جيت نوض وهي تشدني يد
جاد: وانا كنموووت فيك
انا:(الدموع فعينيا) بالصح
جاد؛ علاش نتي عندك شك.. زاد حشاني فيه... نتي عارفة بلي كنبغيك ومستحملتش شي حد يقوليك ديك الهضرة
انا: عارفة احبيبي صافي سمحلي اخر مرة😔
جاد: صافي احياتي متقلقيش.. ياله نعسي ورتاحي.... تعانقنا ونعسنا... صبح الصباح لبست حوايجي انا وجاد.. خليت جود مع المربية ومشيت لخدمتي... لقيت عمر كيتسناني تسالمنا ومشينا للمكتب ديالي فالطريق بانلي احمد لي غير شافني حدر عينيه.. كملت طريقي للبيرو
انا: اوى كيدااير سافا
عمر: حمد الله اختي ونتي
انا: سافا حمد الله.. نتا غادي تكون المدير العام
عمر: (مصدوم) كيفاااش
انا: ماالك
عمر: مدير gااع راه بزاف
انا: ما بزاف واالو نتا تستاحق وانا كنتيق فيك باش حتى الى مكنتش انا نكون مهنية على الشركة
عمر: نتمنا نكون قد هاد المسؤولية
انا: غادي تكون قدها ياله نمشيو للبيرو ديالك
عمر: اوكي... وريتو البيرو ديالو عجبو ورجعت انا لخدمتي.... هكا دازت شهرين واحمد عمرو ماتجرأ يهز فيا العين ومكيهضر معايا فحتى حاجة من غير الخدمة عجبني الحال وحتى جاد مرة مرة كيجي يطل على غفلة حتى ارتاح من جهتو... اليوم عرس حمزة ورؤيا، عصام واريج تافقو ودارو عرس مجموعين فرحتليهم من قلبي.... داز العرس واااعر والعرايسات لاحو الورد.. الياس شد واحد
الياس: (شاد البوكي وجالس على رجليه) صفاء تقبلي تزوجي بيا
صفاء: (كتبكي) هئ هئ اه قابلة
انا: وينوو صدق ولد خالي رومانسي
الياس: (باس يديها وشاف فيا) مفسدة اللحظات الجميلة
انا: لا مفسد اللحظات هو لي جاي دبا... دار لقا عادل جاي ومخنزر
عادل: اش هادشي كنشوف
الياس: انا باغي نتزوج ختك على سنة الله ورسوله
عادل: وهكا الناس كيطلبو البنات للزواج
انا: مالك راه هادشي لي دار رومانسي 😤
جاد: سكتي نتي ودخلي سوق راسك
صفاء: خويا عفاك متخسرش فرحتي
عادل: (جرها عندو وعنقها) حمقة واش انا نبغي نقلق ختي مبروك عليك مي الى قلقتيها غادي نتفاهم معاك
الياس: (فرح) متخافش غادي نحطها فعينيا
لمياء: وشكون قاليكم انا قابلة تزوج نتا بختي
انا: شوفليك سليعفانة حتى هيا
جاد: وناري براكة من الكمونتير قتلتي الناس خليهم عليك شغلهم هداك
انا: راه خويا هدا نخليهم محاميين فيه
لمياء: نور راني كنسمعك
انا: مزياان ومالك الالة ياخذ رأيك سيري ديها فقرايتك البرهوشة
لمياء: انا راه عندي 19 عام قالك برهوشة
انا: راه غنطير على ختي.. خليهم يتزوجو مالك اش مشاليك
لمياء: ولا انا غنبقا بوحدي فالدار
انا: هاهيا مروى معاك
عمر: احم الى قبلتو عليا انا بغيت نخطب مروى.. ومدليها البوكي لاخر
مروى: 😢😢😢 واش بالصح كتهضر
عمر: اه انا كنبغييك
مروى: حتى انا كنبغيك
زياد: تبارك الله عليكم
يتبع
