خرجت من المركز مشيت نيشان للشركة دبابا.. طلعت للبيرو ودخلت شافني ووقف مبتاسم
بابا: اهلا بنتيي نهار كبير هدا.. الشركة نورات
انا: (عنقتو) باباتي سافا
بابا: حمد الله ابنتي ونتي
انا: بيخير الحمد لله
بابا: اوى كيداير حفيدي
انا: لبااس عليه الحمد الله.. بابا انا جيت نهضر معاك فواحد الموضوع
بابا: الله يسمعنا خبار الخير اجي جلسي بعدا
انا: (جلست) انا استاقلت من خدمتي وبغيت نخدم معاك فشركتك
بابا: كتقصدي شركتك نتي.. انا هادشي لمن غنخليه ماشي ليك نتي
انا: الله يطولينا فعمرك ابابتي
بابا: مي فرحتيني حيت بغيتي تخدمي فالشركة.. الصراحة عييت مي مكاينش شي حد تقة نخليلو الشركة.. ودبا غادي نرتاح حيت بين يديك... انا قررت نسافر انا وماماك شوية
انا: (بفرحة) اه ابابا غير سيرو وعيشو حياتكم ومتخافش على الشركة
بابا: عارف ابنتي دونك غدا نديرو اجتماع باش يتعرفو عليك الموظفين
انا: وخا ابابا.. نخليك دبا حتى الغدا ونتلاقاو
بابا: اوكي الله يرضي عليك
انا: امين.. خرجت من عندو ومشيت الاسانسور بقيت كنتسنا يتحل.. دخلت وكان فيه واحد الشاب... تسد الباب وهو يهضر
....: (بنظرات اعجاب) سمحيلي مي واش نتي خدامة هنا
انا: لا
...: انا احمد ونتي
انا: مكاين لاش تعرف... خرجات نور وخلاتو مصدوم مي عجباتو.. مشا وهو كيبتاسم.....
مشيت للدار طلعت لقيت حبيبي جود ناعس بستو وخليتو.. دخلت لبيتي دوشت ولبست بيجامتي عبارة عن شورط وتيشورت ديالو.. نزلت للكوزينة بديت كنوجد الغذا.. درت كراتان مع عصير الليمون.. كملت وهو يدخل حياتي مشيت كنجري تعلقت فيه
جاد: (ملوي يديه عليها وهي لاوية رجليها على خصرو) توحشت الفنون ديالي
انا: حتى انا توحشتك.. اجي تغدا اتكون عييتي
جاد: يخليلي الحبيبة لي كتفكر فيا.. صبري نبدل ونزل
انا: اوكي... مشيت بديت كنحط شوية وهو ينزل حبيبي بشورط وتيشورت وهاز جود بين يديه كيلعب معاه.. جلسنا بدينا كنتغداو وهو شاد جود حاط راسو على كتف جاد وكيشوف بعويناتو.... كملنا الغذا هزيت جود وطلعت لبيتي رضعتو وبدلتلو وانا نعسو اما جاد مشا لخدمتو وحتى من المربية مشات فاش جيت.... وصل الليل وجاد خدا خلاصو كيفما بغا وكثر..
جاد: اححح عليك وعلى خلاصك شحال حلو نموت فيك انا
انا: هههه يااك بعدا اوى خليني نعس راه غدا خدامين
جاد: (جرها حشاها فيه) نعسي احبيبة ورتاحي مع راسك
انا: (بستو ففمو) بونوي.... صبح الصباح لبست سروال سليم فالبيض مع قميجة فالشيبي باارد واسعة شوية وطالون فالباج.. قاديت شعري ودرتلو البابيليز غير من التحت... درت مكياج خفيف وانا نمشي لبيت ولدي لقيت المربية حداه
انا: حطي عينك عليه ويلا كانت شي حاجة عيطيلي
المربية: واخة امدام.. نزلت لقيت جاد وجد الفطور وجالس كيفطر
انا: صباح الخير
جاد: صباح الورد.. بستو ففمو وجلست... غادي تبداي الخدمة اليوم
انا: وي حبيبي
جاد: اوكي الله يعاونك
انا: امين ويعاونك حتى نتا... توادعنا وركبت طموبيلتي وديماريت للشركة من بعد دقائق وصلت... طلعت لعند بابا
بابا: ياله ابنتي راه كلشي فقاعة الاجتماع
انا: اوكي... دخلنا كانت الغرفة عامرة وبقاو 2 كراسة.. جلسنا فيهم
بابا: احم المهم نعرفكم على بنتي نور لي غادي تشد بلاصتي ابتداءا من هاد النهار.. بنتي بامكانك تهضري
انا: (بجدية) كيفما قاليكم سي ادريس بلي من اليوم غادي تولي علاقتكم معايا.. انا معارفاش القوانين لي فارض سي ادريس مي بالنسبة ليا خاص تكون الجدية والانضباط في العمل.. كنكره شي حاجة سميتها التهاون اولا نلقى شي حد مكايديرش خدمتو... وفالاخير حنا كاملين كنخدمو من اجل الشركة.. يعني غادي نخدمو كفريق... نتمنا تكونو فهمتوني... كلشي بقا كيدور فعينيه حيت خلعاتهم اما باباها بقا كيبتاسم عجبو الحال
احمد: (بابتسامة) ان شاء الله غادي نخدمو كفريق امدموزيل نور.....يتبع
