مشينا للبحر جلسنا فوق الرملة جاد جالس وحال رجليه وانا دخلت فوسطهوم ومتكية على صدرو
انا: واعدني عمرك تخليني
جاد: كنواعدك حبيبتي.. راك نتي الهوى لي كنتنفس منقدرش نبعد عليك
انا: الله يخليك ليا... بقينا مجمعين كنهضرو حتى وصلات وقيتة دالغدا... هكا دازت سيمانة طفيت تليفوني حتى من جاد طفاه دوزنا وقت زوين مع بعضياتنا... زدت بغيتو وتعلقت بيه.. جاد بينلي بلي بالصح كيبغيني كيعاملني بحال الاميرات ولي بغيتها كتحضر.... اليوم غادي نرجع لداري باش نكمل خدمتي.... وصلت سيقت الدار وشعلت تليفوني لقيتو غيطرطق بليزابيل ديال فهد.. وانا نصوني عليه
فهد: ساااارا سافا اش هاد الغبور فين كنتي
انا: (بفف ومشكيلة مع هدا) راه واحد صاحبتي تزوجات ومشيت سافرت عندها
فهد: (كيغوت) وعلاش معلمتنيش
انا: (لا اجي ضربني حسن) نقدرو نتلقاو بغيت نهضر معاك
فهد: (تنهد) اوكي نص ساعة ندوز عندك
انا: واخة... دخلت بالزربة دوشت حيدت عليا العرق خرجت لبست حوايجي ونشفت شعري جمعتو وهزيت نضاضري وانا نزل عندو
فهد: (بنفخة) سافا
انا: (شديتلو يدو) حمد الله ونتا
فهد: (قلبو بدا كيضرب) اه سافا.. نمشيو لشي كافي
انا: اوكي... ركبت معاه ومشينا ماوقفنا حتى لواحد الريسطو كيطل على البحر
انا: بغيت نقوليك شي حاجة ونتمنا تسمعني
فهد: تفضلي
انا: احم صدمتيني نتا وباباك فالحفلة.. وفاش تلاقينا وقلتيلي بلي بالصح كتبغيني وبغيتينا نديرو علاقة.. كنت محتاجة نبعد عليك باش نفكر على راحتي ومنعلم حد.. عيطاتلي صاحبتي وخبراتني على عرسها جا فالوقت المناسب جمعت حوايجي ومشيت لعندها وفنفس الوقت كنت كنفكر فالعرض ديالك... احم فهد انا قابلة نكون حبيبتك ونتا واش قابل تكون حبيبي
فهد: (الفرحة غاتخرجلو من عينيه) واش هدا سؤال معلوم قابل.. ناض عنقني وحتى انا بادلتو العناق
فهد: (جلس وشد يدي) شكرا وانا متاكد بلي مغاديش تندمي
انا: (بابتسامة) ان شاء الله.. بقينا مجمعين حتى الليل عاد وصلني للدار تفارقنا طلعت لداري سديت الباب... دخلت لبيتي وانا نتجبد وشي حد سادلي عيني
انا: (عرفتو حبيبي جاد) توحشتك
جاد: (باسني فعنقي) حتى انا توحشتك... حيد يديه وانا درت لعندو تحشيت فيه معنقاه.. هزني وجلسنا فوق الناموسية
انا: (حاطة راسي على صدرو) اش درتي هاد النهار
جاد: (كيلعب فشعرها) غير فالمركز وصافي
انا: (غوبشت) هضرتي مع ريم
جاد: (بمكر) اه وصلتها لدارها وعرضاتني شربت معاها قهوة
انا: (تجمعو الدموع فعيني) ممم مزيان
جاد: (باسني فعينيا بجوج) غير كنضحك معاك.. عيني رجعو كيشوفوك غير نتي وفمي كيهضر غير معاك
انا: (ابتاسمت بعفوية) هكاك نبغيك احبيبي
جاد: (خربق شعرها) حمقة.. ياله نوضي بدلي واجي نشوفو مناكلو راه فيا الجوع
انا: (نضت من فوقو) اوكي عمري... دخلت دوشت بالخف لبست كيطمتي وخرجت لقيت جاد لابس غير سروال دالكيطمة... مشينا بجوج للكوزينة كنديرو العشا وهو مرة مرة كيخطفلي بوسة....
