أنا(متوترة):شكوون نتا؟!!
جاد(الله يصبرني):أنا جاد ولد عمك
أنا:اه أنا نور
جاد:هههههه وي عارف....فاش وقعات ليك الحادثة أنا كنت مصافر دكشي علاش متعارفناش
أنا:أااه...هدي بيتك
جاد:أه لبارح فاش سخفتي جبتك لهنا
أنا(تفكرت ماما وبديت كنبكي)
جاد(قربليها):مالك
أنا:تفكرت ماما الله يرحمها
شوية شافت ماما داخلة وهي تشهق ما لقات غير جاد شدات ليه فيديه و زيرات عليها...حاوطها بيديه خافها الطيح
ماما:بنتي نور
أنا(قلبي كيضرب بجهد):م...اما
ماما(جات كتجري عنقاتني):بنتي توحشتك(كتشم فريحتها) احح شحال توحشت هاد الريحة
جاد(افف أنا بوحدي لي من حقي نشم ريحتها):اجيو جلسو
أنا(حاسة بالسخفة):ك...كيفاش ياك نتي ميتة
ماما:تهدني أبنتي و أنا غدي نعاود ليك...سكت ملقيت منقول...أنا كنت مخطوفة و نتي أبنتي لي لقيتيني و صيفتيني مع إلياس و عصام لبرا حتى تعالجت ورجعت و عرفت بلي هدوك لي كانو خاطفيني عاقو بيك و تما فين درتي الحادثة و فقدتي الذاكرة....ياله لبارح باش جيت أنا و دراري و عرفنا بداكشي لي وقع ليك و جا عصام عندك باش يجيبك.....ما قدرش يقوليك الحقيقة و ختارع كذبة أن باباك مريض باش تجي
أنا(عنقتها):هئ هئ ماما كون تشوفي شحال توحشتك
ماما:حتى أنا أبنتي...صافي باركة عليك من لبكا راه ما مزيانش تقلقي ونتي حاملة
أنا(حدرت راسي):سمحيلي أماما خنت تيقتكم فيا...جاد تعصب فاش شافها شحال حشمانة من الحمل ديالها ما كرهش يقوليها نتي ما درتي تا غلط و أنا راجلك و هداك ولدنا
ماما(شافت فجاد لقاتو معصب):بنتي حبيبتي هزي راسك و أنا متأكدة ما درتي حتى حاجة عيب....نمشيو نشوفو شي طبيب حتى ترجعليك الذاكرة و ديك الساعات اتعرفي شكون باباه
أنا(بصوت حزين):نتمنا
بابا(دخل):حبيبة باباها....قرب لعندها و عنقها
أنا:بابا سمحلي
بابا:شششش أنا لي سمحيلي غوت عليك....نتي ما درتي حتى حاجة عيب و بقاي ديما رافعا راسك
أنا(زيرت عليه):الله يخليك ليا
ماما:ياله أبنتي دخلي غسلي وجهك و هبطي تفطري خاصك تبقاي تاكلي مزيان على حساب صحة الجنين
أنا:واخة اماما....خرجات ماما و بابا و أنا دخلت الحمام غسلت وجهي و خرجت ضربت فجاد شفت فيه قلبي بدا كيضرب بالجهد...حدرت راسي و خرجت....جاد بقا متبعها بعينيه و متحسر على الحالة لي وصلو ليها دخل دوش ولبس حوايجو دار البارفان ديالو و نزل لقاهوم جالسين كيفطرو و بلعاني خلاو كرسي خاوي حدا نور مشا كلس حداها لي غير شمات ريحتو و هزات راسها بدات كتشوف فيه حتى جلس حداها........جا جلس حدايا قلبي بدا كيضرب و ريحتو حمقاتني مكرهتش نعنقو و نتحشا فيه نبقا نشم غير ريحتو...نسيت لماكلة و بقيت كنشوف فيه غير هو... هزيت راسي و أنا نلقا كلشي كيشوف فيا حشمت و أنا نهبط راسي...كملنا الفطور و أنا نمشي لسقت فماما خرجنا لجردة و تكيت على كتفها
أنا:متصوريش شحال فرحانة حيت نتي معايا دابا ماما:و كون تشوفي أنا شحال توحشتك أبنتي.. كل نهار كان فكر فيك نتي و باباك
أنا(تنهدت):دبا أنا كيفاش عرفتك حية
ماما:و الله ما عرفت المهم فاش شفتيني فديك الدار فين كانو خاطفيني قلتيلي شحال و أنا كنقلب عليك
أنا:ممم أوكي..تفكرت خدمتي...معرفت أنا فين خدامة دابا
ماما(جبداتلي ودني):أجي لمك وليتي خدامة فالمخابرات
أنا:على أساس نتي مخداماش فيها...حلال عليك و حرام عليا دبا أنا كنفكر واش مازال خدامة فأمريكة ولا نتاقلت لهنا
ماما:يجي عصام و سوليه
أنا:أوكي....جات رؤيا تحشات حدانا.....فين كنتي من البارح و نتي غابرة حتى الفطور مفطرتيهش معانا
رؤيا:راه مشيت معا خويا لدارو
أنا:فينو داك صكع
عصام(هز يديه):ها هو......مشيت تلاحيت عليه
أنا:لمك علاش ديتي ختي معاك
عصام:و راها ختي حتا أنا
أنا:كتجابد معايا فلهضرة
عصام(هزها):مال مك التفرعنتي منين شفتي ماماك راه غنلوحك فلابيسين...غير هزني و قربت لابيسين و هي تجيني بحال هاد لقطة فعقلي مي من راجل آخر ما باينش وجهو....حاولت نتفكرو مي راسي بدا كيدرني بزاف شديت راسي و بديت كنغوت...جاد كان كيطل عليها من الباكون و معصب حيت شاف عصام هزها مي غير شافها كتغوت جا عندها كيجري.....
توقعاتكم
