((الحلقة الرابعة والأربعون))
#انت_قلبي
#بوسي_مصطفي
________________________
فات ربع ساعة واياد مازال بيطارد رجالة على
حاول يقفل عليهم الطريق في آخر الشارع ومشى في عكس اتجاه السير
رجالة على كانت بتخلع اللي وشهم
الأول للتاني اللي كان سايق/ اخلع هدومك بسرعه؛ هتلاقي الهدوم في الكرسي اللي ورا
بدل التاني مع الأول في السواقه
ورجع الأول لبس هدوم تانيه
فتح شباك العربيه ورمي الهدوم
عشان يعطل إياد ويشتت انتباهه
اياد وقف شويه بيتحاشي الحاجات اللي وقعه في الطريق وكمل مطاردته ليهم
________________
قدام شقة إياد
عمار / ادخلي دلوقت بالولاد وانا هتصل ب إياد اشوفه فين
منه / طيب ابقى طمني ياعمار
عمار وهو نازل ع السلالم جري / حاضر بس اقفلي باب الشقة كويس
دخلت منه جوه ومعاها الولاد قعدت ع كرسي السفرة وهي بتبص للساعه وقلقانه ع إياد وفي نفس الوقت عماله تفكر في اللي شافته وبدأت تربط الأحداث ببعض
عمار قال إن دي جراكن بنزين
وكان في اتنين رجاله ملثمين
بابا قال إنه هيخليها كوم تراب كان يقصد إنه هيحرق المحلات هو دا التحليل المنطقي بس ياترى إياد هيعمل ايه
انا خايفه عليه وخايفه كمان لو عرف الحقيقه ياترى هيعمل ايه
___________
عمار رجع في نفس التاكسي اللي ركبه مع منه بيتصل ب إياد مبيردش حاول كتير
قدر إياد يمسك التليفون وهو مركز في الطريق وبيطارد رجالة على
إياد /"ايوه ياعمار منه والولاد وصلوا البيت
عمار / اه وصلتهم ولسه نازل من فوق
إياد / جراكن البنزين فين
عمار / اخدتهم معايا في التاكس
إياد / طيب تمام
عمار / قولي انت فين
إياد / انا بجري اهوه ورا العيال دي
عمار / وصلت فين يعني
إياد / استنى ياعمار هكلمك كمان شويه
عمار / لا استنى متقفلش عرفني بس انت فين
يقفل إياد وهو بيبص ع العماره اللي العربيه وقفت عندها
إياد فاكر كويس اوي إن دي العماره اللي فيها شقة على القديمه
إياد / ايوه هي انا جيت هنا انا ومنه قبل كده... معقول دول يكون ليهم علاقه بحمايا طب ازاي وعايزين مني ايه
قعد إياد في العربيه كتير وهو بيفكر
طب مش يمكن صدفه ويكونوا ساكنين هنا مثلاً أو دخلوا يستخبوا جوه
اتنهد إياد وهو بيفكر هيعمل ايه
____________________
في لندن
فريدة واقفه قدام الشقة وفي ايدها الفون كريستينا واقفه جنبها شايله محمد
فريدة / كريستينا هسيب محمد معاكي واروح اطمن عليهم
كريستينا / تروحي فين فريدة البوليس هناك في كل حته وبيشتبه في أي حد خليكي كريم وماريا هيجوا متخافيش
فريدة واقفه بتعضض في صوابع ايدها بخوف وقلق ودموعها ع خدها
الاسانسير بيتفتح وفجأة
فريدة وهي بتعيط / كريم
جرى كريم ناحيتها وسندها لانها كانت هتوقع
فريدة وهي بتعيط / كنت فين قلقتني عليك
كريم / انا كويس ياحبيبتي متخافيش.. ثانك يو كريستينا
واخد منها محمد
كريستينا / الحمد لله... انكو كويسين كريم
ماريا بصوت متعب / شوفتي مام الإرهابيين عملوا ايه؟
كريستينا / شوفت كل حاجه في التي في
ماريا/ بيقولوا انهم مسلمين زي فريدة وكريم
نظر كريم لماريا وسكت
فريدة / يلا ياكريم ندخل جوه
______________
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
