عند نور*
مشيت للاوطيل طلعت نيشان لبيتي دوشت وخرجت للبالكون وجبدت gارو كنكمي حتى صونا تليفوني
انا: الو عصام
عصام: فينك
انا: فالاوطيل راني شفت الدراري عندك
عصام: وشنو غاديري دبا
انا: غادي نشري غدا طموبيل جديدة وللاسف غادي يعرفو شكون انا
عصام: ماشي مشكل المهم تلقاي ماماك
انا: (تنهدت) هادشي لي مصبرني
عصام: نتلقاو غدا اوكي
انا: واخة... دخلت تكيت وبقيت كنفكر فردة فعلهم وشنو كيقولو عليا دبا حتى نعست...... صبح الصباح فقت لبست الحوايج دالبارح وهزيت الطموبيل مشيت خديت طموبيل جديدة لحق عليا عصام وخدا طموبيلتي داها الكراج ديال الفيلا ديالو خباها ومشيت لواحد المزرعة ديال عصام برا دالمدينة وصلت من موراها بساعة جا لعندي وجابلي حوايجي وحوايجو حتى هو كانت ديك الساعة 5 دالعشية نضت بالزربة وجدت الفطور فطرنا ومشيت تكيت حتى فيقني عصام للصحور كان وجدو كليت ورجعت نعست دوزت النهار عادي غير فالدار وهدرت مع بابا مفخبارو والو الحمد لله... ساليت من الفطور وعيطلي حسن gالك ضروري نجي مشيت لعندو وصلت لقيت واحد الشخص رابطينو وحسن داير رجل على رجل
انا: سلام موسيو حسن
حسن: اهلا سارا يدي اليمنى
انا: شنو كاين
حسن: نتي برهنتي ليا بلي نتي ثقة ودبا اخر سطاج غادي دوزيه
انا: شناهو
حسن: حنا لقينا الجاسوس وبغيتك تقتليه هاهما الرجال يحطوه فطموبيلتك وسيري للغابة قتليه ورجعي
انا: اوكي موسيو... دخلوه للطموبيل وركبت حتا انا
انا: نتا خدام مع المخابرات
الجاسوس: وي وهدا شرف ليا ومخايفش من الموت ونتوما غيجي النهار لي تشدو فيه
انا: وااو شجاع مع راسك.. شنو سميتك الحقيقية
الجاسوس: وعلاش بغيتها
انا: هكاك وصافي باش نعرف شكون غنقتل
الجاسوس: ياسين اليوسفي
انا: متشرفين اسي ياسين.. من بعد دقائق وصلنا للغابة لقيت واحد الطموبيل واقفة بعيد ابتسمت ابتسامة استهزاء وانا نزلو دخلتو للغابة ووقفتو شديت المسدس وضربتو ب4 دالقرطاسات طاح فالارض ورجعت ركبت طموبيلتي مشيت عند حسن لي استقبلني بعناق
حسن: مرحبا بيك اسارا معانا
انا: شكرا.. بقيت شوية معاه ورجعت للمزرعة وهكا دازت 3سيمانات خديت gاع الوراق لي بغيت واليوم كاين تسليم شحنة كبييرة من المخدرات وغدا العيد كنت كنتمنى ندوزو مع بابا.... وجدت راسي مزيان هادي هي الدقة ديالي خرجنا مشينا وصلنا للمكان.. حسن بانلي متوتر وكيشوف فيا شوفات خايبين مديتهاش فيه وصلت الشحنة وهو يوصل البوليس شاف فيا حسن
انا: تيك تاك تيك تاك ساعتك سالات... توسعو عينيه من الصدمة وهو يهز بورطابلو معرف اش دار بيه وهو يوصلو البوليس وتزادت فرقة اخرى ساعداتهم شدوه ودخلوه... جا جاد شدني
جاد: (كيهضر بشوية) يا خسارة بغيت مجرمة.. بقيت كنشوف فيه وجات جيهان خداتني جلساتني حدا حسن ومشينا وصلونا للمركز ياله جاو يبداو التحقيق وهو يجيه اتصال شفتو شاف فيا وهو ينوض مشا وتبعوه الدراري حتى من جيهان تبعاتهوم...... --> تسريع الاحداث
وصلت كنجري للكلينيك قلبي غادي يخرج من بلاصتو شافوني العائلة وهما يوقفو والدراري مصدومين كيدرت خرجت مي انا مديتها فحتى واحد جبدت المسدس وانا نضرب واحد الراجل لابس طابلية بيضة كان داخل لبيت فين كاين بابا جبتهالو فالرجل وهو يطيح دار الشخص لي معاه كان تاهو لابس طابلية جبد المسدس وهو يشد بنت عمي اريج وحط المسدس فوق راسها...
الشخص: تحركي خطوة وحدة نقتلها الالة سارا ااه نسيت صدقات سميتك نور ههههه
جاد: (خايف) طلق من ختي..... بقيت كنشوف فيه حتى تطلقات رصاصة كلشي شهق ودارو يديهم على فمهم.. جبتهالو فالراس طاح وهي تسخف اريج هداك لي تضرب فرجليه هز المسدس وتيرا فيا جابهالي فكتفي وهي تجيه قرطاسة فالراس كان عصام لي تيرا فيه.....
#يتبع
