جاد: (حبسني) نور يديك مزال مريضة متديهاش فيها كلشي عارفها كتبغي تستفز الواحد
انا: خلينا نشوفوها علاش قادة... حيدت جاكيط بقيت بإكس كحلة والوشم باين الضباط مطرطقين عينيهم اما هي بدات كتشوف فيدي انا عرفتها مزيان فاش كتفكر... ياله نبداو
رانيا: (بمكر) اوكي... ياله وقفت وهي تبدا ضربني لليد لي مضروبة فيها عصباتني حيت بحال الى كتهرني درت بواحد السرعة وضربتها برجلي لظهرها حتى طاحت شديتها من شعرها وقفتها ضربتها براسي لوجها وهي طيح سخفات.. نزلت من تما ولبست جاكيط ديالي ومشيت جلست
انا: ياله كملو ونتوما بجوج هزو هاديك حطوها تما.. صفاء شوفي شنو واقعلها
صفاء: (حابسة الضحكة) واخة... بداو كيلعبو واحد بواحد وصفاء شافت رانيا رشات عليها غير الما وهي تفيق
رانيا: (فخاطرها) بنت الحرام كتعرف ضرب وجالسة مهدنة بحال مدارت والو... اححح اشعري مي غير بلاتي عليها
صفاء: (رجعات حدا نور) ناري اصاحبتي كنتي غتقتليها
انا: هي لي بغات انا مكنتش عوالة نتقاتل مع حد
صفاء: ناااري شكون داك البوكوص لي داخل
انا: اففف فين شفتي هاد البوكوص
صفاء: راه داخل مع الباب.. درت وانا نلقا الياس
الياس: (وصل عندي وهو يبوسني فحنكي) زين علاش مفيقتنيش نجي معاك
انا: خليتك ترتاح نتا ياله البارح وصلتي
الياس: وينو الناس كيخافو عليا سعداتي
انا: (ضربت راسي بيدي) بدينا عوتاني
الياس: هههه صافي صافي
انا: اجي نعرفك هادي بنت عمتي صفاء وهادا الياس ولد خالتي
الياس: (بتاسم عجباتو) متشرفين صفاء
صفاء: (بابتسامة) حتى انا
الياس: حتى نتي خدامة هنا
صفاء: لا انا كنقرا الطب
الياس: مزيان الله يوفقك اش جيتي ديري هنا
صفاء: جيت نشوف الجو هنا كيداير ونور لي جابتني
الياس: ااه مزيان
انا: فين وصلتي فداكشي لي وصيتك عليه
الياس: غدا يكون عندك كولشي
انا: مزيان... سالا التدريب جيت خارجة حتى عيطلي جاد طلبت من الياس يدي معاه صفاء لبيرو ديالي حتى نلحق عليهم ومشيت لعندو
انا: (ببرود) شنو بغيتي
جاد: (تنهد) سمحيلي على البارح
انا: اعتادرك مقبول.. جيت نمشي وشدني عنقني
جاد: سمحيلي بزاف نتي اصلا مواعدتيني بوالو يعني معندي علاش نحاسبك مي حسي بيا كتر من 20 عام وانا كنتمنى نشوفك عن قرب وفاش جيتي كنتي باردة المشاعر تفهمتك حيت ماماك داوها قدام عينيك مي منستحملش نشوف شي حد قريب ليك ويشدليك يديك ولا يعنقك انا كنتحرق من الداخل ديالي...
انا: (الله ياربي اش غاندير حتى انا كنحس تجاهك بشي حاجة مي منقدرش دبا نرتابط بيك نخاف ياذيك شي حد بسبابي ولا نتلها ومنلقاش ماما حتى انا فعداب) احم نساني عفاك منصلاحليكش
جاد: (حلمي..تنهد) اوكي.. مشيت وخليتو دخلت للبيرو ديالي وانا نلقا الياس وصفاء كيتعاودو وعاطيينها للضحك
انا: تبارك الله عندي هنا جردة العشاق.. نوضو نمشيو نفطرو
الياس: (دار يديه على كتفي) حمقة زيدي.. تلاقينا عصام
عصام: (شد قلبو) اححح قلبي كتخونيني
الياس: علاش هي معاك حتا نتا.. (دار لعندي) ناري مصاحبة معانا بجوج مصدقتيش
انا: الحلاقم تزيدو تفطرو ولا نفطر بيكم
عصام: هههه زيد اصاحبي راه متعقلش علينا
انا: صفاء زيدي هادو راه غيبقاو هكا
صفاء: هههه زيدي اختي.. مشينا بربعة جلسنا كنفطرو حتى شفنا اريج داخلة وهي تعيط ليها صفاء
اريج: خونة كتفطرو بلا بيا
صفاء: هههه دوزي تجلسي حنا عاد غنبداو
انا: هادي بنت عمي اريج وهادا ولد خالي الياس
اريج: متشرفين
الياس: حتى انا
اريج: ممم نور تصالحتو نتي وعصام
صفاء: اه بالصح نسيت مسولتش
الياس: منتيقكمش بلي هادو يقدرو يدابزو.. هادو الى دابزو عرفو القيامة قامت
عصام: هههههه بالصح
انا: هههه نو مدابزناش راه كانت خطة درناها باش نخرج من الدار وصافي
عصام: راه نور ختي وكان خاصني نعاونها
اريج: (بفرحة) هههه اه اوكي.. بقيت كنشوف فاريج كيفاش فرحات يمكن كيعجبها عصام
انا: (وقفت) ياله نخليكوم دبا الياس عفاك حتى توصل صفاء ونتا اعصام وصل اريج فين بغات تمشي
صفاء: (بفرحة) اوكي ختي باي
الياس: اوكي حتى الليل ونتلقاو
انا: بااي.. مشيت للمركز خدمت داز النهار عادي الغد ليه كملت معاهم التدريب وهو يجي الياس جابلي داكشي لي وصيتو عليه بديت كنقرا وانا نبتاسم
الياس: لقيتي خطة
انا: هههههه ويي......
