نعرفكوم على عائلتها.... حمزة 26 سنة خدام مع الاب ديالو فالشركة قوي البنية الكتاف عراض والعضلات السداسية.... زياد 26 سنة حتى هو بحال حمزة خدام مع الاب ديالو فالشركة وضحوكي مي وقت الجد متعرفيهش.. عادل 27 سنة شعرو بني والعينين كوحل خدام مع خالو (اب حمزة) فالشركة هو ضريف فيهم... جاد 28 سنة استاذ فالكلية راكم عارفين شخص صارم ومتكبر نوعا ما عينيه فالخضر وشعرو كحل العضلات السداسية وgاع الناس كيحتارموه وكيخافو منو الا ست الحسن رُقية هههه... هادو بربعة خدامين فالاستخبارات وغير الاباء ديالهم لي عارفين صاافي....
اريج 22 سنة عامها الاخير فالكلية هي قد رُقية فالطول شعرها قصير فالقهوي وعينيها قهويين حنونة وضريفة... مروى 23 سنة العينين فالقهوي والشعر كحل عاشقة الملابس والمكياج عاد بدات الخدمة فالشركة ديال باباها.... لمياء 18 سنة عندها هاد العام الباك الفنكيشة ديال الدار وديما ضاحكة... صفاء 24 سنة اخر سنة فالطب شعرها قهوي طويل والعنين فالقهوي قد نور فالطول ولطاي هي هاديك...
دبا عرفتكم على ولاد وبنات عمامها وعمتها...
طلعت لبيتي نيشاان بدلت حوايجي وجلست حسيت براسي مخنوقة فهاد اللون وتفكرت بلي كنت شريت الصباغة هبطت بالزربة لطموبيلتي هزيتها وادوات الصباغة طلعت لبيتي حيدت تيشورت بقيت غير بإكس كحلة حيدت الريدويات كاملين وكنحيد gاع داكشي لي حدا الحيط هزيت الصباغة الكحلة وبديت كنصبغ الحيوطا كاملين صبغتهوم بالكحل الا واحد شديت اللوان وبديت كنرسم.. ارسم ابتسامتها وعيناها الجميلتين وشعرها القصير الحريري ارسم يديها الجميلتين وصدرها الحنون... رسمت ماما حبيبتي ساليتها ورجعت اللور نزلت دمعة من عيني مسحتها بالزربة خاصني نكون قوية شفت الساعة لقيتها 9 دالصباح شوية تحل الباب وهي دخل اريج حلات فمها
اريج: (بالغوات) واااااااو
انا: سكتي دبا يسمعوك مكملت جملتي حتى لقيت كلشي دخل عندي للبيت وحال فمو فالبيت.. انا جريت لبست تيشورت واسع
انا: احم سمحولي حيت صبغت البيت بلا خباركوم
عمي يوسف: لا ابنتي متقوليش هاد الهدرة هادي راه بيتك ونتي حرة فيها
انا: شكرا
بابا: (عنقني) رسمتيها كيفما هي بالضبط
انا: (بعدت عليه) انا غادي نمشي ندوش.. مشات وكلشي كيشوف فيها وكيفاش تعاملات مع باباها
بابا: (بصوت حزين) نتمنى ترجع بنتي كيف كانت.. جا جاد شدو من يدو ونزلو لتحت.. بنتي كانت الضحكة ديما على وجهها ومكاينش شي حد مجلسش معاها ومضحكش كانت البهجة ديال الدار مي غير ماتت ماماها اختفى كلشي والدار رجعات مضلمة.. بغيتكوم متقلقوش منها الى عاملتكم ببرود هي راه هكا دايرة مي الى لقات شي واحد فمشكل كتحول بالزربة وتنسى راسها تقدر تعرض راسها للخطر باش تنقدو.. هي مكتحملش اللحظات المليئة بالمشاعر ومكتحملش شي حد يبكي قدامها ولا يعنقها... كلشي تأتر ودراري بقا فيهم الحال حيت ضلموها اما جاد بقا كيسمع وتفكر فاش نقدات ختو مي غير بدات تبكي مشات وخلاتها ولكن غير تفكر البارح فاش كانت كضحك مع هداك تعصب وحس بلي كتكدب عليهم....
دخلت دوشت وحيدت ديك الصباغة من يدي ساليت خرجت لبست حوايجي شوية جاني ميساج كان من حسن (حسن 46 سنة رجل اعمال وفنفس الوقت خدام مع المافيا) gالي نتلقاو نفطرو بجوج صيفطلو الموافقة ديالي وعاودت بدلت لبست سروال كحل واصل حد الكرش ومقطع من الركابي لبست واحد البودي قصير ومبينلي شوية من كرشي وبوط عالي جمعت شعري كوب شوفال (اول مرة) درت الايلاينر والفوندوتان هزيت نضاضري وصاكي ونزلت كولشي بقا كيشوف فيا
بابا: (مصدوم) بنتي اجي تفطري
انا: نو غادي نفطر برا ياله نخليكوم دبا.. درت نضاضري وخرجت ركبت طموبيلتي ومشيت للريسطو لقيتو جالس كيتسناني شافني وهو يوقف
حسن: (باسلي يدي) شكرا حيت قبلتي عراضتي
انا: (بابتسامة) ليا الشرف.. جلسنا وطلبنا الفطور انا خديت قهوة حيت منعستش
حسن: نقدر نتعرف كثر على الاميرة الصغيرة
انا: شنو بغيتي تعرف عليا
حسن: انا عارف حاجة وحدة سميتك سارا معارفش شنو كديري فحياتك وشحال فعمرك
انا: انا عندي 22 سنة يتيمة الاب والام وكنقرا فكلية**** عندي العام الاخير
حسن: اه الله يرحمهوم واش هداك لي هدر معاك البارح حبيبك
انا: نو ولد عمي مع جالسة عندهم واخة مكرهتش نمشي من عندهوم حيت كيتحكمو فحياتي بزاف وخداولي الورث من غير طموبيل كان خداهالي بابا قبل مايموت وكتبها بسميتي اما حتى هيا كانو غياخدوها كنتسنى غير نكمل قرايتي ونخدم نخرج من عندهم
حسن: ااه تبغي تخدمي معايا
انا: (بفرحة مصطنعة) حلف فين غنخدم
حسن: تكوني مساعدة ديالي
انا: اه صافي واخة
حسن: اوكي نخليو حتا للسيمانة جايا عاد تبداي
انا: اوكي...
#يتبع
