: ((الحلقة الثالثة والأربعون))
#انت_قلبي
#بوسي_مصطفي
_____________________
في الصباح... في مكتب حازم
يدخل سكرتير المكتب لحازم
توفيق / في مدام بره عاوزه تقابل حضرتك وبسألها عندك ميعاد مع الاستاذ قعدت تزعق وتقول كلام مش كويس
تفتح هايدي باب المكتب وتدخل
هايدي / ايه يامتر مش عاوز تقابلني ولا ايه
حازم لتوفيق / اتفضل انت دلوقت
هايدي / واحد قهوة مظبوط يا..
توفيق بضيق / توفيق يامدام
هايدي / ماشي ياسي توفيق قهوة مظبوطه عشان دماغي هتنفجر
نظر توفيق لحازم بدهشه
حازم / هات للمدام اللي هي عاوزاه
توفيق / اي حاجه تانيه
حازم / لا روح شوف شغلك واطلبلها قهوه
هايدي / مظبوطه
حازم لتوفيق وهو مضايق / مظبوطه.. خلصني
توفيق / حاضر
حازم لهايدي بسخريه / ممكن اعرف ايه سبب الزيارة السعيدة دي؟!
______________________
هايدي بانفعال / سعيدة ولا كئيبه... اتفضل خرجني من المصيبه اللي وقعتني فيها دي
حازم / انا اللي وقعتك برضو ولا انتي اللي جيتي معايا بمزاجك
هايدي / تصدق إنك قليل الادب وعاوز تتربي
حازم / أعصابك يامدام مش كده
هايدي / توديني شقه مشبوهه زي دي وكنت هتسجن بسببك وتقولي اهدا
حازم / يعني لو مكانتش مشبوهه كان يبقى كويس؟!
هايدي / لا ياخفيف الموضوع مش كده طالما شقه زباله زي كدا يبقى كنت ناوي ع حاجه مش كويسه
حازم / انا لا كنت ناوي ولا كان في دماغي حاجه اصلا اخدت المفتاح من واحد صاحبي ع اساس إننا هنقعد شويه ونخرج زي م بنقعد في كافيه عادي
هايدي / مش مهم كل دا دلوقت شوفلك حل في المصيبه اللي انا فيها طليقي اخد الولاد بسبب اللي حصل
حازم / وايه المطلوب دلوقت
هايدي / تطلقني عشان اعرف ارفع قضية واضم الولاد لحضانتي
حازم / انا كنت هطلقك اصلا من غير م تقولي
هايدي / خلاص هاجي معاك بالليل تطلق ونخلص من الحكاية دي كلها.. قولي عملت ايه مع المدام
حازم /"مدام مين
هايدي / المدام بتاعتك
حازم / هعمل ايه يعني... معملتش حاجه
هايدي / يعني هي متعرفش
حازم / لا متعرفش
هايدي / امممم.. يابختك
حازم / بقولك ايه الحكاية مش نقصاكي اتفضلي حلي عني دلوقت ونتقابل بالليل
هايدي / اوك... سلام
حازم / مش هتشربي القهوة
هايدي / لا ابقى اشربها انت
______________________
نادين الصغيرة بتخبط ع باب شقة نادين الجده
عمر / كفايه بقى يادودو تيته تزعل
ياسمينه / هو مفيش حد جوه ولا ايه
فيروز بتفتح الباب / ايه يااختي متصبروا شويه واقفينلكوا احنا ع الباب ولا ايه ؟!
