((الحلقة التاسعة والخمسون))
#انت_قلبي
#بوسي_مصطفي
__________________
في فيلا أسر
ملك طلعت فوق بسرعه بعد خروج على من الفيلا تخبط على سهر اللي كانت بتحاول تنام بعد اللي حصلها من على
ملك تخبط وتدخل بسرعه لسهر
ملك / سهر اوعي تكوني كلمتي اسر
سهر / لا مكلمتوش ليه يا طنط بتقولي كده
ملك / بلاش تعرفيه باللي قاله على عشان خاطري ياسهر
سهر / ليه
امال مين اللي هيجبلي حقي
ملك / مش هتستفيدي حاجه لما يتخانقوا مع بعض على ناوي على مصيبه عشان خاطري بلاش ابعدي اسر عن سكته خالص
سهر / طنط... حضرتك سمعتيه قالي ايه
ملك / معلش حقك عليه.
سهر / لا حقكو عليه انا
انا اللي غلطت في حق نفسي لما سيبت حقي لحد م كلكو رمتوني بالباطل وافتريتوا عليه
من حقي بقى جوزى يوقف في صفي ولو مرة واحد ويجيبلي حقي
ملك / مش ناويه تجبيها لبر ياسهر
سهر / تصبحي على خير ياطنط
__________________
في شقة كمال ونادين
فيروز / انتي بتتكلمي بجد
ياسمينه / وانا هكدب عليكي ليه.
فيروز / ايه الست دي وازاي تطلب منك حاجه زي دي و ابنها عمل ايه بقى
ياسمينه / معرفش قالت لعمر ولا لأ انا اتفاجأت بيها بتقولي الكلام ده
فيروز / ولما هو بيت امها وغالي عليها زي م بتقول متدفعش ليه يااختي ولا هي عايزة تاخده ببلاش
ياسمينه / انا قولتلها اني مزنوقه في فلوس وعايزة ابيعه في أقرب وقت عشان تديني الفلوس لاقيتها بتقولي ابقى شوفي مين هيدخله
فيروز / لا دي مش ناويه تجيبها لبر وشكلها كده عايزة توقف البيع وتسيب البيت وقف كده
ياسمينه / فيروز كنت عايزة أسألك على حاجه
فيروز / اسألي ياياسمين
ياسمينه / انتي محوشه قد ايه
فيروز / ليه
ياسمينه / بصراحه انا كنت ناويه اخد نصيبي من البيت واديه لماما عشان تكمل عليه وتجهزك
فيروز / لا طبعاً انتي بتقولي ايه
انا عامله حسابي في الموضوع ده
ياسمينه بفرحه / بجد يعني معاكي مبلغ كويس
فيروز / اه
ياسمينه / طيب كويس طمنتيني اصل انا حاسه بماما وعارفه إن معندهاش غير المحل وخايفه تبيعه وكمان كل اللي بيجيلها من إيجار المحل بتدفعه في الجمعيه ولسه بدري على م تقبض
فيروز / هو وليد كان قالي إنه هيجهز الشقة من كله وطلب مني مجبش اي حاجه في الشقة ومحرجه اقول لماما
ياسمينه / لا طبعا اوعي تعملي كده لازم تجيبي جهازك كله
يمكن بيقولك كده كلام بس عشان ميبانش إنه عايز حاجه
فيروز / يمكن
ياسمينه / اقفلي النور دا بقى وخلينا ننام
________
سهر بتتكلم مع عمار في التليفون
سهر/ عشان خاطري بلاش تهور ياعمار انا مش عايزة حد منكو يتأذي بسببي
عمار / هو اللي جابه لنفسه
سهر / ايوه بس بلاش تعملوا اي حاجه اسر جاي الصبح وهو اللي هيتصرف معاه
إياد بصوت عالي عشان يسمع سهر
إياد / جوزك مش هيعمل حاجه ياسهر لازم تبقى عارفه كده كويس... احنا هنتصرف معاه نامي انتي ومتقلقيش من اي حاجه
