فقت الصباح ضراتني ظهري جلست وانا نلقا جاد مزال ناعس
انا: (كنحرك فيه) جااد فييق
جاد: ممم
انا: اشمن ممم وانوض راه 8 هادي
جاد: (بصوت ناعس) صباح الخير
انا: صباح الخير.. ياله سير نتا لخدمتك انا غادي نطلع
جاد: نو معنديش خدمة غنبقا معاك
انا: اوكي لي بغيتي.. مشينا طلينا على السيدة لقيتهم كيوجدوها للعملية و ولادها واقفين حدا باب الغرفة بقيت واقفة معاهم حتى جاو مخرجينها كتبوس فولادها وتبكي شافتني ومداتلي يديها
انا: (شديت فيها) متخافيش اخالتي العملية غادوز بخير
المراة: الله يستر عليك ابنتي وشكرا
انا: ماتقوليش هكا.. داوها وشديت فالولاد هبطتهوم القهوة فطرنا وطلعنا بقينا جالسين كنتسناو دازت شي 3 دالساعات عاد خرج الطبيب وتجمعنا عليه
عمر: عفاك ادكتور شنو كاين
الطبيب: (بابتسامة) الحمد لله العملية نجحات ومن هنا العشية غاتفيق وتقدرو تشوفوها
انا: شكرا ادكتور.. مشا الطبيب وهو يعنقني عمر
عمر: شكرا اختي بزااف عمري مانسا خيرك
انا: اي واحد كان بلاصتي غايدير نفس التصرف المهم الوالدة ديالك ولات بخير
سفيان: الحمد لله شكرا اختي
انا: دبا نتوما كاتقولولي ختي وشكرا.. انا عارفة مابين الخوت مكايناش شكرا
عمر: (بضحكة) وي بالصح
انا: ياله زيدو معايا نتغداو ومن بعد نرجعو لعندها
عمر: اوكي ختي
انا: جاد تمشي تغدا معانا
جاد: نو انا عندي بالعشية الخدمة خاصني نمشي دبا
انا: اوكي وسمحلي عدبتك معايا
جاد: نو متقوليش هكا ياله نخليك دبا
انا: اوكي.. مشينا لواحد الريسطو تغدينا.. عمر فين كتخدم
عمر: كنبيع مرة مرة الحوت فالمارسا
انا: واش قاري ولا لا
عمر: (ضحكة استهزاء) ههه قااري مي باش نفعاتني
انا: شنو عندك
عمر: اجازة فالاقتصاد كنت باغي نكمل للماستر ساعة الحالة متسمحش
انا: ممم اوكي يكون خير ان شاء الله.. ونتوما فين كتقراو
سفيان: انا اختي فسنكيام وملاك فالرابع
انا: مزيان الله يوفقكم
الكل: امين.. بقينا مجمعين وتعرفت عليهم كثر من بعد عاد رجعنا بقينا جالسين حتى فاقت دخلو دارو جنازة بالبكا مقديتش نشوف داك المنظر وخرجت جلست حدا الباب حتى جا عصام
عصام: كيبقات المراة
انا؛ الحمد لله دبا بخير شنو درتيلي فمسالة ديال الدار
عصام: كنت جاي عندك باش تمشي تشوفيها
انا: اوكي زيد.. مشينا شفتها عجباتني وكانت واسعة شوية عطيت لعصام لكارط ناسيونال ديال السيدة وديال عمر.. انا شريت الدار وغنكتبها بسمية ديال الدراري وبالنسبة للصغار اتكون امهم الوصية عليهم.. رجعت للكلينيك سولت قالولي من هنا 3ايام تخرج رجعت للدار دوشت ونعست.... دازت ديك 3ايام كنمشي للكلينيك وكنشوف الدار فين وصلات اليوم غانمشي عندهم باش نخرجو خالتي فاطمة..
انا: سلام واجدين
عمر: اه اختي.. ركبنا فالطموبيل وبقيت غادا للدار حتى هضر عمر... فين غاديين
انا: الدار
عمر: ماشي هادي هي الطريق
انا: لا انا عارفة الطريق.. كملت حتى وصلت قدام الدار نزلت ونزلو هما مفاهمين والو دخلنا للدار وكانشوف علامات التساؤل فوجهم
انا: مرحبا بيا عندكم
خالتي فاطمة: كيفاش ابنتي
انا: خالتي هادي داركم.. جبدت العقد وعطيتو لعمر
عمر: (طرطق عينيه فالوراق) لا اختي منقدوش نقبلو بهادشي
انا: وشكون قاليك كنتشاور معاكم هادي داركم والسلام.. عمر مابغيتيش تعطي لضيفتكم كاس داتاي ولا غير الما
ملاك: (ببراءة) دبا اختي هادي ولات دارنا
انا: (حدرت لعندها) وي اجي نوريك بيتك.. شديتها من يديها وديتها لواحد البيت بالغوز زويون.. كيف جاك بيتك جديد
ملاك: واااو واعر اختي شكرا بزاف
عمر: خلينا نهضرو.. شديتو من يدو وجريتو
انا: شوف هادي بيتك كيجاتك وهداك البيرو باش تبدا تبريباري فاش دخل للماستر
عمر: (دمعو عينيه) لا اختي عفاك منقدرش
انا: (ضربتو لراسو) ميكونش راسك قاصح.. مشيت جريت سفيان لبيتو لي حمقاتو وبقا يعنق فيا وعاد مشيت عند خالتي لي كانت كتبكي جريتها لبيتها كان فيه ناموسية كبيرة بالماريو وسرجم كيطل على الجردة ديال العمارة جلستها فالناموسية...
#يتبع