ياسمينه / وسعى يالمضه... ماما فين
عمر / ازيك يافيروز
فيروز / الحمد لله... ايه اللي في وشك ده
عمر / اسألي اختك
ياسمينه داخله جوه تنادي / ياماماااا... ماماااا
فيروز / وطى صوتك شويه... مش مفروض جاي تزوري ماما وهي تعبانه ايه هتلاقيها قاعده مستنياكي
ياسمينه لسيف اللي كان قاعد بيذاكر ع السفره
ايه الأدب اللي انت فيه دا ياواد ياسيف مش معقوله بتذاكر كده لوحدك
فيروز / لا يااختي دا مقعدش غير لما اخد علقه محترمه
ياسمينه / يخرب عقلك انتي ضربتيه
سيف بيمسح وشه بمنديل
فيروز / ايوه يااخويه استعبط بقى... وريهم دموع التماسيح بتاعتك
ياسمينه / انتي مختلفه يابت انتي... تعالي ياسيف
قام سيف من على الكرسي
اخدته ياسمين في حضنها
ياسمينه / متزعلش من البت السوسه الزقرده دي... لما ماما تقوم من النوم قولها عشان تضربها
فيروز / دي ماما لو قامت دلوقت هتكمل عليه
ياسمينه / ليه عمل ايه
سيف / هقول لبابا لما يجي يضربك
فيروز تغيظه / قوله تحب اجي معاك
ياسمينه تخبطها ف كتفها / متعمليش عقلك بعقل اخوكي الصغير ياعيله. .. افتح ايدك ياسيف
فيروز / ايه اللي معاكي ده
ياسمينه / حاجات ملكيش فيها
تأكل نادين معاك ماشي ياحبيبي
هز سيف راسه / تعالى يادودو نلعب جوه
جريت نادين الصغيرة ومسكت ايده ودخلت تلعب في اوضته
فيروز / ياخبر انت لسه واقف ياعمر؟!
مش تقوليلو يقعد ياياسمين
ياسمينه / متقعد ياعمر واقف ليه
عمر / امال الأستاذ كمال فين
فيروز / بره زمانه جاي
ياسمينه / ماما عامله ايه
فيروز / اهي نايمه من الصبح
ياسمينه / هدخل اطمن عليها
تخبط ياسمينه ع الباب
نادين بتعب / ادخل
ياسمينه / عامله ايه ياست الكل
نادين / ياسمين.. تعالي يابنتي
ياسمينه باست ايد نادين وقعدت قصادها ع السرير
نادين / امال فين نادين
ياسمينه / بتلعب مع سيف
صحتك أخبارها ايه ياماما
نادين / الحمد لله
ياسمينه / مبتاكليش ولا ايه
نادين / لا باكل
ياسمينه / اومال مالك خاسه كده... ووشك تعبان
نادين / شوية تعب وهيروحوا لحالهم
ياسمينه / مروحتيش للدكتور
نادين / روحت امبارح
ياسمينه / وعملتي ايه هناك
نادين / طلب شوية تحاليل واشعه بس انا لا عامله دي ولا دي
ياسمينه / ليه ياماما
نادين / مش عايزة ادخل في متاهات ياياسمين انا كده كويسه ومش عايزة اعرف انا عندي ايه
ياسمينه / بس كده غلط... لازم تعملي اللي قالك عليه الدكتور امال هتاخدي دوا ع اساس ايه
عشان خاطري متهمليش في صحتك ياماما
نادين / هشوف
ياسمينه / عمر قاعد بره عايز يدخل يطمن على حضرتك
نادين / خليه يجي يابنتي
ياسمينه / ياعمر... عمر
عمر يقرب من الباب اللي كان مفتوح ويخبط
نادين / تعالى ياابني ادخل
عمر/ الف سلامة عليكي ياطنط
نادين / تسلم ياابني
هاتي كرسي لجوزك من بره ياياسمين
عمر / لا خليكي ياياسمين انا بس كنت جاي اطمن ع حضرتك...
نادين / انا كويسه... الحمد لله...
كمال بيفتح باب الشقة ويدخل
ياسمينه / عمو كمال الظاهر جه
كمال / سلام عليكم
رددوا / وعليكم السلام
قرب عمر سلم على كمال
كمال / ازيك ياياسمين
ياسمينه / الحمد لله..
