كملنا العشا وجلسنا كناكلو سالينا جمعت داكشي بالخف ومشينا نعسنا... داز شهر مع حبيبي جاد رجعت كنعشقو ماشي غير كنبغيه.. ومع فهد وباباه لي ولاو كيتيقو فيا...
فهد: الو حبيبتي نتلقاو من هنا نص ساعة
انا: (جاد حاشي وجهو فعنقي) علاش
فهد: حتى نتلقاو وتعرفي ياله بااي.. قطع عليا
انا: اففف
جاد: (هز راسو) مالك
انا: فهد عيطلي وخاصني نمشي نشوفو
جاد: (تعصب مي حاول ميبينليها والو) صافي سيري عندو انا غادي للمركز
انا: (عنقتو) حياتي متقلقش عفاك حتى انا كنتمنا هادشي يدوز بالزربة باش نتهنا... بغيت نعنق ماما مرة اخرى هادشي لي مصبرني
جاد: (زير عليها) عاارف احياتي وحتى انا ممقلقش ياله نوضي لبسي حوايجك
انا: اوكي حبيبي... نضت لبست حوايجي خرجت وانا نلقاه كيتسناني ركبت معاه وهو يديماري.. فين غاديين
فهد: واحد البلاصة غادي تعجبك
انا: اوكي... بقينا غاديين حتى خرجنا من المدينة شوية كيدخل مع واحد الباب كبيرة دورت وجهي لقيت راسي فمزرعة كبيرة وزويينة
انا: واااو😍😍
فهد: عجباتك احبيبة
انا: بزاااف... هبطنا من الطموبيل وبقينا غاديين فديك الجردة كنتسراو
فهد: اجي نوريك واحد الحاجة... مشيت معاه وانا نلقا بلاصة مخصصة باش تعلم ضرب السلاح... بغيتي نعلمك
انا: (راه انا لي غادي نعلمك) ويي... لبست الكاسك وهزيت الفردي وهو كيوريني الطريقة بديت كنضرب حتى شبعت
فهد: ما من شيء اثارة اكثر من امراة جميلة تمسك مسدس
انا: ههه وليتي شاعر
فهد: (باس يدي) انا معاك كنولي كلشي.. اجي ندخلو ترتاحي ومن بعد نكملو الدوران فالمزرعة
انا: اوكي... شد فيدي ومشينا دخلنا للداخل حسيت بقلبي كيضرب بجهد زيرت على يديه بدون منحس
فهد: (عجبو الحال) كنبغييك
انا: (بابتسامة) حتى انا كنبغيك... جلسنا فالصالون شوية وهي تنزل واحد السيدة مزال صغيرة غادي تكون فالتلاتينات باينة عليها مسمومة
السيدة: (بابتسامة صفرة) اهلا زارتنا البركة
فهد: سلام زينب سافا
زينب: حمد الله شكون هاد الزوينة لي معاك
فهد: حبيبتي سارا
زينب: متشرفين
فهد: سارا هادي حبيبة بابا
انا: (بابتسامة) متشرفة بمعرفتك مدام
زينب: اهادييك اجي لهنا... جات واحد المراة مغطية وجها وحادرة راسها... سيري جيبي العصير ياله تحركي.... مشات ديك المراة ومن بعد شوية رجعات بدات كتحطلينا العصير وهو يتزلع واحد الكاس عليا
المراة: (بخوف) سمحيلي ابنتي
انا: مكاين حتى مشكل
زينب: اش هادشي درتي الكلبة
انا: نو عادي موقع والو عفاك غير فين الحمام
زينب: سيري ديها... مشات المراة وتبعتها دخلنا للحمام
المراة: هاهوما ابنتي الفوطات.. مداتلي الفوطة قست يديها وانا نحس برعشة فقلبي محسيت حتى مديت يدي وحيدتليها الزيف لي دايرة على وجهها من الصدمة مقديتش نهضر.. ياله حيدت غير نضاضر وبانت عليها حتى هي الصدمة
انا: (بصوت مرتعش) ماما...
#توقعاتكم
