الحلقة ١٣٣
#انت_قلبي
#بوسي_مصطفي
____________________
معتز / اتفضل
علاء / اتفضل ايه ادخل ولا امشي؟!
معتز / اتفضل ادخل
علاء / من غير نفس كده مينفعش
معتز بغضب / نزل ايدك دي ولا مش عايز تدخل اتفضل غور في داهيه
علاء ببتسامة / لا هدخل
بس من غير غلط ماشي
معتز / لا مش ماشي
وشده معتز ودخله جوه وقفل الباب
علاء / براحه الباب يتكسر دا لسه جديد
معتز / اتهبب اقعد
علاء / يله انا مليش غيرك م انت عارف
معتز / عشان كده قولت اللي قولته ده
علاء / الشيطان لعب بعقلي وخلانى اخسر صاحبي وحبيبي وأخويه بس عارف إن قلبه طيب وبيسامح
معتز / لا عبيط بقى عشان يصدق الكلام اللي بتقوله ده
علاء / م تيجي نتكلم جوه عشان نبقى على راحتنا
معتز / لا ياحبيبي اتفضل اتكلم هنا انا مبخافش غير من... ربنا
علاء يشد معتز ويدخلوا جوه في اوضة المعيشه
علاء / هنا نقدر نتكلم براحتنا
معتز / تشرب ايه الأول
علاء / هتشربني حاجه بجد
معتز / حد قالك اني بخيل
علاء / لا انت بصراحه كريم
وعشان كده هتسامحني يلا
المسامح كريم
معتز / عيب اوي لما تفكر في صاحبك إنه وحش واخلاقه مش كويسه
ولو في حاجه بيني وبينها مكونتش اتجوزت
علاء / اششش وطي صوتك انت مجنون ولا ايه
وبيقفل علاء الباب
علاء / مشفوهمش وهما بيسرقوا شافوهم وهما بيتحاسبوا
موضوع عدا عليه سنين وخلاص اتنسي هتيجي النهارده وتعرفه للناس كلها
معتز / م تقول لنفسك الكلام ده
علاء / م انا جايلك اهوه وندمان وبعتذرلك وبقولك انا اسف ع اللي حصل مني في الليلة اياها ومعلش اخوك وغلط سامحه بقى
معتز / كله إلا الموضوع ده
علاء يقرب منه وهو بيحضنه / خلاص ميبقاش قلب اسود بقى
معتز وهو مدمع / متعرفش ايه اللي حصلي وقتها
انا اتصدمت فيك
علاء / طب اوعي تموتني بقى
معتز / رايق يااخويه وليك نفس تهزر
علاء / هههههههههههههههه خلاص يادكتور بقى صافي يالبن
_________
في غرفة هدى اللي كانت بتتكلم مع هنادي في التليفون
هدى / يابنتي قولتلك مكونتش نايمه بطلي الحساسيه اللي انتي فيها دي ياهنادي
وبعدين تعالي هنا قوليلي مجتيش الجامعه ليه النهارده
هنادي / مليش مزاج
هدى / يعني انتي مش تعبانه
هنادي / هو لو تقصدي تعب عضوي يعني فأنا بخير... الحمد لله
هدى / والنفسيه مش متظبطه ليه يا نودي
هنادي / هموم الدنيا كتير ياهدي
هدى / يابنتي فوكي بقى وحاولي تعيشي حياتك وتبسطي نفسك
ع فكرة الدكتور جاد سأل عليكي النهارده
هنادي / قومتي عطتيه عنوان بيتنا صح
هدى / يلهوي هو جالك ولا ايه.
هنادي / ايوه يااختي
هدى / معقولة!
انا متخيلتش إنه يروحلك ع هناك انا احرجت لما سألني بس مش في دماغي خالص إنه فعلاً عايز يشوفك ويطمن عليكي
هنادي / ايه يشوفني دي؟!
هدى / هههههههههه متزعليش ياستي عايز يطمن على تلميذته النجيبه
هنادي / بس بقى ياهدي
هدى / انتي بتعيطي ياهنادي؟!
هنادي / انا نفسياً مش مستحمله اي كلمة ولو حتى على سبيل الهزار
معلش ياهدي انا عارفه إن دمى تقيل بس كلمتك عشان اقولك اني مش جايه الجامعه الاسبوع دا وهروح على الامتحانات وبس
هدى / معقولة هنادي متجيش تحضر المحاضرات اللي قبل الامتحان
ايه مذاكرة كويس ومش لازمك تعرفي المقرر والفصول المهمه اللي هتيجي في الامتحان
هنادي / م انا هعرف منك مش انتي هتروحي برضو
هدى / هروح هعمل ايه طالما حضرتك مش عايزة تروحي
هيبقى انا وانتي
هنادي / لو حد سألك عليه قوليله سافرت البلد
هدى / حد زي مين
هنادي / اي حد وخلاص
هدى / حاضر ولو اني مش فاهمه حاجه بس هعمل اللي قولتي عليه ولو اني كده هكدب ياهنادي وانتي عارفه الكدب حرام
هنادي / يعني لو حد سألك بس
إن شاء ﷲ... محدش هيسأل
هدى / مش عايزة برضو تقوليلي مالك
هنادي / هبقي اقولك بعدين لما نخلص الامتحانات
هدى / طيب
هنادي / سلام
هدى / سلام يااختي
هنادي / اكتبي المحاضرة بخط كويس عشان اعرف اقرا بلاش نقش الفراخ بتاعك دا
هدى / بقى انا خطي نقش فراخ
طب اقفلي ياهنادي ومتتصليش بيه تاني وابقى روحي احضري المحاضرات بنفسك ياحبيبتي
هنادي / ههههههههه اكتبي بخط كويس وصوريهم وابعتهوملي متنسيش سلام
وقفلت هنادي التليفون
هدى / ياترى في ايه مخبياه ياهنادي
بس الحكاية واضحه اهو الدكتور جاد مهتم اوي بيها وراحلها النهاردة البيت وهي مش عايزة تنزل الجامعه يبقى اكيد اكيد بيحبها او هي حبيته معرفش
يلا ياخبر النهاردة بفلوس
-_-___---___---__-____
أنت تقرأ
أنت قلبي🧡🥀الجزء الأول.
Chick-Lit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
