بغا يجاوبني وانا نتلاح على فمو... بعدت عليه
انا: توحشتك
جاد: حتى انا توحشتك... جريتو من يدو وطلعنا للبيت وحنا نسدو الباب...... ظلام الحال وناض جاد دوموندا على بيتزا
انا: (عاد خرجات من الدوش) فيا الموت دالجوع
جاد: هانا طلبت العشا شوية ويوصل ناكلو ونمشيو نجيبو جود
انا: لا مبغيتوش
جاد: كيفاش مبغيتيهش
انا: صافي خليه تما اش غيدير هنا
جاد: يهديك الله راه ولدك هداك
انا: (خنزرت) لا مبغيتش ومتعاودش تجبدلي سميتو
جاد: واش حماقيتي
انا: خرج عليا حتى نتا بغيت نعس بعدو مني
جاد: (تصدم) نور مالك رجعتي هكا
انا: كيفاش هكا.. مالي كيجيتك ااه ولا دبا رجعات سناء حسن مني... مليتي مني يااك
جاد: لا حول ولا قوة الا بالله العلي العظيم.. واش طارليك الفريخ
انا: (بالغوات) خرررررج.. مشيت كندفع فيه وهو مصدوم... مكنحملكش خرج عليا مبغيتش نشوف وجهك لا نتا لا ولدك كنكرهكم بعدو مني هئ هئ 😢😢😢😢...... خرج جاد وهو مصدوم هز سوارتو ومشا للقصر... اما نور بقات هكاك كتبكي حتى سمعات الدقان مشات حلات لقات البيتزا وصلات خلصاتو ودخلات بدات كتاكل وكتبكي
انا: هئ فين جاد ولد الحرام مشا وخلاني بوحدي مبقاش كيبغيني هئ هئ الله يا ربي اش هادشي كيوقعلي... شوية وقفات من الماكلة وطلعات كتجري لبيتها هزات تيليفونها ودارت اتصال
انا: بغيت دبا تنفذ العملية
....: اوكي هانا غادي نعلمهم
انا: شكرا بزااف.. انا شوية وغنجي
....: كنتسناك
*في القصر*
دخل جاد كاعي تلقاتلو ماماه ومامات نور
ام نور: ولدي واش نور مزال مرجعات
جاد: (تنهد) رجعات اخالتي
ام نور: وفينها
جاد: راها فالدار
ام جاد: جيتي تدي جود
جاد: لا.. الصراحة مفهمتش شنو وقع لنور مبقاتش حاملاني ودبا قتليها نمشي نجيب جود قاتلي لا وانا مبغيتوش.. شوية بدات كتغوت وكاتقولي كنكرهكم..... الامهات بداو كيشوفو فبعضياتهم وكيضحكو
توقعاااااتكم اينا عملية كتهضر عليها نور
البنات بغيت ناخد رأيكم فواحد الموضوع المهم أنا بغيت غير نسولكم واش عندكوم مشكل إلى دخلت السفالة فشي قصة(طبعا مشي هدي و لا لوخرة كنقصد القصص الجيين إن شاء الله) أنا بالنسبة ليا معندي حتا مشكل حيت كنعتابرها أمر عادي وهديك هي سنة الحياة(طبعا فزواج😂)و مشي شي حاجة لي نحشمو منها و لا نعيبو عليها حيت تا وحدة فهاد الدنيا مغتفلت منها(من غير لي بغات تزوج بحور العين)
المهم أنا عطيتكم إقتراح و بغيتكوم تجاوبوني عليه