سهر / عشان خاطري بلاش تهور انا خايفه عليكو
عمار / سهر احنا بنعفي جوزك من الحرج هو مش هيجبلك حقك صدقيني هو كبيره يطبطب عليكي ويقولك حقك عليه وينتهي الموضوع على كده وانتي اصلا مينفعش تطلبي منه اكتر من كده هو لا هيروح يتخانق مع باباه ولا يصح انه يمد ايده عليه سبينا بقى احنا نتصرف نامي انتي ومتشغليش بالك سلام
قفل عمار التليفون
إياد / كانت بتقولك ايه
عمار / خايفه إننا نتهور ونقتله
إياد / مااحنا مش هنسيبه فعلاً الا وروحه طالعه في أيدي
عمار / اعقل يااياد احنا هنروح نرنه علقه محترمه عشان ساق فيها اوي وابنه مش هيقدر يعمله حاجه وهو عارف كده كويس عشان كده مستقوي عليها
إياد / هو قالها ايه
عمار / قالها راجل البيت مش موجود عشان كده بتتصرمحي براحتك
إياد بغضب / ماشي ياعلي حسابك تقل اوي بس المرادي هتوقع ومش هتقوملك قومه
يوقع بالعربيه قدام العماره
عند مدخل العماره وهما طالعين فوق ينزل شاب من عربيته وينادي على إياد
يلتفت عمار وإياد للشاب
الشاب / اتفضلوا معايا
بص إياد لعمار بدهشه
الشاب / هنتكلم شويه في العربيه متخافوش اانا مش هأذيكو
قرب عمار واياد من الشاب
الشاب / وعشان تتطمنوا... شوفوا دا
وخرج الكارت بتاعه
نقيب زياد حسني من جهاز مكافحة المخدرات
إياد / انا مش فاهم حاجه
الضابط / طب ايه رأيكو تركبوا وافهمكوا كل حاجه
عمار / تعالى يااياد اما نشوف ايه الحكايه
في العربيه
الضابط / انا عارف انكو بتسألوا نفسكو دلوقت ياترى الظابط دا عايز مننا ايه
انا هدخل في الموضوع ع طول
احنا مش عايزين غير إننا نوقع على عشان يترمي في السجن بكل الجرايم اللي ارتكبها من سرقه وقتل وغسيل أموال وتأجير بطلجيه التعدي ع ممتلكات خاصه ودي اقل تهمه هتتوجهله
وأخيراً حيازة مخدرات وانتو عارفين الموضوع ده
عمار / ايوه بس احنا نقدر نعمل ايه برضو مش فاهمين
الضابط / بعد المحضر اللي عمله الأستاذ إياد اتهم فيه على الحسيني بأنه حاول يلبسه قضية مخدرات واحنا مراقبين تليفون إياد وعلى عشان نوقع على في شر أعماله
وعارف انكو طالعين فوق تطحنوا على وتخلصوا عليه عشان أهان بنت خالتكو وضربها
بص عمار ل إياد وسكت
الضابط / انا معنديش مانع انكو تطلعوا تضربوه وكمان هقف احميكوا لاني عارف كويس اوي انكو مش هتاخدوا معاه حق ولا باطل لو عملت محضر واتهمتوا بضرب مرات ابنه لانهم هيتصالحوا ويمكن كمان تروح بنت خالتكو تعتذرله عشان خاطر جوزها
عمار / ممكن نعرف احنا مطلوب مننا ايه بالظبط
الضابط / ايوااا نجيب من الاخر
هتطلعوا ترنوا على حتة علقه محترمه وبعدها تقلبوا الشقة على أوراق خاصه بمشاريع على بيقوم بتنفيذها كلها تجاوزات ومباني هتتهد على دماغ صحابها
إياد / دا بجد
الضابط / في إيصال امانه باسمه بقيمة خمسين مليون جنيه
