((الحلقة ٩٥))
#انت_قلبي
#بوسي_مصطفي
________________
في السجن
على / لما اتقالي إن ابنك عايز يشوفك اول حاجه فكرت فيها وليد متوقعتش إنك ممكن تيجي تزورني
اسر / ليه يابابا هو انا مش مفروض ابنك ولا ايه
وحضرتك اللي كنت مانع إننا نزورك بس عرفت بعد كده إن وليد بيجيلك عادي
على / لو مش واثق في ملك كنت قولت إنك مش ابني
اسر / ياااه بعد كل اللي عملته حضرتك شايف اني مستحقش ابقى ابنك
على / عملتلي ايه يله؟
انت مصدق نفسك
ولا فاكر الفلوس اللي دفعتها لموظفين الشركة دي كنت جيبتها من جيب بنت سهير ماهي فلوسي
علي سيرة البرنسيسه بتاعتك بقى قولي طلقتها ولا لسه
اسر / وحضرتك عايزني اطلق مراتي ليه يابابا
على / عشان مش عايز بنت سهير تتدفن في مدافن العيله عندنا
اسر نظر لولده بدهشه / انا بجد مش مصدق ليه كل الكره دا لسهر
دي طول عمرها بتعامل حضرتك كويس
على / غصب عنها هي كانت تحلم تتجوز من عيلة الحسيني
ولا تكونش فاكر إنها اتجوزتك عشان بتحبك
فوق لنفسك بقى وافهم الحكاية كويس
بنت سهير والواد ابن خالتها اللي هو جوز اختك
بيلعبوا عليك انت واختك
الاتنين كانوا بيحبوا بعض قبل متعرف سيادتك وعشان الواد كانت ظروفه الماديه مش تمام قام فكر يسافر فهي تعمل ايه بقى تشوف واحد متريش زي م بيقولوا تتجوزه ماهو مش هتستني البيه كام سنه لما يجيلها وهو معاه تحويشت العمر
هي تتجوزك يقوم البيه قال ايه يعجب باختك ويحبها وهو اصلا متجوزهاش غير عشان يقرب من مراتك َ
اسر بنبره حاده / بابا لو سمحت
سهر خط أحمر
اتكلم في اي حاجه غير مراتي
على / مراتك!
انت مش عارف تاريخها هي وامها روح اسأل في القسم بتاع المنطقة اللي كانوا ساكنين فيها وانت تعرف تاريخها كويس اسأل عن المحضر اللي تكتب ضدهم
وانت تعرف انها وهي وامها شرفوا في الحجز
وانت عارف بقى ايه اللي بيحصل هناك
اسر بغضب / عارف يابابا انا لو مش واثق في امي فعلا كنت قولت إنك مش ابويه
مفيش أب بيعمل كده ياابنه
على / ايه وجعتك اوي دي مش كده
أسر / لا انا اتعودت خلاص
بس سهر اللي حضرتك بتتكلم عنها دي هي اللي وقفت جنبي باعت كل حاجه عندها حتى الشقة... الحاجه الوحيده اللي ابوها سابهالها باعتها
باعتها للي كسر قلبها وقهرها واتجوز عليها باعتها للي مامته ياما ظلمتها بس سامحتها
باعتها للي ابوه دلوقتي بيطعن في شرفها
باعتها وعايشه تربى ولاد مش ولادها
باعتها عشان هي بنت أصول ومتربيه مش لازم تعيش مع اب وام عشان تطلع إنسانه كويسه ومتربيه
ياما ناس عايشين مع أهلهم وميعرفوش حاجه عن التربيه
على / عندك حق بدليل اهوه واقف قدامي ابني اللي معرفتش اربيه
اسر / ابعد عني يابابا
عشان انا معنديش أغلى من بيتي ولو حد فكر يهده
مش هسكت وعليه وعلى أعدائي بقى وقتها
على / طب اسمع مني الكلمتين دول وبعدها مشوفش وشك هنا تاني
منه تجيلي بورقة طلاقها وانت كمان تطلق البت بتاعك دي
فلوسي وثروتي كلها هتبقى تحت امركو
اسر بيقوم عشان يمشي
على / اه نسيت اقولك حاجه كمان إياد وسهر يقدروا يعيشوا حياتهم من غير اي تهديد دا لو نفذت انت واختك اللي انا عايزة
اسر / هتقتل كمان يابابا
على / ماهو ليموتوا سوا ليعيشوا سوا
واهو لو طلقتها هتتجوز ابن خالتها ويحققوا الحلم اللي كانوا عايزين يحققوه من زمان
بس الواد سابها وخلع الظاهر محليتش في عينه غير اما اتجوزت
هم اسر ومشى
على بصوت عالي / ماهو محلوتش غير لما تجوزتك بعد م غرقتها بفلوسي ياابن على
هترجعوا ولادي وتحت طوعي تاني ياابن الحسيني
__________________
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
