((الحلقة 111))
#انت_قلبي
#بوسي_مصطفي
___________________
تاني يوم في محل إياد
عمار وسلمى قاعدين مع إياد في المحل
عمار / برضو مفهمتس منكو اي حاجه
يعني اعمل ايه ياجماعه انا خلاص دماغي هتشت
سلمي / انت حر عايز ترجعها يبقى اشترط عليها ان وفاء متعرفش
إياد / لا طبعاً اي الكلام دا
اوعي تسمع كلام اختك دي
لو كدبت هتوقع في مشاكل اكتر بعدين
انت تحسم امرك من دلوقت هترجع علا يبقى تكون الأمور واضحه من البدايه والدنيا كلها تعرف بما فيهم مراتك
ولو اني مبرجحش الاختيار ده
جوازك من علا هيعملك مشاكل كتير بينك وبين وفاء
عمار / طب لو انت مكاني تعمل ايه
إياد / لو انا مكانك اقفل الصفحه القديمة دي نهائي وأبدأ صفحه جديدة مع مراتي وابني اللي جاي وولادي يعيشوا م بيني وبين امهم ومجبش لنفسي وجع الدماغ وابقى فاتح بيتين ومضطر ابقى هنا شويه وهنا شويه ومشاكل وخناقات ودي تقولي انت قعدت مع دي اكتر مني
وخلي بالك علا من زمان وهي بتحب نفسها شويه يعني استحاله هتسيب وفاء في حالها
ولو وفاء قبلت بالأمر الواقع علا هتشتغل في الكيد والمحاربه فيها وهتتحط وقتها في اختيار أصعب من اللي انت فيه دلوقت
يبقى من الاول كده فكر قبل م تقرر
عمار / انا ايه اللي يدخلني الدوامه دي انا مستريح كده
الحمد لله... وفاء بصراحه بنت حلال وشايله الولاد في عنيها وأهم شويه عندي وشويه عند مامتهم
وعلى رايك علا مش هتستريح وهتنكد عيشتي يبقى بلاها من الموضوع دا
بس انا عايز رد اقولهولها عشان متفتحش معايا الموضوع دا تاني
سلمي / قولها مش هينفع ومش هعرف اعدل بينكو وكده
إياد / لا هتزن على دماغه برضو وهتقوله انا موافقه على كل شروطه وهتقبل بالقليل دلوقت عشان بس عمار يتجوزها وبعد كده هتبدأ تتخانق معاه وهيقول ياريت اللي جرا م كان
عمار / يعني اقولها ايه
إياد / نفس الكلام اللي قولته قبل كده إنك خلاص عايش حياتك دلوقت ومش مستعد تخسر حاجه عشانها
رد نهائي عشان تعرف إن كده ولا كده مكونتش هترجعها
عمار / تمام
قولي بقى عملت ايه في الموضوع إياه عرفت مين اللي ثبتك علي الطريق
إياد / لا معرفتش بس اكيد حد يعرفنا
سلمي / انا بقول كده برضو
عمار / المهم تاخد بالك بعد كده وتقفل وتروح بدري
إياد / المشكلة مش في كده
اللي عايز يعمل حاجه هيعملها حتى ولو في عز الضهر
عمار / برضو تخلي بالك
انا هقوم بقى عشان هعدي اخد الولاد من عند علا
سلمي / طب استنى خدني معاك
عمار / يلا تعالي
سلمي خارجه تقابل منه
منه / رايحه فين ياسلمي لسه مقعدناش مع بعض
سلمي / م انتي مشغوله بقى
هبقي اعدي عليكي في البيت
منه / بلاش الخميس والجمعه والسبت عشان بكون هنا مع إياد
سلمي / اومال فين الولاد
منه / عمار فوق في الدور التاني وسهر في الحضانه
سلمي / ابقى هاتيهم يامنه يلعبوا مع مالك
منه / ابقى تعالى انتي بقى
انتي شايفه الظروف
سلمي / خلاص هجيلك بكره
عمار / يلا ياسلمي
سلمي / سلام بقى عشان عمار مستعجل.
منه / مع السلامة
_______________
أنت تقرأ
أنت قلبي🧡🥀الجزء الأول.
Genç Kız Edebiyatı#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