عمار / يانهار
الضابط / دا كمان عايزة لو موجود بصوا انتوا تجيبوا كل الأوراق اللي موجوده في الخزنه
طبعا بتسألوا نفسكو ظابط بوليس ومش قادر يجيب الحاجات دي؟
انا للاسف معنديش امر بالتفتيش والقضية كلها مبنيه على فروض معنديش ورق ولا ادله عشان اثبت التهم دي عليه معنديش غير شاهده واحده ودي كمان النيابة هتشك في اقوالها لانها معندهاش دليل
مش قدامي حل غير الأوراق دي وطبعاً انت اللي هتقدمها للنيابة بنفسك
إياد بص لعمار وسكت
الضابط / خلاص يبقى عمار اللي يقدم الأوراق دي انا عارف إن موقفك حساس عشان دا يبقى حماك وممكن كمان نقول إن الورق جه عن طريق مجهول ومنذكرش أسمائكم في التحقيق
قولتوا ايه
إياد / وافرض ملقناش حاجه حضرتك
الضابط / يبقى ع الاقل اخدتوا حق بنت خالتكو
عمار / تمام يلا يااياد
الضابط / هو معندوش غير راجل واحد بس فوق بيشوف طلباته وينضفله الشقة
ودا راجل كبير في السن
أظن المهمه سهله اهو
عمار بيرن الجرس.. قام الراجل اللي جوه يفتح الباب
يدخل عمار واياد بسرعه ويقفلوا الباب
الراجل الكبير / انتو مين وعايزين ايه
عمار / فين على
الراجل الكبير / تقصد على بيه
إياد / لا اسمه على بس
هو فين بقى.. ولا اقولك خليك مكانك احنا هنشوفه جوه
كان على نايم
دخل عمار واياد جوه أخدوا على من ع السرير على الأرض
اتفزع على وبيحاول يقوم وبيسأل انتو مين
إياد / احنا اللي جايين نخلص عليك
على / إياد
إياد / ايوه إياد ياعلي انت تتشاهد على روحك دلوقت
على / إياد بلاش تهور انت كده هتودي نفسك في داهيه
إياد شاور لعمار
اللي بيدور علي مفتاح الخزنه
إياد / الداهية دي انت اللي هتروحها وعلى ايدي ياعلي
إياد بيضرب في على
إياد بغضب / بتتشطر على واحده ست ياعلي للدرجادي مبقاش عندك ريحة الرجوله
بقى سهر ماشيه على حل شعرها ياراجل ياللي معندكش نخوه ونسيت انها مرات ابنك وسمعتها من سمعته
سهر دي اشرف منك وانت عارف كده كويس
على بيستغيث بالراجل اللي شغال عنده
إياد / متتعبش نفسك مش هيقدر يعملك حاجه
جرى على من إياد بعد م وقعه في الأرض خرج يستخبي في اوضة المكتب
كان عمار لاقي المفتاح وبيحاول يفتح الخزنه
على اخد المسدس من الدرج ووجه المسدس ناحية عمار من الخلف
على / ابعد عن الخزنه وإلا الطلقه دي هتكون في دماغك التفت عمار لعلي والمفتاح في ايده
على / هات المفتاح
عمار بيقرب
على / لا احدفه لتحت
عمار بيحدف المفتاح يوقع المفتاح قدام على ينزل لتحت وهو بيمد ايده ياخد المفتاح والايد التانية فيها المسدس اللي لسه موجهه ناحية عمار
عمار يغمز ل إياد اللي كان جاي من الخلف يمسك ايد على يحاول يوقع المسدس من ايده
يضرب على طلقه في الهوا
عمار / حاسب يااياد
يدخل الضابط الشقة بحذر وهو في ايده المسدس
ويقرب من المكتب يطلب منهم ينزلوا بسرعه
