انا: عصااام طلقني
عصام: تهدني ميستاهلش.. تنترت منو وهزيت الفردي جبتهالو فالراس وانا نهز جاكيت ديالي وخرجت كتفي كينزف وصدري كيطلع وينزل معصبة لدرجة لي جا قدامي نقتلو خرجت نيشان لبرا كنتفس.. هزيت طموبيل دعصام ومشيت للفيلا ديالو عيني كيتسدو حتى مبقيتش قادة نكمل وانا نحبس الطموبيل حطيت راسي على البولة وانا نغيب.....
عند جاد لي شافها هكاك تصدم وبدا كيفكر واش فعلا كيبغي هاد البنت حتى شافها هزات الفردي قتلاتو وخرجات زاد تصدم فيها وخرج تبعها شاف يديها كتنزف خاف عليها شافها ركبات وهو يتبعها بقا غادي حتى وقفات... كيتسنا تحرك و والو وهو يهبط لعندها لقاها مغيبة
جاد: نور نور فيقي.. لقا كتفها كينزف وهو يهزها سد طموبيل وديمارا مشا نيشان للكلينيك عاودو غرزوليها حيت كانت تحلات ووصاه طبيب باش متحركهاش حيت تضررو شي اعصاب عندها فاليد مشا هزها حيت عارفها غير تفيق غادي تنوض تمشي وداها لدارو دخلها لبيت نعاس حطها وبقا كيشوف فيها
جاد: (تنهد) معرفتش شنو وقعليك حيت ماشي عادي داكشي لي درتي نتمنى تعاوديلي وخا لحد الان مزال متيقت بلي بالصح نتي هو التنين الاسود.. التنين الاسود لي كنت معجب بيه وبداكشي لي كنسمع عليه وكيفاش المافيات كاملين كيخافو منو هو هاد الانثى الرقيقة وخا فاش شفتك كتحققي كنتي قاسحة مي عينيك كان فيهم حزن معرفتش مناش..... فالليل طلعاتليها السخانة بات حداها جاد كيدير ليها الكمادات ياكما تنزل حتى نعس....
صبح الصباح حليت عيني راسي كيضرني بزاف ومعاقلة على حتى حاجة كنشوف بيت فشكل درت وانا نلقا جاد ناعس معدب
انا: (بصوت شبه مسموع) جاد جاد
جاد: (فاق وهو يوقف كيشوف فيا) كيبقيتي
انا: شنو وقع
جاد: كنتي غادا حتى غيبتي حيت فقدتي الدم وديتك للكلينيك عاودو خيطوليك الجرح وقاليك مخاصكش تحركيها حيت الاعصاب ديديك متضررين
انا: اوكي شكرا وسمحلي عدبتك
جاد: نو مكاين حتى مشكل هانا نمشي نوجدليك الفطور
انا: اوكي.. مشا جاد يوجد الفطور وانا حاولت نوقف تسندت على الحيط دخلت للطواليط قضيت حاجتي وغسلت وجهي وخا ديرونجاني شعري مسحت وخرجت وانا نضرب فجاد جا هزني وحطني فوق الناموسية جاب البلاطو وبدا كيوكلني الوقت كامل وهو ساكت ساليت وهو ينوض وانا نشدو من يدو
انا: (بصوت مريض) مالك
جاد: (افف راسي تخربق واش انا كنبغيك ولا لا) والو رتاحي دبا
انا: بغيت نبدل عندك شي حاجة
جاد: هانا نشوفليك الى لقيت شي حاجة ديال اريج
انا: اوكي.. خرج وانا بقيت كنفكر علاش تغير تصرفو معايا..(فخاطري) حتى نتي حمقة واش كاين شي حد كيبغيك كلشي كيخاف منك.. افف انور افف علاش كتفكري فيه فكري فماماك خاصك فاقرب وقت تلقايها.. دخل جاد شافها لقاها ساهية ودمعتها على خدها محس براسو حتى لقا يدو على خدها كيمسحليها ديك الدمعة
انا: (قفزت) احم شنو
جاد: (بقا حاط يديه على خدها) مالك
انا: (حدرت راسي) والو
جاد: (تنهد) اوكي هاكي هادو حوايجي مالقيتش شي حاجة اخرى
انا: واخة.. خرج وبقيت كندابز بيد وحدة حتى حصلاتلي الاكس فراسي شوية كنحس بيدين كيحيدولي الاكس شفت لقيت جاد رجعت حمرااا حيت كنت غير بسوتيامات.. لبسني تيشورت ديالو كان فزرق وجا يحيدلي السروال وانا نشد يديه
جاد: (ناري غادي تسطيني بهاد الحشمة شوف حنيكاتها شحال حومر غير ديال البوسان) متحشميش مني عتابريني باباك
انا: ههههههه حمق
جاد: (سها فيها جدباتو اول مرة يشوفها كضحك حتى تسدو عينيها) ياله وقفي وشدي فيا انا نحيدوليك.. وقفت حطيت يدي على كتفو وهو حدر حيدو وانا نزل تيشورت وصلي حتى للفخض وهو يلبسني شورت وحزمولي باش ميطيحش سلا ووقف جلسني وجلس هو على ركابيه وبقا كيشوف فيا
انا: احم شنو
جاد: بالصح هاد الانثى الرقيقة الحشومية لي قدامي هي التنين الاسود الشخص لي كنت معجب بيه لذكاؤو وقوتو وكيفاش المافيات غير كيسمعوه كيترعدو
انا: (تنهدت) من المفروض نكون هكا
جاد: (ركز معاها) علاش...
