وصل للقصر وهو يحل الباب ودخل طلع الفوق لبيت ولدو لقاه ناعس وحداه مامات نور تلف معرف مايدير.. واش يفيقها ولا يهزو... تنهد ومشا هزو ياله دار جوج خطوات وهو يسمع الغوات
ام نور: شفااااار
جاد: (شعل الضو) اويلي اخالتي سكتي راه غير انا
ام نور: (شادة فقلبها) ومالك اولدي طيرتيها مني.. جاي فنصاصات الليل
جاد: وراه بنتك هي السباب جلسات كتبكي بغات ولدها
ام نور: هههه حمقاتك اولدي.. واسير عند مراتك لا تصدق مجرية عليك نتا وولدك
جاد: هانا غادي تصبحي على خير... نزل جاد حط ولدو بلاصتو وديمارا وصل للفيلا.. طلع للبيت لقاها مزال جالسة كيفما خلاها.. شافتو وهي تنوض هزات ولدها عنقاتو وبدات كتبكي
جاد: (جراها جلسات) صافي احبيبتي هاهو ولدك حداك
انا: توحشتو بزااف... جود فاق على صوت الهضرة شاف ماماه وبدا كيبكي وحشا وجهو فصدرها
انا: هئ هئ شوف مقلق مني ياك
جاد: (تصدم من ولدو) شش صافي سكتي باش يسكت حتى هو
انا: (كتمسح دموعها) اوكي.. سكتات وهزات لجود راسو مسحاتلو دموعو وبقات كتبوس فيه حتى طيباتو... حبيبي توحشتي ماماك ياك
جود: نغ نغ (ههههههه)
انا: (عنقاتو وزيرات عليه) اححح شحال توحشت هاد الريحة... تكات وتكا هو على صدرها.. جا جاد تكا حداهم وكيشوف فيهم بكل حب... بقاو هكاك حتى نعسو بثلاثة وجود بيناتهم.... داز شهر بالضبط واليوم عرس صفاء والياس وعمر ومروى... الكل فرحان وكيوجد.. نور عرضات على احمد وختو دعاء لي تعرفو على بعضياتهم قبل...
انا: دعاء سافا
دعاء: حمد الله اختي ونتي
انا: بيخير هاد الساعة
دعاء: دبا شحال عندك
انا: غادي نكمل 3شهور سيمانة جاية
دعاء: يعني بقاليك شهر باش تعرفي جنس الطفل
انا: ويي ان شاء الله فين احمد
دعاء: كنا داخلين وهي توقفو وحدة سميتها لمياء
انا: (شفت لقيتهم كيهضرو وهي كضحك) هههه اوكي
زياد: (عينيه على دعاء) ختي مبانليكش جاد
انا: (منفخة) معرفتش ومبغيتش نعرف
زياد: هههه مالكم عوتاني وفين ولدك
انا: راه مع باه انا مالي
زياد: هههه باز نتي غادي تهبليهم مساكن.. سمحيلي معرفتكش على راسي انا زياد ولد عم نور
دعاء: متشرفين وانا دعاء صديقة نور
زياد: متشرفين ممم نقدر ناخد نمرة تيليفونك
انا: لا طلعها نتا حسن لبيت النعاس.. هانا مشيت نتوما غير غتزيدو تعصبوني.. مشات وخلاتهم كيضحكو... تبادلو النوامر وجلسو كيهضرو ويضحكو... اما نور تلقات برؤيا لي تاهي حاملة
رؤيا: ختيتو سافا
انا: حمد الله ونتي كيدايرا مع الحمل
رؤيا: حمد الله.. شفت كرشك كبر من كرشي وحنا قد قد عندنا
انا: كنغذي ولدي مزيان ماشي بحالك
حمزة: (مدور يديه على خصر رؤيا) شنو زعما مراتي حبيبتي مكتهلاش فراسها
انا: (خنزرت) فين جاد
حمزة: ههههه ياك عاد قبيلة جريتي عليه
انا: جيبولي راجلي ولا نديرليكم فضيحة هنا
توقعاااتكم
جود
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