كان عمار في ايده الورق اللي أخده من الخزنه
على لسه بيلتفت يشوف مين الراجل التالت اللي معاهم
الضابط يخبط على بالمسدس على دماغه يفقده الوعي
الضابط / انزلوا بسرعه عشان البوليس زمانه جاي
إياد / بوليس ايه
الضابط / حد من الجيران بلغ البوليس بعد م سمع صوت الرصاص
نزل إياد وعمار بسرعه... الضابط بيقفل الخزنه ويرجع المفتاح في الدرج ويمسح البصمات وبيعطل سيستم كاميرات المراقبه ويخرج من الشقة
تحت في العربية
عمار / تمام كده؟؟
الضابط بيقرا الورق / تمام
انا هتصرف المهم ترجعوا البيت بسرعه
إياد / طب هو مات ولا حصله ايه
الضابط / لا متخافش هو كويس اغمى عليه بس
عمار / طب والبوليس اللي هيجي يفتش الشقة
الضابط / قصدك الخزنه
لا متقلقش انا قفلتها ورجعت الفلوس اللي كانت واقعه كمان
وهو مش هيقدر يجيب سيرة الورق خصوصا إن مفيش فلوس اتسرقت من الخزنه يعني مفيش شبهة سرقه
وبالنسبة لضربكو ليه
دي تهمه بسيطه اي محامي صغير هيخرجكوا منها متقلقش هو هيخاف اصلا يتكلم انت الصبح تهدده بالورق وتفهمه إنه معاك هو هيخاف ومش هيقدر يجيب سيرتكو وهيسكت نكون احنا اخدنا كل أجراءتنا
عمار / عايزينه يترمي في السجن
الضابط / هيحصل متقلقوش
يلا عشان البوليس وصل
نزل عمار واياد ركبوا العربيه وبعدوا عن المكان
طلعت الشرطة فوق عاينت المكان مفيش شبهة سرقه الباب زي ماهو الخزنه كمان زي ماهي
بيحققوا مع على فخاف يتكلم وقال اني وقعت على دماغي في الحمام اغمي عليه وفهم الللي شغال عنده يقول نفس الكلام لحد م يتصرف مع إياد ويعرف هيعمل معاه ايه
إياد بيتصل بسهر اللي كانت نايمه
إياد / معلش ياسهر انا عارف إنك كنتي نايمه
سهر / لا يااياد عادي مفيش حاجه قولي عملت ايه اوعي تكون ااا
وسكتت.
إياد / متخافيش لسه في نفس
بس اخدنا تارنا منه
سهر / مش فاهمه يعني عملتوا فيه ايه
إياد / سهر اسمعيني انتي تنسى اللي حصل خالص اسر لما يرجع متقوليش حاجه عشان ميتخانقش معاه
سهر / ازاي بس يااياد دا غلط فيه وأنا لو سكت المرادي ابقى زي م بيقول كده
إياد / قطع لسانه ولسان اي حد يجيب سيرتك بأي كلمة
انا بقولك متخافيش احنا اخدنا حقك وهو مش هيستجرا يهوب ناحيتك مرة تانيه
سهر / خلاص ماشي
إياد / انتي مش واثقه فيه
سهر / لا طبعاً واثقه فيك... خلاص هعمل اللي قولت عليه وأسر مش هيعرف حاجه متشكره اوي ليك انت وعمار
اياد / اهو دا الكلام اللي يزعل بجد... انتي بتشكري اخوات على واجبهم اللي بيقوموا بيه ناحية اختهم
سهر مدمعه / مش عارفه اقولك ايه
إياد / متقوليش حاجه بس لازم تعرفي إن اللي هيهوب ناحيتك احنا هنقرقشه باسنانا
ابتسمت سهر / طيب تصبح على خير
إياد / وانتي من اهل الخير
قفلت سهر وهي فرحانه بكلام إياد ليها
___________________
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
