نعرفكوم على الياس... الياس 29 سنة ولد خال نور وفنفس الوقت صديقها.. طوييل والعضلات السداسية سمر والعينين عسليين قاهر الفتيات حتى هو خدام فالمخابرات وجا غير باش يعاون نور تلقا ماماها حيت الام ديالها كانت كدربو وكايعتابرها ام تانية ليه ماشي غير عمتو...
ركبت معاه فطموبيلتو ومشينا لواحد الريسطو جلسنا طلبنا الفطور كلينا حتى سالينا
الياس: (شاد يدي) متاكدة عمتي حية
انا: (نزلت دمعة من عيني) فاش كنت خدامة مع حسن سمعتو هدر على ماما كيقول واش مزال مابغيتي تقتلها مي كنت مزال شاكة حتى شديتو واعتارفلي بلي هي مزال حية
الياس: فنظرك شكون خاطفها
انا: كنظن خوه البوص
الياس: ممم عندك شي خطة
انا: مزال مي بغيتك تجيبلي معلومات عليه وعلى ولادو شحال عندو اش كيديرو كلشي
الياس: يومين يكون عندك كولشي
انا: الله يخليك ليا
الياس: راه حتى انا ماما هاديك
انا: (بصوت مخنوق) عارفة.. ناض الياس عنقني زيرت عليه وبديت كنبكي
الياس: كنواعدك غادي نلقاوها
انا: ان شاء الله ياله زيد ديني للمركز
الياس: هههه زيدي زيدي نتي مكتقدايش.. اجي بعدا فين جالسة حيت قالي بابا خرجتي من الفيلا
انا: جالسة فاوطيل و وصيت عصام يشوفلي شي دار
الياس: بلاش اتجلسي معايا
انا: لا غير خليني
الياس: معندناش البنات يجلسو فدار بوحدهوم ياله زيدي لخدمتك
انا: اوكيي...
*عند الدراري*
زياد: ناااري الدراري راني كنموت ويلي عييت جنابي كيضروني
حمزة: افف غير سكت حتا انا ورجليا gاع مهازيني
عادل: واييه دبا تاكدت بلي هي التنين الاسود وناريي قاصحة بزااف
حمزة: ويي بالصح
عصام: هههههه مزال ماشفتو والو.. عقلتو فاش تلاقيتونا فالريسطو فاش وقع داك المشكل مع داك الدري الصغير
عادل: وي شنو وقع
عصام: هي كانت جات معطلة من عند حسن وباتت معايا فالفيلا الصباح درت فيها واعر ومشيت لعندها فيقتها قتليها نوضي تدربي باركة من النعاس ساعة ندماتني هبطات لتحت حيت انا داير فلكاv الات دالرياضة اصلا هي منين جات لعندكم كانت كتجي لعندي تدرب.. المهم جلسات تقريبا ساعتين وهي فدوك الالات من وحدة لوحدة والمشكلة كتغوت عليا حتى انا ونضت كندرب معاها اوى سالينا خرجنا كنجريو كتر من ساعتين حتى وصلنا لداك الريسطو وحلفت منتحرك حتى ناكل عاد حبسات
حمزة: ههههه نااري والمشكلة مكتبانش فيها تقد دير هادشي
عصام: اودي مزال مكتعرفوها هادي غير البداية غير تسنا تحيد الفاصمة وتشوف اش غايوقع ليكم انا بعدا ولفت ههههه
جاد جالس ساهي ومعصب من داكشي لي شاف بقا هكاك حتى شافهم داخلين وشادليها فيديها زير على يديه باش ميدير حتى خطأ
عصام: اليااس سافا
الياس: (عنقو) اهلا توحشتك
عصام: عليها الصباح جيتي هدرتي معايا ونتا غير شفتي رورو نسيتيني
الياس: ههههه علاش هادي كتخلي العقل لشي واحد
انا: حمق.. الياس هادو ولاد عمي زياد وحمزة وهادا ولد عمتي عادل.. هادا ولد خالي الياس
الدراري: متشرفين
الياس: حتا انا.. اه قبل مانسا عصام بلا متقلب على دار لنور راه غادي تجلس معايا
عصام: ياك المك وانا قلت ليك اجي جلسي عندي مبغيتيش
الياس: اهيا بعد من حبيبتي حنا معندناش البنات لي يعيشو بوحدهوم... جاد صعر بالمزيان
جاد: (كارز على يديه) نور ممكن نهدر معاك
انا: (الله اكبر) احم واخة.. مشا قدامي وانا تابعاه حتى دخلنا للبيرو ديالو دخلت وهو يسد الباب بالساروت وجا جيهتي....
