دخلت وانا نتصدم بداك المنظر لقيت امرة صفراا باين عليها المرض وكتكحب.. الدار فواحد الحالة غير لا حول ولا قوة الا بالله.. قربت لعندها وشديت يديها
انا: خالتي شنو عندك باش مريضة
المراة: كح كح مرييضة ابنتي..
عيطت للاومبيلونس
انا: خالتي هاهيا جايا الاومبيلونس
المراة: بنتي معنديش باش نمشي غير خليني
انا: (بخوف) لا متخافيش انا غادي نتكلف.. بقيت جالسة حتى جات الاومبيلونس هزاتها وشديت الولاد ديتهوم معايا وتبعناها شفت الدراري تابعينا وصلنا للكلينيك دخلوها ومشيت جلست حاسة بالسخفة حيت يدي كتنزف حتى وقفو عليا الدراري
عصام: نور نوضي نشوفو يديك راه وجهك صفر
انا: تسنا يخرج الطبيب ومن بعد ندير داكشي لي بغيتي
عصام: اففف منك افف.. بقيت جالسة حتى كنشوف البنت الصغيرة جالسة كتبكي
انا: (حليت يدي) اجي عندي.. جات كتجري عنقاتني وبقات كتبكي حتى بكاتني لدرجة رجعت كنبكي بالغوات.. فهاد اللحظات الدراري كاملين مصدومين كانت كتبكي بهستيرية وبقات فيهم قربليها عصام جلس على ركابيه وكيمسحليها دموعها
عصام: ششش عفاكي براكة
انا: (بصوت متقطع) ب..غيت ماما هئ هئ.. عصام حيد البنت وعنقها كيزير عليها
عصام: تهدني عفاك
انا: هئ هئ بغيت ماما اعصام جيبلي ماما توحشتها وتوحشت ريحتها توحشت حضنها توحشت ضحكتها.. انا كنموت كل نهار مقادراش ننساها مقادراش نكمل حياتي عادي هئ هئ.. هزها عصام داها عند الطبيب يشوفليها يديها
انا: عصام خليني خاصني نشوف المراة
عصام: تهدني انا غنمشي لعندها خاص يديك يعالجوها باش متعفنش ومتخافيش انا غندير جهدي باش تشافا
انا: واخة.. دخل الطبيب والفرمليات وصيفط عصام يشوف المراة
*عند الدراري*
عادل: بقات فيا نور
زياد: حتى انا والله.. فاللول بانتلي متكبرة مي دبا حاسس بالدنب حيت خايبة تخطف الام ديالك قدام عينيك.. (ام نور كانت خارجة مع بنتها وفاش كانو غاديين للطموبيل نور نسات شكارتها فالريسطو مشات جابتها مي فاش رجعات لقات 4 دالرجال ملتمين هازين ماماها وهي كتغوت مشات نور كتجري مي ملحقتهاش)
حمزة: وي بالصح الله يكون فعوانها
عصام: (بصوت حزين) خرج الدكتور من عند السيدة ولا مزال
حمزة: لا باقي.. فينها نور
عصام: ديتها ينضفوليها الجرح وصيفطاتني نشوف السيدة.. جاد مشا كيقلب على نور حتى لقاها ولقا الطبيب سالا خدمتو والفرملية كدير ليها الفاصمة بقا واقف حتى سالاو ومشا جلس حداها وشد يديها
جاد: كيف بقيتي
انا: (بصوت عيان) مزيان شنو قاليكم الطبيب على السيدة
جاد: مزال مخرج راه عصام والدراري كيتسناو
انا: واخة
جاد: (هز يديها باسها) الى بغيتي تبكي بكي وخوي قلبك متبقايش شادا فخاطرك... غير قال ديك الهدرة وهي تبدا تبكي قربليها وعنقها هي زيرات عليه وبدات تبكي حتى ارتاحت وهو الوقت كامل ساكت وكيدوز يديه على شعرها.. حبسات من البكا شافت فيه وهي تبوسو تصدم من تصرفها مي دغيا اندامج معاها... شوية عاد عاقت براسها وهي تبعد وحنات راسها
انا: سمحلي ماقصدتش
جاد: (بفرحة وخا ممبينهاش) ماشي مشكل رتاحي دبا انا نشوف الدراري ونرجع
انا: (شديتلو يدو) عفاك ديني معاك
جاد: خليك مرتاحة هانا شوية ونرجع
انا: (عيني كيبريو بالدموع) عفاك.. جاد شافها هكاك مقدرش يخليها وهو يهزها دورات عليه رجليها وحطات راسها على كتفو عجبو الحال مي غير تفكر البارح فالليل وهي مع عصام داخلين للدار تعصب.. وصلو لقاو الدكتور كيهدر مع الدراري
انا: (بلهفة) عفاك قوليا شنو عندها
الطبيب: المهم هي خاصها ضروري عملية وكلما كانت بكري كلما كانت احسن
انا: صافي ديروها اش كتسناو
الطبيب: بنتي العملية كتكلف 10 دالمليون
انا: دبا يكونو عندك الفلوس المهم هي ترجع بخير
الطبيب: اوكي دوزي للحسابات قادي معاهم وغدا الصباح غادي نديرولها العملية
انا: شكرا.. مالكم كتشوفو فيا هكا
عصام: لا احبيبتي مكاين حتى حاجة انا غانمشي نخلص
انا: لا انا لي غادي نتكلف.. شفت فولادها جالسين مشيت لعندهم.. شنو سميتكم
الولد: انا سفيان وهادي ختي ملاك
انا: ممم سفيان فين باباك
الولد: (حنا راسو) مات
انا: الله يرحمو.. واش معندكش خوت اخرين
سفيان: عندي خويا كبير
انا: وفين كاين دبا
سفيان: هو خدام فالمرسا كيبيع الحوت مرة مرة
انا: عندو شي تيليفون باش نهدرو معاه
سفيان: اه
انا: هاك خود هدر معاه ودوزولي.. عطيتو التليفون هدر معاه ودوزولي
#يتبع
