((الحلقة 98))
#انت_قلبي
#بوسي_مصطفي
__________________
اسر / اوك ياماما بس انا هخرج قبلها
ملك / يعني ايه يااسر
اسر / يعني حضرتك وبابا عمالين تضغطوا عليه كل دا ليه عشان الفلوس
مش عايز فلوس ياماما
وبالنسبه للي حضرتك قولتيه لسهر فأنا عارفه وعارف كل حاجه من يوم متولدت لحد اللحظة دي وبحبها وببوس التراب اللي بتمشي عليه كمان
ملك بغضب / انت بتغظني ياواد انت
اسر / لا مش بضايق حضرتك بس انتي وبابا فاكرين لما تعملولي مشاكل بقى هستسلم واوافق على في دماغكو بس انا هسيب الفيلا ياماما زي م سيبت شركة بابا ومبقاش فارق عندي اي حاجه
ومستعد اخسر الدنيا كلها بس مراتى وولادي يفضلوا جنبي ومعنديش استعداد اخسرهم ولا اسمح بإن اي حد يجي عليهم
هخرج واخد مراتي وولادي ياماما اوعو تفتكروا انكو هتوقعوني ولا اسر هيضيع وينتهي من بعدكو انا
الحمد لله.... بقى عندي شركة صحيح ليه النص فيها بس انا في شركة بابا مكانش ليه فيها سهم واحد وضيعت فيها سنين من عمري وم اخدتش منها حاجه
انا هثبتلكو إن اسر من غيركو افضل بكتييير من وجوده معاكو
ملك تمسك ايد اسر / أسر انا ضيعت عمري كله عليك رفضت ابدأ حياتي مع راجل تاني واعيش ويبقى عندي بدل الولد اتنين وتلاته اكتفيت بيك انت عن كل الناس حطيت أملي واحلامي فيك
بس انت ضيعت كل حاجه
كل حاجه يااسر ضيعتها انا بحاول ارجع ولو جزء من حقك
باباك لو مات دلوقت مش هتاخد اي حاجه وليد اخوك اللي هيكوش على حاجه انت مش حاسس بالكارثه اللي هتحل علينا لو باباك مات قبل م تتصالح معاه وتنفذ اللي هو عايزة
اسر / مش عايز حقي ده
اللي هيذلني ويخليني ااذي الناس اللي بحبهم مش عايزة
ملك / وانا مش من الناس اللي انت بتحبهم ورفضك انك تاخد حقك دا بيأذيني كمان
ولا سهر اهم مني
اسر / طول عمرك حاطه سهر ند ليكي وعمرك م فكرتي تصاحبيها ولا تكوني ليها الأم اللي اتحرمت منها
بدل م تعايريها باللي حصلها زمان كنتي مديتي ايدك ليها واخدتيها في حضنك وعوضتيها عن الايام الصعبه اللي عاشتها
بدل م تبقى قاضي وجلاد ليها على حاجه هي ملهاش ذنب فيها كنتي بقيتي حضن دافي تترمي فيه ينسيها كل اللي عاشته زمان
بلاش تبقيلها اي حاجه بس سبيها في حالها وسبيني انا كمان في حالي
وسهر هتفضل مراتي لحد م اموت وهفضل ادعي
إننا نتقابل انا وهي... في الجنه
ارحميني ياأمي وسبيني اعيش عشان اربي ولادي وعيشي انتي حياتك براحتك عايزة تتجوزي اتجوزي انا مش ممانع وطول عمري بقولك كده لكن متجيش تحاسبيني على قرار انتي اخدتيه لوحدك ومفرضتوش عليكي
هتفضلي امي... وسهر هتفضل مراتي... وادعيلي بقى الليلة دي تعدي على خير..
وخرج اسر من اوضة مامته دخل اوضته قعد جنب سهر اللي لسه نايمه الباب يخبط
اسر / ادخل
منه ورا الباب / أسر انت لسه صاحي
اسر / تعالى يامنه
منه / سهر لسه نايمه
اسر / ممكن تعمليلي قهوة
منه / حاضر
اسر / سادة وفي مج كبير
منه / بس كده مش هتعرف تنام
اسر / انا مش هنام اصلا عايز حاجه تفوقني اكبر وقت ممكن
منه / صحتك يااسر انت لازم تستريح
اسر / مفيهاش راحه يامنه
منه / حاسه بيك بس عايزة اقولك
اوعي يااسر اوعي تتخلى عن سهر... هي ملهاش غيرك
اسر / بالعكس انا اللي مليش غيرها.. ومستحيل اسيبها تبعد عني
منه / اكيد هي مجروحه من كلام مامتك حاول تهديها وتطيب خاطرها وتحسسها إنك جنبها دا هيحسن نفسيتها اكتر
اسر / مج قهوة من ايدك الحلوة
وباس ايد منه
منه ببتسامة وهي بطبطب علي ايده / حاضر
بس عايزة اقولك على حاجه
اسر / قولي
منه / الصبح هرجع عند ماما
اسر بخجل / ليه
منه / معلش انت عارف مينفعش اقعد هنا هروح ل امي بس ادعيلي بقى إنها متسمعنيش كلمتين من اياهم عشان مش ناقصه
اسر / اعملي اللي انتي عايزاه
منه / هنزل اعملك القهوة وبالمرة احضر لقمه خفيفه عشان ناكل مع بعض
_____________
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
