(( الحلقة الأولى))
#انت_قلبي
#بوسي_مصطفيالبداية
في القاهرة في حي شعبي يوقف تاكسي
السواق// حمداً لله... على السلامة ياباشا..
مجدي //متشكر يااسطي
داليا//انزل انت بقى يامجدي شوف حد يطلع معاك الشنط عشان ترجع تاخد البنات
مجدي//شنط ايه!؟ احنا نطلع الأول وبعدين هنزل اخد الشنط... ماما قاعدة فوق ع نار
السواق//محتاج اي مساعدة ياباشا
مجدي//لا متشكر يااسطي
داليا//خليه يساعدك مفيهاش حاجه واهو كله بحسابه
مجدي//لو سامحت يااسطي ممكن تطلع الشنط دي معايا فوق
السواق//طبعاً يابيه
وبسرعة كان السواق طالع بالشنط
قدام بابا الشقة. .. يرن مجدي الجرس
السواق//بقالك كتير ياباشا في الكويت
مجدي//حوالي عشر سنين
السواق//ياااه وقدرت تستحمل كل ده ومتجيش هنا خالص... بس تعرف هناك احسن
مجدي//لا انا كنت بنزل اجازات
داليا//هي مامتك نايمه ولا ايه البنات نايمه وانا ضهري وجعني
مجدي//ثواني هخرج المفتاح
يفتح مجدي باب الشقة
السواق//اي خدمة تانية ياباشا
مجدي يخرج فلوس ويعطيها للسواق
السواق بفرحه//بس دا كتير اوي يابيه
مجدي//لا مش كتير انت تعبت معانا اشتري حاجه حلوة لولادك وانت راجع البيت
السواق//الف شكر ياباشا ولو احتاجت تروح اي مشوار انا في الخدمة اكتب رقم تليفوني عندك... يحفظ مجدي رقم التليفون
وينزل السواق بعدها
مجدي//اقعدي ياحبيبتي هدخل اشوف ماما جوه
يخبط مجدي ع باب غرفة والدته
انتصار بتعب//ادخل ياحبيبي انا نايمه جوه
مجدي يدخل//ماما!... مالك ياحبيبتي في ايه؟
انتصار//تعبانه شوية ياحبيبي قرب يامجدي اخدك في حضني.. حمدا لله.... على السلامة ياحبيبي
مجدي وهو محتضن والدته//وحشتيني اوي ياماما
انتصار//وانت كمان ياحبيبي قولي مالك خاسس كده هي داليا لسه برضو مبتعرفش تطبخ
مجدي ببتسامة//لا داليا بقت أستاذة في المطبخ بس برضو مفيش احلي ولا أطعم من اكلك ياست الكل
انتصار//اه خدني في الكلام!... تعالي هنا قولي فين البنات هاتلي قسمت ورقية عايزة اشوفهم وحشوني اوي كبروا مش كده
مجدي//مش اوي يعني حضرتك شوفتيهم من كام شهر
بس زنانين بطريقة فظيعه ياماما
انتصار//مراتك اللي خايبه مبتعرفش تربى
مجدي/هطلع اجيبهم لحضرتك
يخرج مجدي من الغرفة
داليا//ايه يامجدي مامتك جوه
مجدي//اه جوه هاتي البنات
داليا//ليه؟
مجدي//ماما عايزة تشوفهم تعبانه جوه ومش قادرة تمشي
داليا لنفسها//اه ابتدينا
وببتسامة//اوك ياحبيبي هدخل انا كمان اشوفها واطمن عليها
..............................
: في فيلا مراد
مراد صاحب شركة أدوية بيديرها حالياً ابنه الكبير هشام
مراد لهشام حفيدة//هاتلي كوباية مياة ياهشام
هشام//استنى ياجدو شادي هيكسبني
مراد//طيب هاتلي انت ياشادي ياحبيبي
شادي//حاضر ياجدو خمسه بس واجيبلك اللي انت عايزة
مراد الصغير//انا ياجدو مياة
مراد//لا ياحبيبي مش هتعرف................
في غرفة هشام
امل// هشام سيبني بقى بابا لسه م اخدش الدوا ولا اكل
هشام//هو انا بلحق اشوفك ياامل
امل//طب بص هي ربع ساعة بالظبط وهتلاقيني عندك
هشام//خلاص روحي ياامل
امل//وانت زعلان كده... مش هينفع
هشام ببتسامة//طب روحي ومتتاخريش
امل //ساعة كده ولا حاجه وهتلاقيني عندك
هشام//امل متهزريش عشان هتيجي تلاقيني نمت
امل//لا متقدرش انا عارفة
هشام//طب يلا وجعتي دماغي
امل//كده طااايب ماشي... تصبح ع خير بقى
هشام//براحتك انتي الخسارة
امل//بجد ياهشام لو رجعت لاقيتك نمت هزعل اوي
هشام هشاااام... انت نمت بجد!؟
قربت امل من السرير//هشام متهزرش.. وخبطته جامد ع كتفه
هشام مسكها من ايدها ووقعها
هشام//ههههههههه ضحكت عليكي
امل بتخبطه//انت وحش وكداب
هشام//ههههههههههه انتي اللي مبتتعلميش كل مره اعملها فيكي وبتصدقي برضو... وبعدين ابقى خفي ايدك شويه
امل //اوعي بقى سيبني
هشام بغمز//مش هاين عليه
امل //بابا يزعل مني
هشام//اعمليلي فنجان قهوة وانتي جايه
امل//حاضر
يطبع قبله على خدها
امل ببتسامة//متيجي تتعشا معانا
هشام//لا مليش نفس وقومي بقى الساعة حداشر
امل//وفيها ايه بكره الجمعه
هشام //والغلبان دا يعني ملوش نفس يشبع نوم ولو ليلة واحده في الأسبوع
اَمل//هههههههههه تصدق صعبت عليه
: تحت
مراد لشادي//خلاص ياحبيبي روح كمل لعب
امل نازله جرى ع السلم
امل//بابا اخدت الدوا؟
مراد//امل!.. انا افتكرتك نمتي
امل ببتسامة//معقولة انام قبل متعشي مع حبيبي واكله ب ايدي
مراد//هههههههههه هو هشام نام
امل//اكيد دا مبيضيعش وقت
مراد//ههههههههه احسن برضو عشان نقعد براحتنا
امل//خمس دقايق والاكل يكون جاهز... يلا ياهشام تعالى عشان تساعدني
هشام//مامي سبيني ألعب وخدي شادي معاكي
امل//تصدق انا غلطانه
اخوك اجدع منك وبيسمع الكلام تعالى ياشادي
هشام يغمز لشادي
شادي//مامي لسه مخلصتش الماتش وهشام شكله كده هيكسبني
امل//بقى كده ماشي
مراد//شوفيلك حل مع ولادك عشان مبقوش يسمعوا الكلام
امل عند باب المطبخ//انا هقول لهشام يتصرف معاهم
مراد//نور متصلتش ياامل
امل من داخل المطبخ//اتصلت يابابا وحضرتك كنت نايم
مراد//هي ايه الحكاية... هي مبتتصلش غير وانا نايم
امل// هتصلك بيها حاضر
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...