نزل جاد هاز جود جلس بدا كياكل أما أنا مقديتش
جاد:مغديش تاكلي
أنا:مفياش الجوع...خديت جود من عندو رضعتو و نضت بدلتلو هزيت صاكي و خرجت بلاما نهضر معاه مشيت الشركة...جلست كنخدم و أنا معصبة شوية كلست بقيت كنبكي حتا رتاحيت و أنا نوض غسلت وجهي و رجعت بقيت كنشوف فجود ناعس هزيتو و بديت كنشم ريحتو...دخلات السكرتيرة
السكريتيرا:مدام البوليس بغاو يهضرو معاك
أنا:خليهوم يدخلو.....السلام دخلو
البوليسي:مكاين لاش حنا جينا نديوك
أنا:فيين
البوليسي:الكوميسارية
أنا:و علاش
البوليسي:حتا لتما و تعرفي
أنا:أوكي واحد الدقيقة نعيط لواحد الصديق نخلي ولدي عندو
البوليسي:وي تفضلي....عيطت لعمر جا لعندي
عمر:ختي شنو واقع
أنا:والو المهم تقدر تاخد جود عند ماما
عمر:علاش
أنا:بلا أسئلة واش ممكن
عمر:أوكي....خدا جود و مشا و أنا هزيت صاكي و مشيت معاهم و ركبنا و فطريق درت اتصال...وصلنا و دخلوني لواحد المكتب و أنا نلقا سناء جالسة و نص فوجها زرقبقيت كنضحك
البوليسي:نتي متهمة بالإعتداء على هاد السيدة
أنا:ههههه و شنو آخر
البوليسي(بالغوات):حتارمي راسك
أنا(خنزرت):نتا لي حتارم راسك و متعليش صوتك عليا
توقعاتكم
