الحلقة ١٣٤
#انت_قلبي
#بوسي_مصطفي
________________
حسين / هنادي... هنادي استنى بقى عايز اتكلم معاكي
هنادي التفتت ليه بغضب / هي كمان حصلت تجي لحد هنا
انت لو فعلاً راجل تغور خالص من هنا احسن م الم عليك اهل المنطقة كلها يقطعوك
حسين / صدقيني ندمان وعايز أصلح الغلط اللي انا عملته
هنادي / انا سيبتلك الشركة كلها ياريت تكون ارتحت ابعد بقى عني وسيبني في حالي
حسين / هنادي انا بحبك ارجوكي اسمعيني وحسي بيه
انا غرضي شريف صدقيني والكلام اللي قولته دا من قهرتي وصدمتي من رفضك ليه
هنادي / انت هتغور من هنا ولا انادي ل اهل المنطقه يروقك
وتترمي الليلة في المستشفى
حسين / للدرجادي كرهتيني ياهنادي
هنادي / انا عمري م كرهت حد قد م كرهتك يااخي
حسين / انا مش هضغط عليكي اكتر من كده بعد اذنك
هنادي / في داهيه
________________
في شقة كمال ونادين
نادين / يابنتي اهدي بقى
محدش هينفعك انتي بس هتقعدي تتعبي في أعصابك واللي في دماغه هينفذه خلاص سبيه براحته
ياسمينه / هطق ياماما حاسه إن هيجرالي حاجه بسبب الموضوع ده
نادين / اقولك اعملي اللي انت عايزاه متكتميش في قلبك وتخيبي خيبتي
ياسمينه / انا كل يوم بيزيد كرهي للراجل ده بكرهه وبكره اي حاجه من ناحيته وعمتي زيه بالظبط انا مبحبش العيله دي ياماما
نادين / لا ياسمين بلاش تقولي كده يابنتي
هو باباكي ودلوقت متجوزش عليه إلا الرحمه يابنتي
ياسمينه / وهو مرحمناش ليه وهو عايش دا حتى بعد م مات تاعبنا وكاسر نفسنا
عمتي لما تحب تضايقني تقولي يابنت نادين اصلك تربية نادين وانا بتغاظ منها اوي
نادين / قوللها م انا فعلاً بنت نادين اومال بنتك وماما ربتنا احسن تربية
ياسمينه / لا ماهي عارفه بس هي عايزة تضايقني وبس انا عارفه إن طول عمرها بتغير من حضرتك ومبتصدق تيجي اي مناسبة عشان تجيب سيرتك
نادين / سيبك منها المهم جوزك
ياسمينه / حضرته هيشتري منها البيت وضاحكه عليه كمان في السعر وعايزة متين وخمسين ألف فوق السعر القديم قال ايه البيت سعره زاد عن الاول وهي اصلا غلطت وقالتلنا ان مفيش حد راضي يشتريه بالسعر ده واتفاجأت انها اتصلت بعمر الصبح وغيرت كلامها معاه وهو موافق ومسلملها حاسه إن ضغطي بيعلي ونبضات قلبي بتزيد
نادين / استريحي اما اقيسلك الضغط
ياسمينه/ لا ياماما انا هروح
نادين / تروحي فين دلوقت اقعدي اما اطمن عليكي
ياسمينه / نادين عندها امتحانات وهنا مش هتعرف تذاكر
تنادي ياسمينه على بنتها / نادين هاتي اختك وتعالى
نادين / هتروحي فين بس ياياسمين اقعدي يابنتي متوجعيش قلبي عليكي
ياسمينه / الظاهر مش مكتوبلنا نستريح في الدنيا دي ياماما
نادين قعدت ومردتش
ياسمينه / يلا يابنتي بتعملي ايه عندك كل دا
نادين الصغيرة / حاضر ياماما جاي اهوه
ياسمينه / جييتي حاجة اختك كلها
نادين / هدخل اجيب الببرونه من جوه
ياسمينه / طب يلا بسرعة
مالك ياماما
نادين / مفيش يابنتي انا كويسه
جرس الباب يرن تجري نادين الصغيرة تفتح الباب
نادين / دي خالتو هدى ياماما
هدى / ازيك يادودو عامله ايه
نادين / الحمد لله... كويسه
ياسمينه / تعالى ياهدي
هدى تقرب تسلم على نادين وتبوسها من خدها / عامله ايه ياماما.
نادين / الحمد لله... يابنتي اقعدي ياهدي
ياسمينه / عامله ايه ياهدي
هدى / الحمد لله... ايه ياجماعه مالكو؟
ياسمينه / مفيش ياحبيبتي اقعدي استريحي
انا ماشيه ياماما محتاجه مني حاجه
نادين / كنت عايزاكي تقعدي تتغدي معانا
ياسمينه / لا معلش ياماما سامحيني المرادي مصدعه وتعبانه هروح انام شويه واقوم اذاكر لنادين
نادين / طب خدي اكل معاكي مش هتقدري توقفي في المطبخ
ياسمينه / لا م انا مش هقف في المطبخ فعلاً لما اروح هطلب اكل عشان نادين
هدى / ايه ياياسمين مالك وبعدين ينقع تقومي كده ع طول م نغير منقعد مع بعض شوية
ياسمينه / انا كنت خارجه قبل م تيجي اسألي ماما
بعد اذنكو... شيلي يانادين الشنطه دي
نادين / حاضر
وفتحت ياسمين الباب وخرجت بنتها قدامها وقفلت الباب
هدى / هي مالها ياسمين ياماما
نادين / سيبك من ياسمين وقوليلي انتي عامله ايه
هدى / الحمد لله
___________
أنت تقرأ
أنت قلبي🧡🥀الجزء الأول.
Literatura Feminina#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
