((الحلقة الثامنة والأربعون))
#انت_قلبي
#بوسي_مصطفي
_______________________
في شقة كمال ونادين
ياسمينه / متخافيش ياماما دي عمليه بسيطه... وبإذن ﷲ
تقوملنا بالسلامة
وليد / بإذن ﷲ
عاوزه مني حاجه ياعمتي انا هنزل اريح شويه
نادين / عاوزه سلامتك ياابني معلش تعبتك معايا النهارده
وليد / تعبك راحه ياعمتي... متقوليش كده تاني
بعد اذنكو
كمال / رايح فين ياابني اتغدا معانا
ياسمين ادخلي مع فيروز جهزوا الغدا
قاموا البنات
وليد / غدا ايه بس ياعمي انا مش هقدر
معلش اعذروني انا في الوقت دا بنام شويه
كمال / يعني هتكسف عمتك
مش عيب؟!
في المطبخ
ياسمينه / ايه الواد دا ميترزع يقعد هو النوم هيطير
فيروز / تلاقيه تعبان أصله بيصحي بدري
ياسمينه وبصت لفيروز / اممم
وايه كمان ياحنينه
فيروز / ياسمين احترمي نفسك
ياسمينه / يابت بطلي حركاتك دي... باين اوي إنك بتحبيه
فيروز / نعم!
ياسمينه / خلاص معجبه بيه
كده كويس؟
فيروز / يعني مش اوي
ياسمينه / طب خلصي اللي في ايدك ده وانا هروح اظبط السفره
هدى جايه من بره بتعيط
كمال / مالك ياهدي في ايه
هدى / مفيش يابابا
نادين / امال بتعيطي ليه ياحبيبتي طمنينا
هدى دخلت جوه ومتكلمتش
كمال رايحلها
نادين مسكت ايده / سيبها دلوقت ياكمال لما تهدا ابقى افهم منها الحكايه
كمال / قلقان يانادين عاوز اطمن
ياسمينه بتوزع الأطباق ع السفره / هو وليد نزل برضو ياماما
نادين / مرضيش يقعد يتغدا معانا
ياسمينه / وهدى مالها بتعيط ليه
نادين / لما تهدا نبقى نفهم منها
___________________
في فيلا أسر
اسر قاعد جنب سهر بياكلها وبيهزر معاها
دخلت منه وهي بتخبط ع الباب
منه بغمز / ايه اللي انا شايفاه ده طب مش تقفلوا الباب ياجماعه هههههههههه
قام اسر سلم عليها وباسها من خدها
اسر ببتسامة / صباح الخير
منه / صباح النور انتو لسه بتفطروا؟!
ازيك ياسهر النهارده عامله ايه؟
سهر / الحمد لله
منه / لا ماهو باين اهو
وشك منور... ماشاء ﷲ
الظاهر كانت محتاجه شوية دلع يااسر وانت بقالك فترة مشغول بالمشروع بتاعك
سهر بتعب / شوفتي الدلع اللي انا فيه
قربت منه من سهر / هتقومي بالسلامه... بإذن ﷲ
وتجري وتتنططي زي الاول
سهر بحزن ومدمعه / مفيش حاجه بقى ليها طعم يامنه
منه بتحضنها وأسر واقف متأثر بكلام سهر وحزين على حالها
منه / ليه بس كده ياسهر؟
بلاش اليأس ده
وبتمسح دموعها / اومال الولاد فين
اسر / مليكه في المدرسه ومجدي نايم جوه
منه / وانت مش ناوي تخرج وتشوف شغلك ولا ايه
اسر / اخرج ازاي بس يامنه
منه / متقلقش انا قاعده هنا جنب سهر ومش هتنقل لا ليل ولا نهار اخدت الأذن خلاص
هههههههههههههههههه هقعدلكو عزول هنا
ابتسمت سهر
منه / ايوه كده اضحكي شوفي انا جبت ايه
روحت اشتريت شويه لبس لسهر وعمار عجبني بقى كام دريس لمليكه إنما ايه يجننوا استنى هوريهوملك
سهر / متشكره يامنه تعبتي نفسك ليه
منه / ولا تعب ولا حاجه دول شوفتهم كده بالصدفه وانا بشتري لسهر بس عجبوني اوي واتخيلت مليكه فيهم
سهر / واووو يجننوا يامنه دي مليكه هتفرح اوي لما تشوفهم
منه / شوفي الأطقم دي كمان ملقتش مقاس لعمار جبت مقاسات مجدي هههههههههههه
سهر /"بس دول كتير اوي يامنه
ليه كل ده
منه / وانتي مالك هما كانوا ليكي
ايه يااسر هتفضل واقف كده
اسر / امال اعمل ايه
منه / انزل شوف شغلك بقى ومتقلقش ع سهر انا هنا جنبها وهبات معاها كمان
سهر / كمان
اسر / لا كله إلا البيات انتي زي الشاطره كده تقعدي شويه وتروحي إنما تباتي دي صعبه اوي عليه
منه / هههههههههه ليه ياعم هو انا هكولها ولا ايه
اسر / لا ياحبيبتي لو هتباتي يبقى في أوضه تانيه انا مقدرش انام غير جنب مراتي حبيبتي
منه بغمز لسهر / ماشي ياعم
بلاش بيات عشان اعرف انام مقدرش انام بعيد عن جوزى حبيبي انا كمان مع إنه استغني عني وقالي اجي ابات مع مراتك
