في ريسطو جالس عصام مع اريج كيهضرو ويضحكو.. وفنفس الريسطو كاين حمزة مع رؤيا..
عصام: حبيبتي
اريج: (مزنكة) وي حياتي
عصام: فوقاش نجي نخطب
اريج(وحل ليها): كح كح
عصام: هههه ماالك
اريج: واش كتهدر بالصح
عصام: (شد يديها) واش بنتليك كنتفلا انا كنبغيك وبغيت نكمل معاك حياتي
حمزة: مزال مبغيتي تحني فهاد القلب
رؤيا: (حشماانة) حمزة
حمزة: احححح مكنتش عارف سميتي زوينة لهاد الدرجة
رؤيا: ههههه
حمزة: (شد يديها وباسها) كنبغيك وكنحماق عليك... كنحماق على ضحكتك وعلى حشمتك.. وكلشي فيك كيسالي معايا
رؤيا: (حدرات راسها) حتى انا كنبغيك
حمزة: (تصدم) و.. واش بالصح
رؤيا: ويي كنبغيييك
حمزة: (وقف ومشا باسها فراسها) فرحتيني فوقاش بغيتي نجي نخطبك صافي مقادرش نصبر
رؤيا: ناري خويا
اريج: اويلي خويا.... دار حمزة وعصام فنفس اللحظة وكل واحد جاي عند الاخر بملامح غاضبة ونطقو فنفس اللحظة
عصام: اش كدير نتا مع ختي
حمزة: اش كدير نتا مع ختي... سكتو معرفو باش يجاوبو شوية بداو كيضحكو
عصام: ههه انا راه ناوي المعقول مع ختك ولقيتيني ياله سولتها فوقاش نجي نخطبها
حمزة: حتى انا ياله سولتها فوقاش نجي
عصام: عرفتي شنو اجي نطلعوها عليهم شوية
حمزة: هههه وخا جيب ديك الهبيلة واجي
عصام: اوكي.. اريج اجي نمشيو عند خوك
اريج: اويلي انا غنمشي بحالي.. نتا معارفش حمزة فاش كيتعصب والله تياكلني
عصام: (حابس الضحكة) وغير زيدي.. جرها من يديها وهي كتنتر جلسها حدا رؤيا لي حادرة راسها مقداتش تشوف فخوها... جلس حمزة قدام ختو وعصام قدام ختو حتى هو... مخنزرين والبنات حادرين راسهم
عصام: رؤيا لي كنقول حشومية ومأدبة ومتقدرش تخبي شي حاجة عليا
حمزة: ونتي اديك سليعفانة اش كاديري هنا
رؤيا: 😢😢😢😢😢😢
اريج: مالك نتي كتبكي.. نتوما حلال عليكم وحنا حرام ولا شنو.. (كتهضر فودن رؤيا) سكتي نتي راه باينة باغيين يطلعوها علينا حيت كون كانو معصبين غيضاربو بيناتهم عاد يباليو بينا
رؤيا: (مسحت دموعها) اه عندك الحق... شوف اعصام نتا خويا اه مي متدخلش فحياتي الخاصة واصلا انا غير تلاقيتو فالريسطو وجلسنا مجموعين ولي كنبغي عايش فامريكا... حمزة تصدم وبقا كيشوف فيها واريج جاتها الضحكة
اريج: انا اخويا غير كندوز الوقت وصافي اما لي كنبغي بالصح غدا غيجي يخطبني... عصام تصدم وبقا كيشوف فيها.. البنات زيراتهم الضحكة فاش شافوهم مصدومين مقدوش يصبرو وهما يطرطقو بالضحك
اريج ورؤيا: هههههههههه..
حمزة: (مزير على يديه) علاش كضحكو
اريج: شوفو وجهكم كيف ولا.. عقنا بيكم بغيتو طلعوها علينا صدقنا مطلعينها عليكم ههههه
حمزة: (ارتاح وتنهد) اخر مرة ضحكو بحال هاد الضحك
عصام: اييه الالة رؤيا هادشي كامل خرج منك
حمزة: حتى انا صدماتني
رؤيا: (كترمش بعينيها) بغيت نمشي بحالي😔
حمزة: (وقف) تسمحلي اعصام نوصلها
عصام: اوكي سير... مشا حمزة مع رؤيا وخلاو الكوبل لاخرين جالسين... ركبو ورؤيا جالسة كدور فعينيها وحمزة حاضيها بنص عين.....يتبع