كمال / ايه يانادين عامله ايه النهاردة
نادين / الحمد لله
كمال / الحمد لله على كل شيء
عمر / طيب بعد اذنكو هقعد بره
كمال / هغير هدومي واحصلك
ياسمينه / طيب ياماما انا هطلع اقعد بره محتاجه مني حاجه
نادين / لا يابنتي سلامتك
خرجت ياسمينه... كمال بيغير هدومه
نادين / ابقى قول لفيروز تجهز الغدا قبل جوز اختها م ينزل
كمال / متقلقيش يانادين المهم انتي بس خلي بالك من صحتك
نادين / اديني نايمه في السرير ومبعملش مجهود زي م قولتلي
كمال / الأهم من دا كمان إنك تسمعي كلام الدكتور وتعملي التحاليل والاشعه اللي قالك عليها
نادين / تاني ياكمال مش اتكلمنا في الموضوع دا امبارح وقولتلك وجهة نظري وانت وافقت
كمال / وافقتك بس عشان أنهى الحوار وانام بس انا مش موافق ولا هسيبك تعبانه كده يانادين
نادين بتنهيدة / انا قايمه اشوف فيروز عملت ايه في المطبخ
كمال مسك ايدها/ اقعدي يانادين استريحي
نادين / انتي محسسني اني خلاص هموت ياكمال
كمال / بعد الشر عليكي ياحبيبتي بس انا خايف عليكي وعشان نطمن نعمل اللي الدكتور قال عليه
نادين / خلاص ياكمال موافقه سيبني بقى اشوف البنات
كمال / طيب تعالي معايا
واخدها كمال من ايدها قعدها مع ياسمينه وعمر ودخل كمال المطبخ لفيروز اللي كانت واقفه بتعمل الاكل وقف وساعدها خرج الاكل من الفرن وقطع السلطة وفيروز كانت بتعمل باقي الاكل
دخل لهدي يصحيها عشان تاكل
ودخل لسيف ونادين لعب معاهم شويه واخدهم يغسلوا ايدهم عشان ياكلوا
ع السفره
ياسمينه / مين اللي عمل الاكل دا؟
ونظرت لفيروز /اوعي تكوني انتي؟!
فيروز / اه انا
ياسمينه / بس انا شايفه المستر وهو داخل المطبخ
كمال / هي اللي عملت كل الاكل دا بصراحه وانا بس وقفت أشرف عليها وعملت السلطة
عمر / هههههههههههه لا يجي منك يابنت خالي ابقى علمي اختك بقى
ياسمينه / اختها اللي هو انا يعني؟!
نادين / هو ايه اللي في وشك دا ياابني
ياسمينه / الشوربه طرطشت ع وشه
فيروز /ههههههههههههه
عمر / عجبتك اوي؟!
هدى بتضحك
كمال / هي دلقت الشوربه ولا ايه
عمر / اتكلمي انتي يااستاذة
ياسمينه / وانا مالي انت اللي قلبك خفيف وبتتخض ع طول
فيروز / بص يابشمهندس انت لبست وخلاص فاستحمل بقى
عمر / هو انا من ناحية لبست فأنا لبست فعلا
ياسمينه بصت في الساعه / في بيت هيلمنا بعد شويه ع فكره
فيروز / يلهوي ايه البصه دي... انا لو منك م اروحش يابشمهندس
نادين لفيروز / وبعدين معاكي متخليكي في الطبق اللي قدامك وبطلي رغي بقى
فيروز / انا آسفه ياماما
قامت نادين بتعب
كمال / رايحه فين يانادين
نادين / هريح جوه شويه مش قادرة اقعد... لامؤاخذة ياابني اني قومت
عمر / لا ياطنط اتفضلي.. الف سلامة على حضرتك
هدى لسيف / كول بقى عشان تذاكر
سيف / انا ذاكرت وانتي نايمه اخلصي انتي عشان تذاكري
هدى / بس يالمض
كمال وبص لسيف وهدى / وبعدين
سيف / هي اللي كل م تشوفني تقولي ادخل ذاكر
كمال / خلاص ياهدي ملكيش دعوه باخوكي
ياسمينه بحزن / هي ماما مالها يامستر
كمال / معدتها تعباها شويه
ياسمينه / والدكتور قال ايه
كمال / مش راضيه تعمل التحاليل اللي قالنا عليها وكل م توافق ترجع في كلامها تاني ياريت لو تقدري تقنعيها كلميها
ياسمينه / حاضر... م انا كنت لسه بقولها برضو الكلام دا جوه بس لازم نضغط عليها جامد عشان توافق
فيروز /"ياريت ل احسن انا بتخنق من البيت كل م اشوف ماما تعبانه بالشكل دا
هدى بحزن / وانا كمان
كمال استأذن وقام من ع السفره
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
