جاد: (كيقربلي) توحشتك القطيوطة
انا: حتى انا احبيبي
جاد: احح اقلبي وشحال زوينة كلمة حبيبي من فمك
انا: ههههه حمق
جاد: (عنقني) حماقيت بسبااابك
انا: (كنشم ريحتو) جيت نقوليك كنبغيك وغادي نتوحشك بزااف
جاد: (بقلق) عفاك احياتي خليني نخدم معاك خايف عليك
انا: نو متخافش عليا انا قادا بشغلي.. ياله نخليك دبا جيت غير نسلم عليك
جاد: فين غادا باتي حدايا نشبع منك
انا: واعدت بابا نعس حداه هاد الليلة
جاد: يااك وحبيبك تخليه بوحدو
انا: نتا غادي نشوفك فالمركز مي بابا معارفاش فوقاش نقدر نشوفو فهمني احياتي
جاد: واخة احبيبتي عندك الحق ياله تصبحي على خير
انا: بونوي.. بستو ومشيت عند بابا دخلت لقيتو كيتسناني مشيت تحشيت حداه
بابا: توحشت ماماك ابنتي
انا: كنواعدك غادي ندير كل جهدي باش نجيبهاليك فاسرع وقت ممكن
بابا: عااارف ابنتي وتايق فيك مي بغيتك تحضي راسك مزيان ويلا حسيتي بخطر علمي ولاد عمك يعاونوك
انا: واخة كون هاني مي مبغيت حتى واحد يعرف بلي ماما حية خلي هادشي بيناتنا انا مكنتيق فحد
بابا: مكنضنش عائلتنا تغدرنا
انا: لا مكنهضرش على العائلة كنهضر على لي خدامين هنا كولشي كنشك فيه
بابا: واخة ابنتي ميكون غير خاطرك
انا: شكرا اباباتي... عنقتو ونعست فقت مع 3 دالصباح بست بابا وكتبتلو رسالة《حبيبي انا مشيت بكري للخدمة دعي معايا وكون متاكد غادي نرجعهاليك.. كنبغيك》 مشيت للدار دوشت بالزربة وحيدت ديك الفاصمة درت غير لصقة على الجرح لبست الكيطمة ديالي ومشيت للمركز وصلت مع 4 دزت نيشان للساحة وجدت شي حاجات على حساب التداريب وانا بديت كندير التسخينات وصلات 5 كولشي جا ومستغربين مني حيت كنت عرقانة اما عصام بدا كيبتاسم عرف بلي بدات الخدمة ديال بالصح
عصام: (كيهضر بشوية مع الدراري) دبا غادي تشوفو التداريب ديال بالصح
زياد: لا متقولهاش علاش داكشي لي كنا كنديرو غير لعب
عصام: هههه هانتا غادي تشوف وحكم راسك
انا: (بصوت صارم) انتباااااه... كلشي تقاد فالوقفة... غادي نبداو دبا ب40 دورة على الساحة من بعد نشرحليكوم المرحلة التانية ياله بداو دبا... كلشي بدا كيجري وانا آخر وحدة بديت.. وبديت كنضوبل واحد بواحد حتى وليت انا اللولة تصدمو فيا كملت 40 وتسنيتهوم حتى كملو شي شاد فركابيه شي كيلهت فقصوني... شوفو دوك الحواجز بغيتكم تنقزوها انا غادي نديرها ونتوما تبعوني ديرو بحالي
الكل: اوكي شاف... مشيت بعدت عليهم شوية وبديت كنجري حتى قربت للحاجز اللول وانا نقز حتى فتو ونزلت للارض وقفت بسرعة وكملت كنقز من فوقهم حتى كملتهم كانو 10
انا: ياله بداو... عصام مشا دارهم بسهولة حيت فامريكا هادشي لي كنت كنديرلهوم دونك هو تعود اما الاخرين شي طاح شي مقدرش ينقز حتى اللول وجاد نقزهم كاملين مي اخر واحد عكلو وطاح قلبي خرج من بلاصتو مي مقدرتش نمشي لعندو شفت لقيت الدم فيديه
انا: خودو استراحة 10 دقايق... كلشي مشا تلاح كياخد النفس ديالو اما انا مشيت كنجري عند جاد شديتو من يديه وجريتو للبيرو ديالي خديت الاسعافات الاولية ونقيتلو الجرح قاديتلو كولشي
انا: (بخوف) تقسحتي
جاد: متخافيش انا بخير
انا: (عنقتو) سمحلي انا السباب درتهوم عاليين بزاف
جاد: هادي راه الخدمة وخاصنا ندربو مزيان
انا:فاش طحتي كنت غنجي لعندك كون ماشي عصام لي غمزني باش نبقا فبلاصتي ومنلفتوش الانتباه قدام الضباط.. اوووف سمحلي احياتي
جاد: ههههه حمقة راه غير جرحة صغيرة وصافي.. دبا هادا هو التنين الاسود لي كلشي كيخاف منو
انا: وي مي معاك كنكون نور لي متقدرش تشوف حبيبها تأذى من شي حاجة
جاد: (فرحان) يخليك ليااا حياتي
انا: (بستو فيديه) هانتا غير رتاح انا نمشي نكمل معاهم
جاد: نو غير خليني انا مزيان
انا: وخا... مشينا كملت معاهم داكشي كامل ودخلنا لقاعة الرياضة دزنا على gاع الالات لي تما سالينا دخلت للدوش دوشت بالخف ولبست حوايجي مشيت للبيرو ديالي بديت كنخدم حتى وصلات وقيتة دالغدا وهو يجي عندي جاد
جاد: حياتي نتغداو مجموعين
انا: (بابتسامة) اوكي حبيبي
جاد: هانا سابقك
انا: اوكيي... هزيت صاكي ومشيت وصلت لعندو وانا نتصدم
#توقعاتكم
