((الحلقة السادسة والخمسون))
#انت_قلبي
#بوسي_مصطفي
___________________
في لندن
فريدة بتتكلم مع ندي ع النت
ندي / ايه رأيك بقى... لسه واخده الصور حالا من شهد
فريدة وعينها مدمعه / زي القمر
رحمه كانت زي القمر ياندي
ندي / معلش يافريدة بكره نتجمع مع بعض تاني
فريدة / شوفتي الغربه بتعمل فينا ايه حتى فرح اختي محضرتوش
ندي / يابت بطلي عياط بقى متعكننيش ع نفسك عشان اللي في بطنك... قوليلي انتي في الشهر الكام دلوقت
فريدة وهي بتمسح دموعها / في الرابع
ندي /"خلي بالك من نفسك واتبسطي وفرفشي كده.. انتي وكريم مش كويسين مع بعض؟
فريدة / الحمد لله
كريم حنين اوي ياندي بس معرفش ليه ملطشه معاه كده
ندي / معلش ياحبيبتي بكره تروق وتحلي بس انتي خليكي جنبه اوعي تتخلى عنه
فريدة / طب م تقولي لنفسك ولا عجبتك الحكاية
ندي / بصي يافريدة اولا كده مفيش مقارنة خالص بين موضوعك وموضوعي
انتي جوزك بيمر بأزمه في شغله وواجب عليكي توقفي جنبه
اما اخوكي فهو جه عليه وعلى كرامتي كتير اوي وكان لازم واقفه وبصراحه مفروض كانت تحصل من زمان
تعرفي انا مش عاوزه اطلع الشقة فوق
فريدة تغمزلها / عيني في عينك كده بقى مش عاوزه تطلعي فوق لجوزك
ندي / صدقيني دا احساسي انا عايشه أجمل ايام حياتي دلوقت تعرفي ليه
فريدة / ليه؟
ندي / عشان حاسه اني مخطوبة لاخوكي مش متجوزين
احساس حلو اوي لما تلاقي الطرف التاني بيجري وراكي وبيهتم بيكي وكل اما يشوفك يبقى عاوز يكلمك عكس اسلوبه معايا واحنا متجوزين صمت تام يعني بيكون لسه قافل الموبايل مع صاحبه بعد رغي ساعه كامله وتيجي تسأليه ع حاجه ميردش يقولك تعبان مصدع المهم انتي مش في دماغه اصلا دلوقت بقى مبيبطلش اتصال بيه ولو مردتش يتصل بماما ويقولها / طمنيني على ندي هي كويسه دا لما بقفل الفون ربع ساعه بس
احساس حلو مش عاوزاه يخلص وخايفه ينتهي اول م اطلع عنده فوق
فريدة / بجد عجبتني الفكره هبقي اقولها لكريم اهو نغير من روتين حياتنا شويه
ندي / هههههههههه مجنونه
فريدة / طب اقفلي عشان محمد بيعيط عاوز يغير
ندي / ماشي سلام
____________________
فات 3 شهور والاوضاع زي ماهي
وبدأت الدراسة ودا اول يوم
في شقة طارق
في اوضة هنادي
كانت بتلبس وهي فرحانه النهاردة يوم جديد في حياتها
هنادي قبلت في كلية الآثار جامعة القاهرة.. حضنت دفتر المحاضرات اللي نزلت بنفسها اشترته من المكتبه كان
طارق بيعمل الرضعه لمريم ومفروض في بنت جايه تقعد بيها في الشقة
نرمين بتلبس جوه هي كمان
طارق / هنادي لسه مخلصتيش
هنادي / خلاص خلصت هلف الطرحه بس
وقفت قدام المرايا ظبطت الطرحه
هنادي / حلو كده ياطارق
طارق / حلو بس شدي الطرحه لقدام شويه
هنادي / حاضر
مسكت الروج ولسه
طارق / قولنا ايه
هنادي / حاجه خفيفه كده
طارق / لا خفيف ولا تقيل انتي كده زي القمر
هنادي ببتسامة / ماشي
طارق / غيري لمريم بقى شكلها عملتها
هنادي وهي مضايقه / بعد م لبست
خرج طارق وقعد على السفره
طارق/ يلا يانرمين
نرمين خارجه من الاوضة / انت هتعمل ايه
طارق / مش هتشربي لبن؟
نرمين / لأ
طارق / طب استنى رايحه فين انا هوصلك
نرمين / لا كده هتتاخر كفايه عليك هنادي
وخرجت نرمين من الشقة
هنادي / قرب يامازن اعدلك لياقة القميص دي...
هي نرمين اختك نزلت؟
طارق / اه نزلت ... ويلا بسرعه عشان ألحق المدرسة
هنادي / اني قولتلك عرفت طريق الجامعة خلاص بلاش تعطل نفسك ممكن تتأخر على شغلك
طارق / اول يوم بس عشان ابقى مطمن
هنادي / حاضر... بس استنى ارن ع عواطف اشوفها اتأخرت ليه
جرس الباب يرن
هنادي / تلاقيها هي
فتح طارق الباب ودخلت عواطف اخدت مريم وشالتها
ونزل طارق وهنادي ومعاهم مازن
في الطريق
طارق / تاخدي بالك من نفسك ياحبيبتي
هنادي / حاضر
طارق / متكلميش اي حد اللي تشوفيها في حالها بس حاولي تقربي منها لكن البنات اللي عاملين شله والولاد واقفين حواليهم دول متقربلهمش
هنادي / حاضر
طارق / ولد يقولك عاوز دفتر المحاضرات اوعي انا بقولك اهوه
هنادي / حاضر
طارق / اوعي رقم تليفونك تديه لأي حد
هنادي / طارق اني مش صغيرة كفايه أوامر بقى
طارق / حاولي تعدلي لهجتك شويه مش بقولك كده عشان لهجتنا مش عجباني لأ عشان بس متسمعيش تريقه من حد عشان في ناس بنستغرب لهجة غيرها ودا هيضايقك
هنادي / واني مليش دعوه بحد
طارق / اسمها أنا
هنادي / خلاص انا مليش دعوة بحد
طارق ببتسامة / وصلنا يلا انزلي
هنادي وهي واقفه قدام بوابة الجامعه وناس داخله وناس خارجه وفجأة بنت معديه تخبط فيها
البنت / سوري مكانش قصدي
هنادي / لا عادي ولا يهمك.
البنت / انتي داخله جوه
هنادي / اه
البنت / طب تعالي ندخل مع بعض
شكلك سنه اولى صح
هنادي / اه أولى آثار
البنت / ايه الصدف السعيدة دي انا كمان أولى آثار
هنادي / بجد
البنت ببتسامة / بجد
انا هدى
هنادي / واني... قصدي اااا
انا هنادي
هدى / ههههههههههههه عاشت الاسامي
هنادي / بتضحكي على ايه
هدى / مش واخده بالك إن اسمنا في شبه من بعض ههههههههههههه
هنادي / اه صحيح!
دا ايه الصدف السعيدة دي
هدى / تعالى نشوف جدول المحاضرات
___________________
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
