((الحلقة السادسة))
#انت_قلبي
#بوسي_مصطفي
...............................
في شقة ملك والدة أسر
يمني اخت هايدي قاعدة معاها جوه في غرفة النوم
يمني/ ايه ياهايدي ماما موحشتكيش ولا ايه؟
هايدي/ هي اللي مش عايزة تشوفني
يمني/لا طبعاً مين قالك كده انتي عارفه ماما بتحبك قد ايه وبتخاف ع مصلحتك أظن انتي فاهمه انا اقصد ايه
هايدي/دي حياتي وانا حره فيها ولا كنت أفضل ع ذمة البقف دا اللي كنت متجوزاه
يمني /عيب تقولي عليه كده مهما كان بينكو عشرة برضو وهو كان انسان كويس بس انتي
هايدي/سيبك مني دلوقتي وقوليلي عامله ايه مع حضرة الظابط
يمني /الحمد لله.... كويسين
هايدي بحقد/تمام يعني ولا في مشاكل بينكو
يمني/لا... الحمد لله... مفيش اي حاجه وحشه بينا شريف انسان محترم جدا ومتفاهم وكمان زوج حنين اوي ياهايدي
هايدي/مش هيكون زي أسر برضو
يمني/وايه جاب سيرة أسر دلوقت اوعي ياهايدي تكوني
قطعتها هايدي/وفيها ايه دي... مش حقي وحق ولاده كمان إنه يعيش في وسطهم
يمني/بس هو مش عايز
هايدي/زي م وقعته اول مرة اقدر اوقعه تاني وتالت كمان
يمني/متلعبيش بالنار ياهايدي مراته م اذتكيش في حاجه
هايدي/ياحنينه... انتي فاكره ان البت دي بتحبه وخايفه عليه وكده... دي ياحبيبتي اتجوزته عشان فلوسه دي كانت امها رمياها في الشارع هي وخالتها هو اخدها وعمل منها برنسيسه دلوقت
يمني/شوفتي قولتي ايه... اخدها يعني كان بيحبها مش هي اللي فرضت نفسها عليه اعقلي بقى
هايدي /دا انا ابقى مغفله لو م استغلتش الفرصة دي... مامته متعلقه بالولاد ومستحيل تسيبهم انا بقى لازم استفيد من الناحيتين
يمني/ناويه ع ايه
هايدي/انتي تقعدي كده وتتفرجي بقى ع اللي هيحصل دا انا هديها قلم عمرها مهتنساه
وزي م اتجوزني قبل كده هيتجوزني تاني
يمني/انتي مصره تخسري كل الناس اللي حواليكي هما مستحملينك عشان الولاد
هايدي/م هي دي ورقة الضغط اللي هتجيبه وتخليه يتحايل عليه عشان أوافق
يمني/مش عارفه اقولك ايه
بس شكلك مش هتجبيها لبر
هايدي/م انا لازم اتهني واغرق في العز والفلوس اللي غرقانه فيهم سهر هانم... دا حتى بيقولوا اللي ياكل لوحده يزور
ههههههههههههههههههههه
يمني /انا ماشيه تصبحي ع خير... سلام
هايدي /سلام... وابقي سلميلي ع حضرة الظابط دا لو شوفتيه يعني
خرجت يمني من الشقة
هايدي بتكلم نفسها/قال زوج متفاهم قال تلاقيه بيهزر معاها بطبنجه هههههههههه
اكونش غيرت منك وانا معرفش
ادخل اشوف الست اللي جوه دي نيَمت العيال ولا لسه
...................
