وصلت للصال تدربنا وعجبهوم الحال تعرفت عليهم كاملين وبالاخص نهال ساليت ومشيت للدار... هكا داز شهر مابين الخدمة فالمركز ولصال ومع حبيبي جاد هاد النهار مشيت للصال وانا خارجة لقيت 2دراري محاميين فنهال وهي كتغوت مشيت كنجري بديت كنضربهوم واحد غفلني ضربني بالموس ليدي جرحني وهما يهربو
نهال: (بخوف) ناري اختي سمحيلي
انا: (شادا يدي) ماشي مشكل
نهال: هانا انعيط لخويا يجي يدينا للصبيطار
انا: (واخيرا) نو غنمشي بوحدي
نهال: لا والله مانخليك.. عيطات نهال لخوها وبقات جالسة حدايا وانا شادة يدي لي كتنزف شوية جا هبط كيجري
فهد: ختي مالك شنو وقعليك
نهال: (عنقاتو) واحد جوج تهجمو عليا كون ماشي لبنت كون داوني معاهم ولا منعرف اش يوقعلي
فهد: فينها هاد البنت
نهال: راها عفاك زيد نمشيو للصبيطار راه تضربات فيديها.. دار شافها كان شعرها طايح على وجهها قرب لعندها هزات راسها وهو يتشوكا
فهد: (اش هاد الجمال ياربي) احم سلام انا فهد خو نهال
انا: (بابتسامة) متشرفين انا سارا مدربة نهال
فهد: زيدي نمشيو للكلينيك
انا: اوكي.. عاونها تنوض وبقا شاد فيها ركبها فالطموبيل وريحتها بنجاتو بقا غادي بسرعة وكيشوف فيها من المراية وصلو دخلوها بالزربة نضفوليها الجرح لي مكانش عميق داروليها الفاصمة سلاو وخرجوها
انا: شكرا ليكوم ممكن توقفولي شي طاكسي خليت طموبيلتي فلصال
فهد: وحنا شنو كنديرو الى موصلناكش لدارك
انا: نو بلا متعدبو
فهد: عدابك راحة ياله زيدي ركبي
انا: اوكي.. ركبت معاهم وريتهوم الطريق بقينا غاديين وكنحس بيه كيشوف فيا فالمراية مي درت راسي معايقاش وصلنا نزلت وشكرتهوم
انا: شكرا ليكم
نهال: نتي لي شكرا بزااف
انا: مكاين حتى مشكل تصبحو على خير
فهد: تصبحي على خير.. طلعت للدار حليت الباب دخلت وانا نلقا جاد والياس وعصام جالسين شافني جاد ناض لعندي
جاد: (بخوف) مالك فيديك شنو وقعليك
انا: والو متخافش اجي نجلسو.. ياله جلست وهو يصوني الباب نضت بالجرا شفت شكون كيصوني عاد حليت
انا: زيدو دخلو
الشخص: ياكما قصحناك فيديك
انا: نو عادي ماشي شي حاجة المهم درتو خدمتكم هاكو هاد الفلوس ومكتعرفوني مكنعرفكم
الشخص: شكرا وكوني هانية.. خرجو دوك الدراري اكيد عرفتو شكون.. اه انا تافقت معاهم وهاديك كانت غير تمتيلية كان خاصني نزيد نتقرب من نهال مي ربي وقف معايا وجابلي خوها تال عندي بلا منتعدب ونزيد نخطط
جاد: (باستغراب) شكون هادو
انا: لي ضربوني فيدي
جاد: كيفااااش وعلاش عطيتيهوم الفلوس
انا: هادشي غير تمثيلية داخل فخدمتي
الياس: امضرا شنو وقع
انا: متعدبتش بزاف صدق خوها لي جا لعندي داني للكلينيك
عصام: اوااه هادشي ايسهل علينا الطريق بزاف
انا: ويي
جاد: ممكن شي حد يشرحلي شنو كاين
الياس: احم المهم نخليكوم دبا تصبحو على خير
عصام: حتى انا غادي نمشي تصبحو على خير
انا وجاد: بونوي.. مشاو الدراري ودرت عند جاد شديت فيديه
انا: حبيبي كتيق فيا
جاد: وي
انا: كيفما نتا عارف بلي انا دبا خدامة فقضية وهادشي راه داخل فيها
جاد: اففف مزال مبغا تقوليلي شنو كاديري
انا: (عنقتو) لا الى وقعاتليك شي حاجة غادي نموت
جاد: (تنهد) حضي راسك عفاك
انا: متخافش عليا..
توقااعتكم
شنو هي خطت نور
