((الحلقة الرابعة والخمسون))
#انت_قلبي
#بوسي_مصطفي
__________________
في لندن
فريدة / استقالت يعني ايه ياكريم
كريم / قدمت استقالتي قبل ماترفد يافريدة
فريدة / ليه يعني مش فاهمه
كريم / انا تعبان ومحتاج استريح... ياريت تاخدي محمد عشان اعرف انام
فريدة / طب قولي بس في ايه
كريم / تعبان يافريدة بقالي فترة تعبان من الشغل في المستشفى ومن الضغط اللي عليه هناك
فريدة / معلش ياكريم كنت تستحمل
كريم / استحمل ايه يافريدة
لما تبقى على حساب كرامتي مفيهاش استحمل دي
فريدة / هو كل مكان هتروحه ياكريم لازم تعمل فيه مشكلة كده؟!
كريم / انا معملتش مشاكل ولا اي حاجه كل الحكايه إن الوضع مبقاش عاجبني وانا شايف كل زمايلي اللي شغالين معايا بيحاولوا يزهقوني في الشغل عشان استقيل
فريدة / قومت ريحتهم وعملت اللي هما عاوزينه
كريم / عملت اللي هما عاوزينه عشان اريح دماغي انا كمان ماهو مش معقوله هشتغل في جو زي ده
انا ليه نظام في شغلي وهما عارفين كده كويس
يعني انا بخرج من اوضة العمليات بتوضا وبصلي الفرض اللي عليه
يجي الدكتور رئيسي في القسم
اللي شغال فيه
يقولي لو سمحت يادكتور في حاله في غرفة كذا خاصه بالدكتور فلان ممكن تشوفها وهو عارف كويس انا بعمل ايه
اقول ماشي وماله يمكن تعبان ولا حاجه اروح انا
اتكرر الموضوع اكتر من مره
بدخل المكتب بلاقي كتب مش كويسه بتمسنا احنا كمسلمين اسأل بتاعت مين ولا مين سابهم هنا على المكتب بتاعي محدش يجاوب ولما اطلب اشوف الكاميرات يرفضوا دا يبقى ايه
فريدة / معرفش بس كان ممكن تاخد الكتب وتقطعها قدامهم وكنت اخدت حقك برضو وحرقت دمهم
كريم / كل يوم بعد م بخلص شغل وانزل اشغل العربيه عشان اجي على هنا
الاقي شتايم باقذر الألفاظ مكتوبه على العربيه مين بقى اللى كتبها معرفش
دا غير إن الحاله اللي مفروض كانت تعبانه في المستشفى وقت التفجير خرجوها قبل متكمل علاجها واتكلمت هناك وعملت مشكلة ولا حياة لمن تنادي وخرجت من المستشفى بالليل تاني يوم جوزها بيكلمني قالي إنها ماتت
فريدة بحزن / انا لله وانا اليه راجعون
كريم / وكان عاوز تقرير طبي من المستشفى بحالتها عشان يبلغ البوليس ويشوفوا هل الإهمال كان من المستشفى ولا من ايه
فريدة / طب مش انت بتقول انك اللي كنت بتابع حالتها
كريم / لا ماهو انا مقولتلكيش إن دكتور دانيال اخد الحاله دي بدالي وبقرار كمان من المستشفى ولما اتكلمت قالوا عليه عنصري ومتطرف سكت ووافقت اني اخد الحاله التانية وكانت مشابهه لحالة فاطمه وخرجت كويسه من المستشفى فاطمه هي اللي ماتت وخرجوها من المستشفى على اساس انها خلاص بقت كويسه والتقرير دا انا شوفته بعنيه
فريدة / ياخبر طب وبعدين
كريم / الموضوع انتهى والقصة اتقفلت على كده خلاص
فريدة / كويس إنك بعدت عنهم ياكريم
كريم / مش هسيبهم يافريدة
فريدة / ابوس ايدك بقى بلاش تعمل مشاكل مع الناس دي احنا مش قدهم
كريم / استسلم واسكت يعني
فريدة / عشان خاطري انا وابنك واللي في بطني كريم انا مبنامش كل م افتكر انهم ممكن ينتقموا مننا ويحاولوا ياخدوا بتارهم ويقتلوا ناس ملهاش ذنب اخاف يكون الدور علينا
