((الحلقة السادسة والأربعون))
#انت_قلبي
#بوسي_مصطفي
________________________
هايدي ليمني في التليفون
هايدي / اخلصي هتجيبي الفلوس ولا لأ
يمني / طب قوليلي عاوزه المبلغ دا كله ليه
هايدي / خلاص يايمني مش عاوزه منك حاجه
يمني / استنى متقفليش انا هتصرفلك بكره
هايدي / عاوزاهم الليلة وياريت دلوقت
يمني / استنى الصبح اصل انا معنديش المبلغ ده ممكن ابيع غويشه من عندي واديلك الفلوس اللي انتي عاوزاها
هايدي / لا سيبي غوايشك يااختي لا جوزك يطلقك فيها وترجعي تعيطي
يمني / لا دي غويشه ماما كان جيبهالي هدية جوازي فاكره؟
هايدي / لا بلاش انا مش عاوزه حاجه... سلام
___________________
في المستشفى
اسر واقف منتظر الدكتور يخرج يطمنه ع سهر
التليفون يرن... اسر بيدور عليه
خرجه من جيب البنطلون
اسر / ايوه ياريهام
ريهام / أسر بيه مدام سهر عامله ايه؟
اسر مردش. .. والولاد بيعيطوا
ريهام / طب ممكن بس تكلم مليكه أصلها عماله تعيط وانا بحاول أهديها مش عارفه
اسر ودموعه ع خده وأيده ع بؤه وهو بيبكي
مليكه بتعيط / بابي... بابي
اسر بيحاول يتمالك نفسه ويهدا وهو بيتكلم / ايوه ياقلبي
مليكه ولسه بتعيط / مامي... عاوزه اسمع صوت مامي
اسر / ملوكه خدي مجدي جنبك ع السرير وناموا ياحبيبتي وانا الصبح هجيلكو انا ومامي
مليكه / طب اسمع صوتها واطمن عليها....
اسر منهار وعمال يعيط جامد وبياخد نفسه بالعافيه
اسر / ملوكه احضني اخوكي وناموا ياحبايبي يلا
الدكتور خرج من جوه... اسر جرى ناحيته
الدكتور/ حضرتك جوز المدام اللي جوه
اسر / اه انا
الدكتور / اسمع ياابني احنا قدامنا حل واحد عشان نوقف النزيف بس عايز اعرف
عندك ولاد قد ايه
اسر / عندي اربعه ليه يادكتور
الدكتور / طيب احنا هنضطر نستئصل الرحم
اسر / ايه
الدكتور / حياتها تهمك ولا لأ
اسر / اكيد
الدكتور / يبقى تسيبنا نشوف شغلنا
هز اسر دماغه وهو منهار وبيعيط
____________________
وعد لنورهان / يابنتي اقفلي ونامي بقى انا تعبت
نورهان /يابنتي انام ايه بس انا في العربيه في طريقنا للمطار وكمان لسه بدري هتنامي دلوقت
وعد /"عندنا الوقت متأخر وبالشكل دا مش هروح الشغل الصبح
نورهان / ههههههههه ايه هشام هيخصملك ولا ايه
وعد / هههههههههههههههه مش بعيده اقفلي يانور
نورهان / طب هاتي ليلي اكلمها ونامي انتي
وعد / ليلي نامت
نورهان / طب هاتي هشام.. شادي اي حد من العيال اللي صاحيه عندك
وعد / يابنتي بقولك ناموا كل البيت نام مفيش غير انا اللي لسه صاحيه وشكلي هترفد الصبح
نورهان / هههههههههههههه محدش له عندنا حاجه الشركة شركتنا والورق ورقنا
وعد / الدفاتر بتاعتنا ياكبيره هههههههههههههههههه
نورهان / طب اقفلي عشان حسيت اني جوعت
وعد / هههههههههه وانا كمان هنزل اعيش في التلاجه تحت ساعة كده ولا حاجه اشوفلي اي حاجه أكلها
نورهان / ههههههههه بصره انا بسهر طول الليل رايحه جايه عليها ولا كأنها بنتي بطمن عليها لتكون مش متغطيه ولا حاجه
وعد / هههههههههه
فعلا الجو برد عليها جوه لازم نخرج الاكل عشان ميتجمدش كرشنا أولى بيه
نورهان / هتفرقعي من كتر الاكل
حاسبي لتنفجري في وشنا
وعد / بعيداً عن الهزار بقى فأحب اقولك اني راضيه عن نفسي اوي وشايفه إن وزني كده حلو
نورهان / دا مين اللي قالك الكلام دا ياام كرش؟
احب اقولك إنه بيضحك عليكي
وعد / لا هاني مبيكدبش
نورهان / هاني اممم
وعد سكتت وعاوزه تقفل
نورهان / ماهو بيقول كلام حلو اهو امال قافله ليه من ناحيته
وعد / اقفلي يانور
نورهان / طب عيني في عينك كده
يعني مش وحشك ونفسك تشوفيه
وعد / بشوفه في النادي
نورهان / ومبتحسيش بحاجه اول م بتشوفيه
وعد بخجل / لأ
نورهان / كدابه
وعد / اقفلي يانور
نورهان / عينك فضحتك وقالت كل الكلام اللي مخبياه
وعد / كلام ايه ده
نورهان / طالما بتحبي بتنكري ليه
وعد / بس يامجنونه اقفلي بقى
نورهان / محدش هيصالحكوا غيري
وعد / طيب يااختي تصبحي على خير
نورهان / متنسيش تقلبي في الفون قبل م تنامي
وعد / نعم.... ليه؟!
نورهان / عشان تبقى صورته آخر حاجه عينك وقعت عليها
وعد تقفل الفون وهي متغاظه من كلام نورهان
نامت ع السرير والمخده ع دماغها
معرفتش تنام وفجأة اخدت الفون من على الطربيزة بتفتح وتقلب جات صورة هاني وهما مع بعض في النادي وكان بيهزر معاها فحدفها في حمام السباحه
ابتسمت وعد وبعدها دورت ع الفيديو الخاص بالصوره دي
اشتغل وهي بتضحك ع نفسها كان بيهزر معاها وفي ايده الفون وفجأة حدفها في المياه
خرجت وهي عماله تزعق ومبلوله حاوطها ب ايده التانيه وهو بيقولها اضحكي بقى عشان الصوره تطلع حلوه
بتحاول تاخد الفون من ايده وهي متنرفزه زقها مرة تانيه وقعت في المياه
وهو قعد يضحك
وعد بتضحك وهي بتتفرج على الفيديو قفلت الفون وقربت من السرير عشان تنام
بس معرفتش تنام صورة هاني قدامها التفت الناحيه التانيه يمكن تعرف تنام
لاقت صورة كمان قدامها ومش عاوزه تختفي من دماغها
قعدت ع السرير وفي ايدها الفون وفضلت تقلب في الصور اللي بتجمعها هي وهاني
حست بحنين جامد ليه وقد ايه هي مفتقداه
اتنهدت بضيق وقفلت الفون وغمضت عينها عشان تنام
_________________________
أنت تقرأ
أنت قلبي🧡🥀الجزء الأول.
Chick-Lit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
