مكاينش شي حضن كيشبه لحضن ماما.. بعد المرات كنقول كون كانو عندي حتى انا خوتي شي واحد بحالك يوقف بجنبي وفاش نضعف نلقاه حدايا وبالخصوص تكون عندي اخت ياك كيقولو الاخت هي الام التانية كان ممكن تعوضني على النقص لي كنحس بيه.. داكشي علاش وليت عدوانية وكنولي اكثر عدوان فاش شي حد كيقرب للاب ديالي حيت هو لي بقالي الى وقعاتلو شي حاجة نموت.... تنهدت.. سمحلي صدعتك نخليك دبا ترتاح حتى يوصل وقيتة دالصحور ونجي نعيطليك.. جيت نوض وهو يشدني
جاد: (ندم بزااف على هادشي لي دارليها وبقا فيه الحال) سمحيلي حيت عاملتك بديك الطريقة قبيلة
انا: عادي مكيهمش وانا نسيت.. عنقني وزير عليا معرفتش علاش فحضنو حسيت بالامان زيرت عليه وبديت كنبكي
جاد: (عينيه دمعو) ششش عفاك متبكيش وسمحيلي
انا: هادا سادس رمضان غندوزو بلا ماما هئ هئ توحشتها بزااااف اجاد
جاد: الله يرحمها وانا غادي نكون بجنبك فوقما احتاجتيني
انا: (حيدت منو وكنمسح دموعي) شكرا
جاد: (شد يدي) متبقايش تقولي شكرا اوكي
انا: واخة ياله نوض نعس شوية راني عييت
جاد: اوكي
انا: (قستليه عينيه) سمحلي مقصدتش
جاد: هههههه نو نستااهلها انا لي تهجمت عليك
انا: لا مي مكانش خاصني نضربك كتبقا ولد عمي
جاد: هههه سيري تنعسي شفت النعاس دوخك واش انا تهجمت عليك وكتقولي مخاصكش ضربيني
انا: (بابتسامة) اوكي بونوي
جاد: بونوي... مشيت لبيتي دخلت تكيت وبقيت كنفكر علاش تعاملت معاه هكا وعاودتلو على باش كنحس بقيت هكاك حتى نعست..
عند جاد.... فاش نور عنقاتني بديت كنتكالما شوية بشوية وقفات قدامي شافت يدي تجرحات وهي تشدني بيديها الرطيطبين جراتني جلساتني ومشات جابت الدوا جلسات على ركابيها وشداتلي يدي انا سهيت فيها كانت مركزة مع داكشي لي كدير وتيشورت نازل من واحد الكتف كانت كيوت بلا قياس سلات وحطات يديها فوق يدي وبدات كتهضر عايرت راسي مزيان هي بالصح معندها حد بلاصة منتقرب منها ونحميها تهجمت عليها بقا فيا الحال بالخصوص فاش بكات وقاتلي توحشات ماماها قررت من هاد النهار نوقف بجنبها خليتها مشات وانا بدلت تيشورت وهبطت لتحت صيفط الخدامة تجمع ديك الروينة ومشيت جلست فالجردة حتى جاو الدراري
حمزة: خويا كيبقيتي
جاد: مزيان متخافش عليا
اريج: (جات عنقاتني) تخلعت عليك اخويا شكون قلقك.. تفكرت نور شوف انا تعصبت وجاو خوتي لعندي كيجريو يسولو عليا مي هي معندها لي يسول فيها
جاد: ماشي شي حاجة مهمة متخافيش انا مزيان دبا
زياد: ناري اصاحبي خلعتينا رجعتي بحال الوحش
عصام: وي انا شفتك هكاك تصدمت فيك
جاد: هههههه حتى نتوما زدتو فيه.. بقينا مجمعين شحال شفت الساعة لقيتها 12 دالليل وانا نطلع لعند نور حليت الباب وانا نلقاها مزال ناعسة هاد البنت غادي طيرلي العقل كانت ناعسة على كرشها وتيشورت طلعليها كتبين ظهرها مشيت جلست حداها وبديت كنفيقها
جاد: نور فيقي باركة من النعاس
انا: (تقلبت وتكيت على ظهري) مممم
جاد: (ساهي فيها) نوضي توgدي باش تقدري تصحري
انا: (حطيت يدي على عيني) غير خليني ناعسة ضرني راسي
جاد: (قاسليها جبهتها) مافيكش السخانة واش كيضرك بزاف
انا: نو
جاد: ياله نوضي اجي نديك غسلي وجهك باش تفيقي... وقف وهزها دخلها للحمام قادليها الهزة وكيغسل ليها بيد وحدة
انا: صافي براكة راني فقت
جاد: هههه اوكي.. داني حطني فوق الناموسية ومشا جابلي فوطة مسحلي وجهي.. ياله اجي نزلو للجردة يضربك شوية دالريح باش تفيقي مزيان
انا: اوكي ياله
جاد: غادي تهبطي هاكة
انا: علاش شنو فيها
جاد: لبسي شي سروال راه دراري لتحت
انا: عادي
جاد: لا معاديش ياله نوضي لبسي هانا كنتسناك فالباب.. مشا خرج وخلاني هدا بغا يتحكم فيا اففف نضت لبست سروال وجمعت شعري وخرجت عندو شافني وبتاسم قربلي ومد يديه حيدلي الباندة... هكا حسن
انا: (قلبي بدا كيضرب) احم نزلو
جاد: (ناري غادي تسطيني بهاد الحشمة) اوكي
#يتبع
