خرجات نور مقندشة شافها جاد وجا شدلها فيديها.. ركبو الطموبيل والصمت سيد الموقف... حتى تجرأ وهو يكسرو
جاد: حياتي
انا: الصمت
جاد: (وقف طموبيل وشدها فيديها) دبا فنظرك نتي البنات غادي نبغيهم كثر منك... اكيد لا نتي حياتي وعمري وحبيبتي وروحي وكلشي منقدرش نعيش نهار بلا بيك وبلا مانشم ريحتك
انا: (بوجه حزين) بالصح
جاد: (باسليها يديها) اكيييد كنحماااق عليك
انا: ياله ديني ناكل لكلاص
جاد: ههههه تشهيتي لكلاص
انا: (منفخة) لا بناتك لي بغاوه
جاد: هههههه واخة احبيبة.... تحرك وداها شراليها داكشي لي بغات............. #تسريع_الاحداث
دازت فترة الحمل وهي كتفقص فجاد طرطقاتلو المرارة اليوم ناعسين مابيهم ماعليهم حتى كتفيق نور شادها الحريق
انا: (شادة كرشها) ااييي.. جااااااااااااد
جاد: الله ينعل جاد وسنين جاد
انا: جاااااد مك راني كنولد نوض تهز
جاد: (قفز) ك.. كيفاش
انا: واااااش غادي تعاود نفس السيناريو.. والله وماتنوض تديني حتى نقتلك فبلاصتك
جاد: ششش صافي تهدني... هزها وهابط كيجري بالبوكسر حطها فالطموبيل.. ومشا ركب حداها
انا: (حطات يدها على راسها) اكبر غلط درت فحياتي هي زواجي بيك... واش تسطيتي ولا شنو غادي تمشي دبا تلبس حوايجك وتهز صاك دالحوايج وتجيب جود وتجي... نعطيك 2دقايق الى مجتيش غنمشي بوحدي... ياله طير
جاد: و.. واخا احياتي صبري...... هبط كيجري لبس بالزربة سروال وتيشورط هز الصاك وهز ولدو بالزربة لي دبا عندو عام ونص.... ركب فالطموبيل وكسيرا وصل للكلينيك هبط عيط للفرمليات جابو الكرسي هزها حطها فيه وهز ولدو وبقا غادي معاها وهي كتغوت وتعاير... تصادفو مع حمزة ورؤيا لي تاهيا قلبات الدنيا بغواتها... شافت نور رؤيا ومدات يديها تشادو والفرمليات كل وحدة جارا وحدة....
نور: حمزة تفو عليك درتي هادشي فختي هئ هئ
رؤيا: هئ هئ جااااد واش مكفاكش وااحد اجي ولد بلاصتها
نور: جااااد كنكرهك غير نخرج غادي نطلقك 😢😢
رؤيا: حتى انا غادي نطلق منك... كنكرهكوممممم...... دراري غير تابعينهم خايفين عليهم دخلات رؤيا وهي شادة فحمزة جاراه... اما نور دخلات بوحدها وبقا جاد برا شاد جود... شوية جات العائلة كاملة... من بعد دقائق خرجات فرملية
فرملية: شكون فيكم جاد
جاد: انااا
فرملية: زيد دخل مرتك بغاتك... عطا جود لماماه ودخل
انا: (شدات يديه وعضاتها) ولد الحرام مخليني بوحدي
جاد: لا احبيبة كنت شاد جود
انا: سككككت متجاوبنيش كنكرهك نتا وولدك وهادو لي فكرشي... مكنحملكومش تفووووو تفوووو و تفووو مرة اخرى الله يعطيكم هاد الوجع لي فيا....
الطبيبة: سكتي ودفعي
انا: مك كتغوتي عليا والله حتى نحبسك تفووو عليك حتى نتي
جاد: سمحيلينا
انا: كطلب منها السماحة بالزربة كتقلب على المراة راني مزال مزوجة بيك... شدات يدو عاودات عضاتها وهو صابر
الطبيبة: (غلباتها الضحكة) هههههه دبا دفعي ولا غتبقاي كتوجعي هكا
انا: ايي... افف افففف بدات كدفع حتى خرجات البنت اللولة.. عاوتاني شدها الوجع
انا: ياك اولد الحرام دافع فيا جوج ماااالك على حالتك الى عاودت نعست معاك راني حمااااارة
جاد: (حابس الضحكة) مابقاليك والو احبيبة صبري صبري
انا: سكككت... اييي بدات كدفع حتى خرجات الثانية.... جاد باسليها راسها
جاد: على سلامتك احبيبتي
انا: الله يسلمك.. شدات ديك اليد لي كانت كتعضها وهي تبوسها... سمحلي
جاد: ههههه مخليتي فيا غير لي نسيتي مي هانية.. اجي ناخدو سيلفي مع اميراتي ب3..... خداو سيلفي عاد خرج ولقا خوه تاهو عاد خرج سخفانين بجوج بحال الى هما لي كانو كيولدو شافو فبعضياتهم وبداو كيضحكو وهوما يتعانقو
حمزة: مبروك عليك البنات
جاد: هههه مبروك عليك الولد
توقعاااااتكم
لبنات بقاااو جوج أجزاء و تسال القصة يلاه تفااعلو
