((الحلقة 109))
#انت_قلبي
#بوسي_مصطفي
_________________
في فيلا مراد
هشام كان بياخد شاور وخارج من الحمام
امل قاعدة على السرير ايدها على خدها وسرحانه
هشام بيكمل لبس وقرب من السرير وبيسحب الغطا ناحيته عشان ينام
هشام / ايه ياامل منمتيش ليه انا قولت زمانك في سابع نومه دلوقت
امل ونظرت لهشام / من يوم وفاة الأستاذ طارق وانا اعصابي تعبانه ياهشام
هشام بحزن / ربنا يرحمه
امل / هنادي صعبانه عليه اوي
هشام / هي لسه في البلد
امل / كلمتها الصبح قالتي احتمال ترجع شقتها قريب
هشام / مش هيسبوها تعيش هنا لوحدها دول ارياف ياحبيبتي واستحاله يوافقوا إن ست منهم تعيش لوحدها
امل / بس اخوها عايش هنا
هشام / اخوها دا مش متجوز
امل / اه
هشام / طيب يعني هو هيسيب بيته ويروح يعيش معاها ولا مراته هتستحملها في شقتها بولادها
امل / وفيها ايه يعني
دا انا بحب اليوم اللي نور ووعد بيكونوا فيه هنا وببقي طايره من الفرحه ونفسي يقعدوا معانا على طول
هشام / انتي ياحبيبتي محدش زيك
بس كل واحد له بيته ياامل ومنقدرش نلوم على حد كل واحد حر
امل / بس يستحملوها ولو كام شهر بس لحد م تقدر توقف على رجلها اكيد تايهه دلوقت ومش عارفه تتصرف
هشام / ربنا معاها
امل / هشام احنا معزنهاش غير في التليفون وشكلها كده مش جايه هنا دلوقت بقول يعني
قاطعها هشام / عايزة تروحي تعزيها هناك
امل / ياريت
هشام / بس المسافه بعيدة اوي ياامل
امل / وفيها ايه يعني مش واجب ولازم نعمله
احنا لو خرجنا من هنا بعد الفجر هنوصل هناك على عشرة احداشر كده
نقعد معاها ساعة ولا حاجه ونخرج من البلد هناك بعد الظهر هنوصل هنا قبل الدنيا م تليل
هشام / بس انتي عارفه ياامل إن وقتي يعني
امل تقاطعه / ماهو انت مش هتيجي معانا ياحبيبي
هشام / معانا مين
امل / يعني انا بفكر اكلم البنات
داليا وسهر وفريدة وياسمين
ونروح كلنا مع بعض ايه رأيك
هشام / مش عارف ياامل بس انا هبقي قلقان
امل/ هتقلق من ايه بس
هشام / اول مرة هتسافري مسافه زي دي لوحدك وخايف من الطريق
امل / اولا انا مش هسافر لوحدي هيبقى معايا البنات
تاني حاجه بقى احنا هنسافر بعد الفجر يعني الدنيا هتبقى تمام
هشام / ياحبيبتي الجرايم دلوقت بتحصل في عز الضهر
امل / هههههههههه هنتخطف يعني ولا ايه
هشام / بتضحكي شكلك حبيتي الموضوع هههههههه
امل / فاكر لما اتخطفت قبل كده ههههههه
هشام / خلاص بقى متفكرنيش
امل / متعرفش حاجه عنهم؟؟
هشام / هما مين
امل / ولاد عم ماما
هشام / وانتي عايزة تعرفي أخبارهم ليه
امل / يعني جم على بالي
هشام / لا ميجوش على بالك واتفضلي بقى اقفلي النور ده عشان ننام
امل / موافق يعني
هشام / موافق على ايه
امل / على إننا نروح نعزي هنادي انت نسيت ولا ايه
هشام / اوكيه ياامل بس تاخدي بالك من نفسك
امل / نسافر بعد بكره ايه رأيك
هشام بتنهيده / اللي تشوفيه تصبحي على خير
امل / ايه مالك
هشام / الست وعد اختي والخضه اللي خضتهالنا
امل / اااه
هشام / هي كانت بتقول قتلته
هي كانت تقصد مين
امل / معرفش
هشام بتنهيده / طيب تصبحي على خير
امل / هشام
هشام / نعم ياحبيبتي
امل / بردانه
هشام / عندك الريموت افصلي التكييف
امل نظرت بدهشه / بس انا عايزة التكييف يفضل شغال
هشام / خلاص اتغطى كويس
امل / انت رخم
هشام / ههههههههه عندي شغل الصبح
امل تخبطه بالمخده على دماغه وتدوس ب ايدها جامد
امل / طيب نام ياهشام
هشام / لا انا كده روحي هتطلع
سابته امل وفتحت الباب وخرجت
هشام / رايحه فين يامجنونه تعالي
كانت امل بتفقل الباب بعد م خرجت
هشام / خلاص انتي حره بقى
امل تخبط على باب اوضة البنات
نورهان بصوت ناعس مين
امل / انا امل يانور انتو نمتو ولا ايه
نورهان / ايوه يعني عايزة ايه
امل / زهقانه وقولت اجي اقعد معاكو
نورهان / الساعة اتنين ياامل روحي نامي
امل / كده طيب... تصبحي على خير
كانت نورهان غمضت عينها تاني ونامت
نزلت امل تحت شغلت التليفزيون وقعدت تقلب بالريموت لحد م النوم غلبها ونامت مكانها
_______________
أنت تقرأ
أنت قلبي🧡🥀الجزء الأول.
Chick-Lit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