سهر /"يعني لو مش إياد قالك مكونتيش جيتي؟
منه / هههههههههه اه كنت هجيلك شويه وامشي
سهر بتقوم
منه / استنى ياسهر هسندك
سهر /" لا يامنه انا همشي لوحدي
اسر /"سبيها يامنه براحتها
هي لازم تتمشى شويه الدكتور قال كده
دخلت سهر الحمام
منه قعدت جنب اسر
منه / ايه الاخبار
اسر / لو تقصدي اللي متتسماش ف لسه مفيش اي اخبار عنها
منه / طب انت متعرفش ممكن تكون فين
اسر /"تفتكري لو اعرف هقعد كده حاطط ايدي ع خدي ولا هجري اروح اجيبها من زمارة رقبتها واطلع روحها في أيدي
منه / بلاش تتهور يااسر هي بس يتقبض عليها وتترمي في السجن وتاخد ولادك في حضنك وتقفل صفحة هايدي دي للأبد
اسر / وسهر واللي حصلها يامنه
منه / موت هايدي مش هو الحل
اللي حصل حصل خلاص فكر في ولادك لو اتهورت وعملت فيها حاجه بعد الشر يعني هتدخل السجن والولاد دول بقى مين هيربيهم معلش يااسر عارفه إن الموقف صعب
بس لازم كمان نفكر بالعقل
اسر / بموت يامنه كل م بشوف نظرات سهر ليه اللي كلها حزن وألم وبكى ع حالها
ظلمتها كتير اوي بس كل اللي فات كوم واللي حصلها ده كوم تاني
منه / حبيبي هون ع نفسك.. الندم مش هيرجع حاجه فكر في اللي جاي وسيب هايدي تتحاسب
كل اللي عليك دلوقت إنك تقرب من سهر وتعوضها عن أي ألم حسيت بيه انا حاسه بيكو وعارفه قد ايه الحياة صعبه اوي عليكو بس افتكر إن ولادك ومراتك محتاجينلك
خرجت سهر من الحمام وهي تعبانه
جرى اسر ناحيتها / اي ياسهر مالك
سهر / الجرح تاعبني اوي شوفلي مسكن بسرعه
يااسر
منه / طب فين الانتي بيوتك بتاعك
اسر / خدي من ده دلوقتي ياسهر هشوفلك حد يديلك الحقنه
منه / انتي خلعتي الكانيولا ليه
سهر / مش طايقاها يامنه
امال سلمي مجاتش ليه هي اللي كانت هتنقذني في الموقف ده
لسه منه هتتكلم لاقيت سلمي بتخبط ع الباب
سلمي ببتسامه / سلام عليكم
ازيك ياسهور
منه بضيق / اهلا يااختي
قربت سلمي من سهر وبتبوسها من خدها / معلش متزعليش مني انشغلت عنك امبارح بس اول م قومت من النوم مقدرتش قومت لبست وجيتلك ع طول
منه / لا حنينه اوي
سهر / طب اديني الحقنه بسرعه ياسلمي الجرح هيموتني
اسر / الحقنه اهيه
سلمي لأسر / متشكره
نظر اسر لمنه وهو مش فاهم تصرفات سلمي
سلمي / هاتي دراعك بقى
اسر / طب بالراحه عليها
سلمي / مش هتخاف عليها اكتر مني
سهر / اخلصي وبطلي رغي
سلمي / طب افردي ايدك هتاخديها ازاي كده
قرب اسر مسك ايد سهر وهو مدور وشه الناحيه التانيه ومغمض عينه
سلمي / بس خلاص... بالشفا ياسهر
سهر / متشكره ياسلمي
سلمي لأسر / سيب ايدها خلاص خلصت
اسر / بسرعه كده؟
انتي ايدك خفيفه اوي
سلمي / لا انتو اللي قلبكو خفيف اوي
منه / خلاص يااسر روح شوف شغلك واحنا هنفضل قاعدين مع سهر لحد م ترجع
سهر / انزل ياحبيبي شوف شغلك
اسر / اوك... مش هتاخر
وباسها من خدها وهو خارج
سلمي بعد م أسر نزل
سلمي / اللي يشوفه يفكر إنه خايف عليها بجد
منه / ومين قالك إنه مش خايف عليها... وبعدين انتي مالك
سلمي / اسكتي يابنت على متكلمنيش خالص
منه / سامعه ياسهر
وبعدين ايه اللي جابك مش قولتي رامي
وقاطعتها سلمي / هو انا اقدر ابعد عن سهوره حبيبة قلبي
تبتسم سهر
منه / ياسلام... ايه الحنيه اللي نزلت عليكي دي ياست سلمي
سلمي / حنيه!
ليه هو انتي مفكره إن عشان سهر مرات اخوكي هتبقى أقرب ليكي مننا لا ياحبيبتي سهر دي اختي انتي ملكيش فيها حاجه غير ولاد اخوكي بس
منه / طيب يااختي هنزل اجيبلي حاجه اشربها اجيبلك ايه معايا
سلمي / اي حاجه عندك في التلاجه اصل انا لسه مفطرتش
منه / طول عمرك طفسه
سهر بتضحك
سلمي / انا لو اعرف إنك هنا مكونتش جيت اصلا
_______________________
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