خاف ع ولادك بلاش انا وانت حتى
كريم اخدها في حضنه وهو بيحاول يطمنها لكن للأسف فريدة قلقت وخافت اكتر من كلام كريم عن اللي بيحصل جوه المستشفى
كريم بمزح / ابسطي بقى خلاص مفيش شغل وهقعد معاكي لحد متزهقي مني
فريدة بصت لكريم بحزن / لا مش عاوزاك تقعد في البيت
كريم / ياسلام... اول مرة تقوليها
فريدة / عاوزه انزل انا وانت ومحمد مصر
كريم / ليه يافريدة وبعدين انتي ناسيه اني بدرس هنا ولا ايه
انا مجتش هنا بس عشان الشغل
الشغل دا كان بالنسبالي خبره كده بكتسبها عشان اتعلم اكتر ولما انزل مصر افيد غيري باللي اتعلمتوا هنا سواء دكاتره زمايلي او حالات هعالجها بكل الخبره اللي اكتسبتها هنا
فريدة / خلاص يبقى ننزل مصر
كريم / ورسالة الدكتوراة اللي لسه اللي لسه مخلصتهاش
فريدة / انا خايفه ياكريم
كريم / لا ياحبيبتي متخافيش مش كل الناس هنا زي اللي عرفتهم واتعاملت معاهم في المستشفى في ناس هنا كويسه برضو
تعرفي إن في مجموعة من زمايلي راحوا كتبوا فيه مذكرة زي م بنقول في مصر ودي كانت سبب إنه يتطلب مني الاستقاله
فريدة / ياخبر ليه
كريم / عشان طلعت متطرف وعنصري وارهابي هههههههههههه
فريدة بحزن / بتضحك
كريم / امال اعيط هعمل ايه يعني
امال لو تعرفي التقيله بقى
فريدة / هو في اتقل من كده
كريم / ماريا راحت شهدت معاهم ضدي
فريدة بغضب / معقوله
كريم / سيبك من كل ده انا بقيت كويس لما فضفضتلك باللي جوايا انا بس مكونتش بتكلم عشان مضايقكيش بس ارتحت اوي لما خرجت كل اللي جوايا مع حبيبتي مراتي وصاحبتي وأم عيالي
فريدة / انت ازاي كده
كريم / هههههههههه ازاي يعني مش فاهم
فريدة / يعني ازاي بتقدر تنتقل من مشاعر لمشاعر تانيه
كريم / هههههههههههههه مش فاهم اي حاجه
فريدة / يعني كنت زعلان ومضايق على كل اللي حصلك في شغلك وفجأة اتحولت لشخص كيوت قمر مسمسم وعيونه دول جننتني خلاص
كريم / هههههههههههههه زي بالظبط لما اكون خارج من العمليات واكل عادي واعيش حياتي
فريدة / ااااه يابطني
كريم / مالك ياحبيبتي
فريدة / لما بفتكر اللي بيحصل في العمليات بطني بتوجعني اوي وبخاف
كريم / بإذن ﷲ
هتقوملنا بالسلامة وهتشرف بنوتتنا القمر ونفرح بيها كلنا
فريدة / بحبك ياكريم
كريم / وانا جوعت
فريدة / ههههههههههههه تاكل ايه
كريم / اي حاجه من ايدك الحلوين دول هتبقى احلى أكله اكلتها في حياتي
فريدة / بس بقى كلامك الحلو ده بيخليني مش قادرة اعيش في الواقع اللي حوالينا ده
كريم يغمزلها/ متيجي ننسى الواقع والدنيا كلها ونخطف الوقت ده ونعيش لنفسنا شويه
فريده / هههههههههههههه طب بلاش احلام وشوف ابنك اللي بيعيط هروح اعمل اكل
كريم / فريدة استنى انا لسه مخلصتش كلامي
فريدة تبص من الباب / كريم ياحبيبي انت طماع
كريم / هههههههههه ليه بس
فريدة / مش انت عاوز عيال استحمل بقى ياحبيبي ونيمه هاه
كريم / هههههههههه حاضر بس خلصي الاكل بسرعة عشان انا جعان
فريدة / مش كنت عاوز تنام من شويه؟!
ههههههههههههههههههه
_______________________
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
