الحلقة 120
#انت_قلبي
#بوسي_مصطفي
____________________في شقة حسام
حسام قاعد مع أسر وسهر قاعده بعيد عنهم شويه ويارا في المطبخ
حسام ل أسر / بقولك ايه ياابن عمي
اسر / نعم ياابن عمي
حسام / انتو مش اتعشيتوا
اسر / الحمد لله..
حسام / وحليتو
اسر / الحمد لله
حسام / طب ايه هتفضلوا قاعدين كده
اسر / ايه دا انت عايز توزعنا ولا ايه
يلا ياسهر
ويقوم اسر عشان يمشي
حسام / استنى ياعم انت رايح فين
اسر / ايه هستني لغاية متطردني
ولا ايه
سهر / نعم يطردنا دا ايه
هي حصلت
حسام / اهدي ياعم خليني افهمك.. وانتي ياسهر اتفضلي اقعدي
اسر / ياابني نقعد ايه واضح إن قعدتنا مضايقاك
نسيبك بقى عشان تاخد راحتك سلام
يمسك حسام ايد اسر / ياابني افهم بقى
مش مفروض كان في اتفاق بينا
اسر / اتفاق ايه؟!
حسام / متصحصح معايا شويه يااسر
مش مفروض هتيجي انت وسهر عشان تتكلم مع يارا شويه في الموضوع اللي بالي بالك ده
سهر / هو ايه اللي بالي بالك ده
اكيد عامل مصيبه ومحتاج وسيط يصلح م بينكم
حسام / لا مصيبة ايه
هو انتي جايه تهدي الأمور ولا تولعي فيها
اسر / هههههههههههههه طبعا جايه تهدي النفوس اومال ايه
حسام / لا والصراحه كمان إن مراتك بتعزني اوي وبتحبلي الخير دايماً
سهر / مش هرد عليك
بس هنزل واسيبك تتكلم كده مع نفسك... يلا يااسر
حسام / لا يلا ايه؟!
دا انا مصدقت انكم جيتوا
م تقول حاجه ياابني انت ساكت ليه
اسر يغمز ل سهر
سهر / نعم.. خير!
اسر / مصلحه كده مش هتاخد معاكي خمس دقايق
سهر / ايوه اللي هي ايه دي؟
حسام / يارا
سهر / مالها
حسام / طب م تقربي هنا جنب اسر عشان اعرف اتكلم
قامت سهر من مكانها وقعدت جنب اسر
سهر / اتفضل اتكلم
حسام / انتي عارفه إن يارا بتشك فيه ع طول وامبارح
سهر / لا استنى
يعني ايه بتشك فيك.. هو دا مجرد شك ولا حقيقه؟!
حسام / الحمد لله... توبت خلاص
سهر / والمطلوب
اسر / تدخلي ل يارا المطبخ دلوقت تحاولي تهدي الجو بينها وبين حسام
سهر / يعني اقولها ايه مش فاهمه
ماهي ليها حق تشك فيه بصراحه
حسام / واضح انك جايه تهدي النفوس فعلاً!
اسر / ادخلي ياسهر قوليها إن حسام بقى شخص تاني وتاب
الحمد لله... ودي بشهادة اسر ليه
وامبارح هو كان سهران مع شباب صحابه وأسر اللي م اكدلي ده
سهر / اهو تأكيدك على الكلام اللي قالهولك
دا يأكد إن الحكاية فيها إنه
حسام / لا يااسر مش هينفع مراتك تدخل في الموضوع دا خالص
انتي مش محايده على فكره
سهر / محايده في ايه؟!
انت لو معملتش حاجه غلط مكونتش تبقى خايف كده
حسام / هو يعني البنى آدم لما يحب يتغير لازم يبقى خايف من مراته
وبعدين انتي اللي بتقولي كده
اومال سامحتي اسر ليه
سهر / عشان هبله وعبيطه
اسر / نعم!
سهر / خلصوني عايزني اقولها ايه
بعد شويه دخلت سهر المطبخ ليارا
اسر / جبتلنا الكلام
حسام / الظاهر لسه موجوعه من اللي عملته
اسر / عملت ايه هو انا خونتها انا اتجوزت
حسام / هههههههههه ومالك موطي صوتك كده
اسر / مش بقولك شيل عينك دي من حياتي
هو احنا نيجي عشان نصلحك على مراتك تقوم تخرب بيتي انا
حسام / ياعم مفيش حاجه هتحصل متقلقش انت مش سمعتها بتقول ايه
هبله وعبيطه يعني هتنسي اول م تروحوا البيت
اسر / احترم نفسك
حسام / ياعم مش هي اللي قالت على نفسها كده
اسر / هي تقول براحتها بس انت متشتمهاش
حسام / خلاص ياعم انا آسف هسكت خالص اما اشوف مراتك هتعمل ايه مع مراتي
اسر بتنهيده / يارتني م جيتلك يااخي
حسام / هههههههههههههههه معلش عشان خاطر اخوك استحملني المرادي
____________________
أنت تقرأ
أنت قلبي🧡🥀الجزء الأول.
Chick-Lit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...