دفعني حتى طحت ودخل سد الباب وحدر لعندي
جاد: حصلتي دبا
انا: (كنحاول نتهدن) لحد الان راني مهدنة غادي تنوض دبا ت*ود من هنا ولا مغاديش يعجبك الحال
جاد: (معصب) علاش مبغتينيش علاش عصام ماشي انا باش حسن مني.. تعصبت وانا نضربو للوجه ببونية حتى طاح من فوقي وانا نوقف جا ينوض وانا نضربو برجلي للوجه صافي فقدت السيطرة على راسي بديت كنضرب فيه وحتى هو مكانش ساهل كان كيضرب حتى سمعنا صوت الهدرة وحنا نحبسو ناض حنا راسو وخرج وانا دخلت للدوش تحشيت فيه وهزيت gارو كنكمي.. تعصبت حيت عاملني بديك الطريقة.....
عند جاد لي دخل لبيتو ضرب يديه مع الحيط وكان ندمان على تصرف لي دار معاها مي هو تبعها فاش خرجات هي وعصام وشافهم فاش حبسو الطموبيل وبانولو بحال كيديرو شي حاجة معرفش بلي كانت كتبكي وعصام معنقها كيسكت فيها وبقا تابعهوم حتى مشاو للبحر شاف كيفاش كانت متكية على كتفو تعصب وفاش رجعو كان داير يديه على خصرها هادشي كامل وزيد عليه فاش شافها كتر من مرة كدخل معاه لواحد الفيلا تفكرو قبيلة ومتحكمش فراسو اصلا تارتو فاش شافها فالكوزينة بشورت وشعرها مطلوق وفازك مشا للمراية لقا واحد العين زرقة.. دخل دوش وخرج لبس حوايجو ومشا خرج بلا مايشوفو حتى حد
بعدما تهدنت خرجت لبست حوايجي وتكيت بقيت هكاك حتى دخل عندي عصام
عصام: (شاف لطراس داليدين فوجهها تخلع) نور مالك شنو وقعليك
انا: (ببرود) والو
عصام: (كيغوت) كيفاش والو معامن دابزتي
انا: حتى واحد وبلا متبقا تسولني وانا غيرت الخطة نهار التالت فرمضان غادي نمثلو عليهم بغيت نخرج من هنا فاسرع وقت ممكن
عصام: (تنهد) اوكي لي بغيتي.. تكا حدايا.. غادي نكون ديما بجنبك ديريها فبالك
انا: عارفة لي كاين.. تحشيت فيه وحاولت نعس وخا راسي عامر بقيت كنفكر حتى نعست... بقا عصام معنقها وكيدوز يدو على شعرها حتى نعس... دازت شي ساعتين رجع جاد من بعد ماتهدن طلع لبيتو نيشان وعوال يدوز عند نور يعتادر منها وصل وهو يحل بيتها دخل وهو يتصدم بالمنظر لي شاف لقاها محشية فعصام وهو معنقها وناعسين... تعصب وهو يمشي لبيتو هز البارفان ديالو وضرب المراية وبقا كيهرس اي حاجة جات قدامو حتى سمعوه لي لتحت وطلعو كيجريو حتى من عصام فاق وهو ينوض كيجري الا نور مع العيا ماسمعات والو
حورية: الله اولدي شنو وقعليك
حمزة: مالك اخويا
جاد: (صدرو كيطلع ويهبط) خرجو عليا مبغيت تواحد هنا
عصام: (كيهضر مع عادل) شنو وقعلو مالو معصب.. شافو جاد وهو يزيد يتعصب هز كرسي وزدحو
جاد: (بالغوات) برااااا... كلشي خرج ولالة نور عاد سمعاتو ناضت مشات منين جاي الغوات لقاتو من بيت جاد بلا متفكر حلات الباب تصدمات لقات البيت كامل مرون
انا: جاد مالك شنو واقع
جاد: (دار شافها ولقا شعرها مخربق بالنعاس مي بطريقة زوينة وحوايجها مخربقين سها فيها مي للحظة تفكر داكشي وهو يدور) خرجي برااا
انا: (قربات لعندو وعنقاتو من اللور وحطات يديها على صدرو لي كان كيطلع ويهبط) ششش تهدن عفاك.. وزيرات عليه بقات هكاك حتى حسات بيه بدا كيتهدن وهي طلق منو وجات قدامو بقات كتشوف فيه وهي تنتابه ليديه مجروحة جراتو جلساتو فوق الناموسية ومشات بجرا جابت داكشي لي تحتاج جلسات على ركابيها وشدات يدو دواتها ودارتلو الفاصمة وهاد الوقت كامل جاد غير كيشوف وساكت..
انا: (ساليت وانا نوض جلست حداه وحطيت يدي على يدو) الحمد لله نتا بجنبك باباك وماماك وعندك خوتك لي يوقفو معاك وولاد عمك حتى هما راكم تربيتو مجموعين يعني راه بحال خوتك.. تنهدت... عندك خدمتك وكلشي كيحتارمك كنظن معندك علاش دير هاد الحالة كاملة وحتى حاجة متستاهل دير عليها هادشي.... غادي تقول حتى نتي كديري هادشي اه انا كندير هكا وكتر من هكا مي حالتي ماشي هي حالتك انا ماما.. سكت شوية.. ماما تخطفات قدام عيني ومقديتش نعاونها ومن بعد مدة صيفطولينا الجثة ديالها كلها مشوهة عشت 6سنين بدون حنان الام.. بابا ورؤيا وعصام كانو بجنبي حاولو يعوضوني على الحنان لي مفتاقدة وحتا انا بلا مايحسو فوقما لقيت فرصة كنستغلها بحال قبيلة جا طل عليا عصام كنت متكية وجا جلس حدايا وانا نتحشا فيه ههههه على الله نشبع شوية مي حتى حضن مكيشبه لحضن ماما...
#يتبع
