جات ماما بالزربة شماتليها الريحة وهي تفيق..
انا: خالتي مالك
ماما: فاطمة انا حية
فاطمة: (ناضت عنقاتها) هئ هئ الحمد لله سحابلي كنحلم... بقاو معانقين كيبكيو وانا مفاهمة والو
انا: مالكم وفين كتعرفو بعضياتكم
ماما: هادي ختي بالرضاعة وكنا كثر من الخوت وفخبارك بلي هي مرضعاك يعني هادي ماماك التانية وعمر خوك بالرضاعة
انا: (عاد عرفت علاش فاش كانت كتعنقني كنت كنحس بالراحة) دبا حتى انا عندي اخ
ماما: اه ابنتي.. مشيت عند عمر عنقتو
انا: الحمد لله ديما كنت كنتمنى يكون عندي شي اخ
عمر: حتى انا فرحان حيت عندي اخت بحالك.. مشيت عنقت ماما فاطمة
خ. فاطمة: الله يرضي عليك ابنتي
انا: اميين... جلسنا مجمعين وجاد حدايا شادلي يدي
جاد: (كيهضر بشوية) كيفاش انا فرحانة حيت عندي اخ
انا: نتا عارف بلي كنتمنى يكونو عندي خوت
جاد: وانا فين مشيت.. راه فيا راجلك وحبيبك وخووك وباباك كلشي
انا: ههههه يخليلي المغيار ديالي
جاد: لا مغرتش.. قلب وجهو وبديت كنضحك... داز نهار زوين كلشي مشا وماما توادعت مع خ. فاطمة من بعد ماعرفت العنوان ديالهم... انا هزيت ولدي وطلعت حطيتو فوق الناموسية دخل جاد جلس حداه... وانا دخلت دوشت بالزربة دورت عليا الفوطة وخرجت لقيتو هاز جود كيراري بيه هزيت بالزربة اولويز وسليب لبستهم وبيجامة خفيفة شورط وتيشورت ديالها فالغوز مالبستش سوتيانات.. نشفت شعري ومشيت عند حبيبي
انا: حياتي عطيني جود ونتا دخل دوش باش ترتاح... عطاني جود وهو حشا وجهو فعنقي
جاد: هاد الريحة كتسطيني من ديما
انا: ههه بعد وجهك راك بورشتيني
جاد: (شاف فيا وهو ياخد جود حطو بلاصتو ورجع لعندي هزني حطني فوق الناموسية) كنحماق عليك... هبط لعندي باسني واندامجت معاه نتاقل لعنقي ولجسمي كامل حتى لواحد اللحظة وقف ومشا دخل للحمام انا نضت جمعت راسي ولبست تيشورت ديالي... مشيت هزيت جود بدلتلو ومسحتلو جسمو بكريم الاطفال لبستو غير شورط وسوفيطمة دورت عليه واحد الغطا وانا نهزو رضعتو وبديت كنراري بيه حتى نعس.. حطيتو بلاصتو وغطيتو طفيت الضو خليت غير ديال الفيوز لي جنب الناموسية.. وهو يخرج حبيبي لبس شورط وجا لعندي
جاد: (باسلي يدي) جود نعس
انا: اه ياله حطيتو دبا
جاد: (هزني) اوى اجي نعسو حتى حنا... حطني وجا تكا فوق صدري.. توحشت نعس فحضنك
انا: (بستلو راسو) الله يخليك ليا احبيبي.... بقيت كنلعبلو فشعرو حتى نعست.....يتبع
