دازت سيمانة وانا كل نهار كنزيد نكره جاد وحتى من جود مبقيتش حاملاه... هاد النهار فقت فبيت بوحدي انتقلت ليها هاد السيمانة.. جمعت حوايج جود وحوايجي.. هزيتو وحطيتو فبلاصتو وانا نديماري للقصر هزيت جود وصاكو.. خرجاتلي ماما
انا: ماما تقدري تخلي جود عندك
ماما: اه ابنتي واش مجاتش المربية
انا: اه وعندي دبا اجتماع
ماما: اوكي الله يعاونك
انا: امين... حطيتليها الصاك ومشيت ركبت طموبيلتي وانا نكسيري نحو المجهول المهم نبعد عليهم مبقيتش حاملاهم... مفهمتش واش مشا داك الحب شنو وقع فجأة مبقيتش كنحمل جاد... بقيت كنبكي حتى عييت... وصلت لمراكش فالليل مشيت للاوطيل شديت بيت وطلعت دوشت وبدلت حوايجي.. طلبت العشا طلعوهلي كليت حتى شبعت وخرجت للبالكون جلست كنتروح حتى حسيت بالنعاس وانا ندخل تحشيت فبلاصتي وتغطيت وانا نعس مرتاااحة....
*عند جاد*
دازت سيمانة معرفت مال نوربعدات عليا وغير مقلقة مفهمت والو... اليوم رجعت للدار عيان دخلت كيف العادة للدار فيها السكات... توحشت نحل الباب وتجي كتجري لعندي... تنهدت وطلعت لبيتها ملقيتهاش مشيت لبيتي والو مكاين حتى حد... قلبت الدار كاملة مكاينش حسها لا هي لا جود... بديت كنصوني عليها مي تيليفون طافي... دخلت لبيتها كنقلب حتى شفت ورقة فوق الكوافوز هزيتها وبديت كنقرا《 جاد انا مشيت محتاجة نرتاح شوية وجود راه فالقصر... بلا ماتخاف انا بخير مي باغا نبعد شوية حيت عييت فاش نرتاح غادي نرجع》تعصب وعينيه رجعو حومر وصدرو كيطلع ويهبط.. دخلت دوشت بالما بارد على الله نبرد شوية... كملت لبست حوايجي وعيطت لماما قتليها تخلي عندها جود هاد النهار.. وانا نتكا فبلاصتي بقيت كنتقلب حتى داتني عيني ونعست.... صبح الصباح مشيت للخدمة
عادل: امالك شاعل على الصباح
جاد: غير خليها على الله
عادل: ماالك
جاد: نور مشات ومعرفت فينها
عادل: كيفاش واش دابزتو
جاد: لا مي هي هاد السيمانة بعدات عليا ورجعات غير معصبة ودبا مشات
عادل: صبر اصاحبي ومتخافش عليها راه غادي ترجع.. خليها دبا ترتاح وفاش تجي هضرو.. يمكن مع الضغط المهم صبر اصاحبي
جاد: (تنهد) هانا صابر.... هاد الحوار سمعاتو سناء لي ابتاسمات بخبث... دازت سيمانة وماعندي حتى خبار على نور وديما كنصوني عليها مي كنلقاه طافي توحشتها بزااف وتوحشت ريحتها لي كتحمقني.. اليوم الاحد جالس فالجردة حتى جات عندي سناء شفتها وانا نزيد نتعصب
سناء: سلام.. مدات وجهها وهو يبعد ومدليها يديه محملاتش راسها سلمات عليه وجلسات
جاد: شنو جابك لهنا
سناء: غير جيت نطل عليك ونشوف واش محتاج شي حاجة
جاد: (مخنزر) باشمن صفة
سناء: (شداتلو يديه) صديقة
توقعاااتكم
