جاد: (عنقها من اللور وباس عنقها) هانا احبيبة
انا: فين كنتي.. هاا مبقيتيش كتبغيني ياااك
جاد: (تنهد) اجي معايا.. شدها من يدها جرها وولدو هازو فاليد التانية دخلو للدار وطلعو لبيت جاد حط ولدو فوق الناموسية وجلسها وهو جلس على ركابيه
جاد: دبا شنو بغيتي راه حمقتيني.. مرة محاملانيش ومرة بغاني تبتي معايا وقوليلي شنو باغا
انا: (تجمعو الدموع فعينيا) مليتي مني ياك
جاد: (باس يديها) كيفاش غادي نمل من حب حياتي
انا: (😍😍) جااااد
جاد: وي حبيبة
انا: تشهيت نبوسك
جاد: ههههههه والله حتى مسطية اجي لهنا... شدها باسها ونساو راسهم حتى فيقهم الغوات ديال جود
انا: (تعصبات) افففف
جاد: هههههه شفتي باش كنحس فاش كيقاطعني
انا: سير بعد مني
جاد: بدينا عوتاني حتى انا حمق حيت شادلك الخاطر هاهو غادي وعنداك تبداي تغبني عليا..... هكا داز العرس غير مخاصمة بين نور وجاد... مرة كضحك معاه مرة كتغوت عليه المهم حمقاااتو....... صبح الصباح فاقت مدوخة وشعرها طايح على وجهها ولابسة شوميز والكريشة باينة دازت عند ولدها هزاتو ونزلات لتحت حطاتو فالكرسي ديالو وبدات كتوجد الفطور... هبط جاد ومشا نيشان عنقها وباسها
جاد: صباح الحب
انا: صباح النور.. اجي احبيبي كمل هادشي نوجد الحليب لجود
جاد: واخة.. كمل توجاد الفطور وهي فطرات ولدها... فطرو مجموعين وعاد مشاو لخدمتهم..... داز شهر واليوم غاديين للطبيبة يعرفو شنو عندهم
الطبيبة: (كدوزليها على كرشها وعينيها على التلفزة) تبااارك الله
جاد: (بحماس) شنو كايين
الطبيبة: عندكم توام
انا: بالصح😍😍😍😍
جاد: هههه وايلي
الطبيبة: اه غادي يكونو جوج بنيات فنيونات ان شاء الله
انا: اويلي عندي جووج بنات
الطبيبة: اه وصحتهم مزيانة الحمد
جاد: ههههه وينو على اميراتي😍😍... دورت راسي بالعرض البطيء عند جاد لي غير شافني مخنزرة وهو يجمع الضحكة
جاد: احم انا كنتسناك برا
توقعاااااتكم
