بقيت كنشووف فيها هزيت كاسي دالما وزلعتو عليها مع كانت قدامي
نسرين: (كتغوت) اش درتي نتيي
انا: (ببرود) شفت عندك الالوان بزاف فوجهك قلت ياكما معندكمش الما فداركوم اوى وغسلتليك وجهك
بابا: نور تهدني عفاك ابنتي
نسرين: (كتغوت) كيفاش نتا بلاصة متغوت عليها كتقوليها تهدني.. بابا ورؤيا شدولي فيدي كلشي كيشوف فيهم اما نسرين تخلعات فاش شافتهم شادينها عرفات الى طلقوها غادي تاكلها وهي تنوض منفخة قاتليهم انا غادا نور دورات وجها بقات كتشوف فيها حتى وصلات للباب شوية كلشي تلف معرفوش فوقاش فكات يديها ووصلات عندها... وصلت عندها شديتها دورتها عندي بالزربة وعطيتها بونية للوجه حتى رعفات شديتها من شعرها ولحتها قدام رجلين بابا
انا: اعتادري
نسرين: هئ هئ متوحشة
انا: عارفة ياله اعتادري قبل مانديرليك شي فضيحة
بابا: عفاك ابنتي براكة خليها عليك
انا: بابا خليني نهدر.. ياله نتي بالزربة
نسرين: سمحلي اعمي
انا: اعتادري من رؤيا
نسرين: سمحيلي.. زدت وخليتها جلست فالطبلة ورجعت كناكل بحال موقع والو اما الاخرين نوضوها ومشا جاد داها للكلينيك يقادوليها نيفها
حمزة: هههه ونااري على بنت عمي راكي وااعرة صدمتيني فيك
اريج: هههه واييه بردتيلي خاطري انا بعدا مكنحملهااش منفخة على والو
زياد: ويي فيها التبعكيك بلا قياس هههه
عادل: انا اللقطة لي ضحكاتني فاش نور شدوليها يديها شفت الاخرة تخلعات وناضت بغات تمشي ساعة مزكلتيهاش
رؤيا: ههههه اخويا انا وعمي لي عارفينها كون مشديناهاش كون طارت عليها من فوق الطبلة واخة معرفت كيدارت فلتات منا ووصلات عندها.. وهادشي زعما مريضة وياله خرجات من الكلينيك
صفاء: خااصك اختي تعلميني نضرب عجبتيني ولي واعرة انكي كتكوني مبردة.. هوما كيهضرو وانا جالسة كناكل حتى كملت ماكلتي وجبدت gارو شعلتو وخرجت قدامهم كنكمي خليتهم مصدومين..
حمزة: (بصدمة) واش نور كتكمي
بابا: اه اولدي للاسف عييت معاها مي والو واخة مكتكميش دييما غير فاش كتعصب ولا كتوتر فين كتكمي
رؤيا: ودابا اتكون تعصبات حيت هي فاش كتبدا ضرب مكتوقف حتى كيوقف هداك على الحركة
اريج: ايييه سوليني انااا فاش تعرضلي واحد اش دارتلو بقات كضرب فيه حتى وقف على الحركة خفت غير يمشي يموت فيديها
عمي يوسف: خاصك ادريس تديها لشي طبيب نفسي مغتبقاش حياتها كاملة هكا
بابا: حاولت مي هي مبغاتش ملقيت ماندير معاها.. بقيت جالسة كنفكر حتى هدر معايا حسن وقالي نبدا الخدمة عندو سيمانة جايا وافقت وتكيت فوق الفوتوي لي فالجردة حتى داني نعاس.. رجع جاد وهي تبانلو فالجردة مشا عندها وعوال يغوت عليها مي لقاها ناعسة بحال شي ملاك بقا كيشووف فيها ويبتسم ناض هزها طلعها لبيتها حطها فوق الناموسية نتابه ليديها كان طلعليها التريكو شوية بانتليه زرقا شد يديها وطلع التريكو شوية ولقا الزروقية شد اليد التانية ونفس الشي تصدم بقا غير كيشوف كيحااول يعرف مالها مي والو تلف ناض غطاها وخرج والف سؤال كيدورلو فراسو.... فقت لقيت راسي فبيتي مغطية دخلت للدوش حيدت الحوايج ودهنت البومادة باش تحيدلي ديك الزروقية عاد نزلت لتحت كانت 6 دالعشية مشيت للجردة لقيتهم مجمعين رؤيا دارتلي بلاصة حداها ودورات عليا يديها وانا تكيت فوق كتفها
رؤيا: كيبقيتي رتاحيتي شوية
انا: ويي مي بغيت قهوة كحلة
حمزة: واخة اختي هانا نعيطليهوم يوجدوهاليك.. عيط للخدامة وقالهاليها اما جاد غير جالس كيشوف فيا.. جابتها هزيتها وبعدت عليهم شوية جلست فالفوتوي لاخر وشعلت gارو بديت كنكمي
جاد: (معصب) واش هاديك تسطات هانا نعيط لعمي يتفهام معاها
رؤيا: عمي عارفها كتكمي غير تهدن وخليها عليك
جاد: ومخلييها تكمي
رؤيا: لا مي ماعندو مايدير هي مكتسمع لتا واحد
حمزة: غير خليها اصاحبي دبا تقطعو اصلا gالي عمي مكتكمي حتى كتكون معصبة
رؤيا: وي داكشي..
#يتبع
