*في الكلينيك*
فاش جاد دار ديك الحالة وخرج كيجري خرج طبيب اخر من غرفة العمليات
طبيب: شنو واقع هنا
بابا: (شاد فقلبو) جيبولي بنتي.. الى ماتت غادي نريب عليكم هاد الكلينيك
طبيب: تهدن هادشي قضاء وقدر.. شكون بنتك
ع. يوسف: نور راه جابوها مضروبة فراسها
طبيب: راها بخير شكون قاليكم ماتت
بابا: (دموعو نزلو) عفاك بغيت نشوفها
طبيب: تهدن دبا ميمكنش حيت تعرضات لضربة خايبة ودخلات فغيبوبة تقدرو تشوفوها غير من الزاج
حمزة: واخة شكرا وسمحولينا... اجي اعمي معايا...... شدو ومشاو طلو عليها كانت ناعسة ومجايبة للدنيا خبار... بابا بدا كيحمد الله حيت بنتو عايشة... داز شهر بالضبط وباباها ديما معاها وخلاوه يبقا يدخل عندها... اليوم كيف العادة جا دخل عندها جلس وشد كلينيكس كيمسحليها يديها ووجهها حتى لواحد اللحظة وهي تحرك يديها سحابلو غير كيتخايل شوية وهي تعاودها ناض كيجري عيط للطبيب خرج ودخل الطبيب كيفحصها
بابا: امدرا بنتي فاقت
الطبيب: اه الحمد لله على سلامتها من دبا نص ساعة تقدر دخل عندها دبا غادي نحولوها لغرفة عادية
بابا: (بالفرحة عنقو) شكراا.... هز تليفونو عيط لخوتو لي غير عرفو طارو بالفرحة وشدو الطريق لعندها... دخل بابا لعندي وعينيه كيبريو بالدموع
انا: (بابتسامة) بابا حبيبي
بابا: (عنقها) توحشتك ابنتي😢😢
انا: شنو وقعلي ابابا علاش انا هنا... ياله جا يهضر وهي دخل العائلة كاملة كلشي بدا كيعنق ويبوس وهي عينيها غير كيدورو كتشوف فيهم
انا: بابا شكون هادو
بابا: كيفاش ابنتي شكون هادو راه عائلتنا
انا: معرفتهمش... كلشي تصدم وبقاو غير كيشوفو خرج عادل عيط للطبيب وهو يجي
الطبيب: سلام كيدايرة انور
انا: (باستغراب) بابا فين حنا
الطبيب: نتي فالرباط
انا: كيفاش ياك حنا فامريكا
الطبيب: حنا فاينا عام
انا:2017 علاش
الطبيب: ممم لا ابنتي حنا دبا ف2018 ونتي دخلتي غيبوبة لمدة شهر نتيجة دقة جاتك فالراس
انا: ياك غير شهر وكيفاش ولينا ف2018
الطبيب: للاسف نتي فقدتي الذاكرة يعني هاد العام كامل نسيتيه
بابا: (بصدمة) دبا هي نسات عام كامل
الطبيب: اه حنا كنا دايرين هاد الاحتمالية حيت الدقة لي جاتها فالراس خايبة.. مي حالتها ساهلة غير تبع مع طبيب نفسي وبشوية غادي ترجعليها مي الاهم متعاودوليها والو خليوها تذكر بوحدها وعلى خاطرها
بابا: واخة شكرا بزاف
الطبيب: هدا واجب.. خرج الطبيب وتجمعو دوك الناس عليا وبداو كيعرفو بريوسهم حسيت بالفرحة حيت عندي عائلة كبيرة..... دازت سيمانة خرجت من الكلينيك ومشينا للقصر طلعوني لبيتي غير دخلت بداو كيجيوني شي لقطات فراسي وحتى من ديك الرسمة ديال ماما وبالتاكيد انا لي رسمتها... تأكدت بلي هادي بيتي دخلت للدوش دوشت وخرجت تكيت حيت ضرني راسي شوية كنشوف شي حد بحال الى معنقني وكيبوس فيا مي وجهو مواضحش بقيت هكاك حتى استسلمت للنوم... داز شهر اخر مي مزال ماتذكرت والو من غير شي لقطات كدوز قدام عيني.. هاد النهار فقت عيانة وحاسة بالسخفة وقفت نمشي للحمام وانا نطيح سخفت من تما مابقيت عاقلة على والو.... صفاء كانت جاية لعندها دخلات ولقاتها سخفانة حاولات تفيقها ووالو وهي تغوت لمالين الدار طلعو الدراري كيجريو هزها زياد نزلها.. ركبو الطموبيل ومشاو للكلينيك تلقاو بطبيبها دخلها فحصها وخرج
بابا: مال بنتي شنو وقعليها
الطبيب: متخافش راها مزيانة ومبروك عليك راها حاملة عندها دبا شهرين وسيمانة
بابا: (بصدمة) ك..كيفاش حاملة
الطبيب: غالبا اتكون حملات فنهار الحادثة داكشي علاش عاش اما كون كان قبل كان غادي يتعرض للاجهاض المهم خاصها الراحة ومتعييش راسها... مشا الطبيب وخلا باباها وزياد وصفاء مصدومين... بديت كنحل عيني لقيت راسي فالصبيطار شوية دخل بابا وباينة عليه مصدوم
انا: بابا شنو وقعلي
بابا: معامن حملتي
انا: (بصدمة) كيفاااش انا حاملة
بابا: اه هادي اخر تربيتي فيك فلخر طعنتيني وضيعتي شرفك
انا: (دموعي نزلو) لا ابابا انا ماشي هكاك اكيد كاين غلط ميمكنش... بابا حدر راسو وخرج جات عندي صفاء
صفاء: صافي اختي مديريش فراسك هاد الحالة راه خايبة على صحة الجنين
انا: هئ هئ لا ميمكنش نكون حاملة انا منقدرش نخون تقة بابا فيا😢😢
يتبع
هني حطيت ليكوم 2 بارت 😜غير باش ميبقاش تشويق و متقولوليش تعطلت عليكوم
معلومة:
للإشارة هاد القصة و القصص لي غدي نكتب فالمستقبل انشاءلاه حيت هدي كانت غير البداية غدي تكون عندهوم نهاية سعيدة حيت أنا من عشاق القصص لي نهايتها سعيدة 😍
شنو رأيكم😊
