هز يديه حتى السما وصرفقني بقيت جامدة فبلاصتي حتى من وجهي متحركش بقيت كنشوف فعينيه لقيت الغضب والخوف عرفتو عرف مي شكون قالو هادشي لي خاصني نعرف.. شفت فالعائلة لقيت دايرين يديهم على فمهم ومصدومين الدراري مصدومين وجاد غير كيشوف ومزير على يديه
بابا: (بالغوات) كتكدبي عليااا من اليوم متعاودي تخرجي من الدار حتى يجي شي حد يتزوجك وتمشي لدارك سمعتي
انا: (ببرود) واخة... طلعت لبيتي دخلت دوشت من بعد مادورت ميكة على يدي.. خرجت لبست حوايجي وانا ندير واحد الاتصال وجلست فالبالكون
*عند العائلة*
عمي يوسف: علاش ضربتيها واخة انا مزال معارف كيفاش حتى قتلات هادوك الناس مي كان خاصك تجلس وتهدرو بالعقل
بابا: بنتي ماشي مجرمة فاش عاودتيلي شنو وقع فالكلينيك عرفت بلي هي خدامة فالمخابرات
عمي احمد: كيفااش وكيدرتي عرفتي
بابا: حيت مراتي الله يرحمها حتى هي كانت خدامة فالمخابرات وبساببها ضيعت مرتي ومنقدرش نضيع بنتي
جاد: (تعصب حيت ضربها وبقات فيه) واش عرفتي بنتك شكون
بابا: لا ومباغيش نعرف هي غتجلس فالدار
جاد: الجنرال نور العلمي الملقبة بالتنين الاسود نظرا لقوتها وحدة ذكائها وتغلبات على اكبر مافيا فامريكا
بابا: (تصدم) منين جبتي هاد المعلومات
جاد: انا العقيد جاد وخدام فالمخابرات مي انا عاد عرفتها كنا كنسمعو بالتنين الاسود وكيفاش المافيات كتخاف منو والمخابرات كاملين كيتمناو يخدم معاهم
ع. يوسف: وي بالصح الدراري كاملين خدامين فالمخابرات وعلى حساب هدرة ديال جاد خاصك تكون مفتاخر ببنتك
بابا: منقدرش نفقد حتى بنتي فهموني
خ. حورية: (مصدومة) الولاد خدامين فالمخابرات وحنا مجايبين خبار
ع. يوسف: مبغيناش نخلعكم وصافي.. البنات تصدمو.. قاطعتهم الخدامة
الخدامة: سي ادريس واحد الرجل سميتو محمد البناني كيسول عليك
بابا: خليه يدخل.. دخل الرجل بكل هيبة وبابتسامة تعانقو هو وادريس.. نعرفكم هدا نسيبي خو مراتي الله يرحمها.. سلمو عليه كاملين وجلسو كيهدرو حتى نطق
خالي محمد: فين نور توحشتها
بابا: راها فبيتها بلاتي نصيفط الخدامة تعيطليها
*عند نور*
بقيت جالسة حتى جات عندي الخدامة ونزلت لقيت خالي عنقني وبادلتو العناق
خ. محمد: اوى ابنتي اش كتعاودي توحشتك
انا: والو غير الدار حتى انا توحشتك
خ. محمد: احم ادريس تسمحلي نخرج انا وبنتي نور
بابا: اه خود راحتك
خ. محمد: ياله طلعي لبسي حوايجك
انا: واخة.. طلعت لبيتي لبست وانا نزل مشيت ركبت مع خالي حتى عيطلي الرئيس قالك كاين اجتماع ديال التعارف باش كولشي يعرفني دانا الشيفور حتى للمركز وصلنا ونزلت درت نضاضري ودخلت بكل ثقة وصلت لقاعة الاجتماعات حليت الباب كانت عامرة وحتى الدراري كاينين شافوني تصدمو حيت كان معايا حتى خالي
الرئيس: مرحبا بسي البناني.. كنعرفكم على رئيس المخابرات الامريكية وهادي الجنرال نور العلمي الملقبة بالتنين الاسود... الدراري تصدمو حيت خالي رئيس المخابرات الامريكية ورانيا هي وخوها عماد تصدمو حيت انا هو التنين الاسود.... حيدت نضاضري وبقيت كنشوف فرانيا لي رجعات صفرة
الرئيس: شفتكوم مصدومين ياكما كاين شي مشكل
ضابط: (باستهزاء) دبا التنين الاسود صدق بنت ههههه... طلعت راسي وبقيت كنشوف فيه وبالضبط فعينيه حتى توتر ونزل راسو
انا: (بجدية) بانلي هاد المركز مافيهش انضباط
الرئيس: (بحزم) وهادي هي مهمتك
انا: (بابتسامة جانبية) مرحبا
#يتبع