في شقة مجدي
قاعدين قدام التليفزيون وانتصار مندمجه اوي مع برنامج التوك شو
انتصار/شوفت يامجدي الإشاعات اللي ماليه البلد... اهو لا في ارتفاع أسعار ولا نيله... دول ناس عايزين يوقعوا البلد وبس
داليا/طنط هو حضرتك مبتنزليش السوق وبتشري طلبات البيت
اي رأيك في الاسعار
انتصار/معقوله برضو متنسيش اننا مرينا بظروف صعبه كويس انها جات ع قد كده
مجدي/بس الأسعار الموجوده دلوقت ياماما متتناسبش مع الفقراء ولا حتى مع أصحاب الدخول المتوسطة
انتصار/بس احنا احسن من غيرنا برضو... قول... الحمد لله
مجدي/الحمد لله
داليا تتأب
انتصار/ادخلي نامي ياداليا انا سهرانه شويه عقبال م يخلص البرنامج ده
مجدي يغمز ل داليا/طيب ياماما تصبحي ع خير
انتصار/هو انت كمان هتنام يامجدي.... لسه بدري ياحبيبي اقعد معايا شوية
نظر مجدي ل داليا وشاورلها تقعد
قعدت داليا
انتصار/انتي مكونتيش عايزة تنامي دلوقت ايه اللي قعدك
داليا وهي ناظره لمجدي /قعدتك حلوه اوي ياطنط ميتشبعش منها بجد
ابتسم مجدي ل داليا
داليا بهمس/ ايه انت لسه هتقعد
مجدي/شويه وماما هتنام
داليا بهمس/عايزة اقعد معاك لوحدنا... انا اتخنقت
مجدي/معلش ياحبيبتي كلها ربع ساعة والبرنامج يخلص
انتصار/انتو بتتوشوشو تقولوا اي
مجدي/لا ياماما ولا حاجه
داليا قامت بضيق /انا داخله انام تصبحو ع خير
انتصار/مش هتَكملي البرنامج
داليا وهي ناظره لمجدي بغضب / لا ياطنط مجدي يبقى يحكهولي الصبح
مجدي قرب من مامته/بقولك ايه ياست االكل
انتصار بانفعال/عايز تروح تلحق مراتك قبل م تنام اتفضل روح يلا
مجدي/هههههه مالك بس ياماما في ايه... انا كنت عايز اكلمك في الموضوع اللي تكلمنا فيه قبل كده
انتصار وقدامها طبق مكسرات مسك واحدة فسدق/اكسرلي البتاع دا مش قادرة افتحه ايدي بقت تترعش
مجدي/سلامتك يا ماما... اتفضلي
انتصار بتاكل/قولي ايه الموضوع ده اللي عايز تكلمني فيه اصل انا بنسى بسرعه ياابني
مجدي/شوفت شقة جميله اوي ياماما وواسعه وسعرها معقول ايه رأيك تيجي معايا الصبح نشوفها
انتصار/لأ
مجدي/ليه
انتصار/هو انا اللي هعيش فيها... مبروك عليك ياابني
مجدي/وانا مش هخرج من هنا الا وانتي معايا
انتصار بحزن /لا ياحبيبي كفايه عليك مراتك وعيالك
مجدي/وانا مش هسيبك هنا لوحدك ياماما
انتصار/وياتري اخدت رأي مراتك في الموضوع ده
مجدي/وايه علاقة داليا بالكلام ده حضرتك تيجي وتقعدي براحتك البيت بيتك وان مشلتكيش الأرض اشيلك جوه عنيه
انتصار/ربنا يباركلك ياابني
بس انا مرتاحه هنا دا بيتي وحياتي كلها فيه مش هروح اقعد معاكو عشان اقاسمكم في بيتكو
مجدي/بيتي هو بيتك ياماما وهتبقي ست البيت فيه كلنا تحت امرك
انتصار / الأمر لله... ياابني
لا مش هينفع خلص انت واشتري الشقه طالما عجباك وانسى حكاية اني اجي اعيش معاكو دي
مجدي/طب اي رأيك تجربي اقعدي كام يوم ولو مستريحتيش ابقى ارجعي بيتك هو يعني هيروح فين
انتصار/انا مش عارفه انت مصمم ليه اروح اعيش معاكو هناك طب م انا بقالي كتير عايشه لوحدي مفرقتش يعني
مجدي/بس دي كانت ظروف عشان السفر وكده لكن انا جيت خلاص ومش راجع تاني... عشان خاطري ياماما وافقي ولو بشكل مؤقت وانا عارف انك هتحبي المكان هناك وهتتعودي عليه زي هنا بالظبط
انتصار/ماشي هجرب واشوف
مجدي بفرحه/طيب تصبحي ع خير
باس راس مامته وقام دخل اوضته
أنت تقرأ
أنت قلبي🧡🥀الجزء الأول.
Chick-Lit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
